Seanfhocal 13:6 - An Bíobla Naofa 1981

⁶ Cosnaíonn an tsuáilce an fear dea-bheatha; milleann an urchóid an peacach.

An Bíobla Naomhtha 1817 (Bedell)

⁶ Coimhéaduigh an tionnracus an direach iona shlighe: acht claóidhigh a nurchóid an peacach.

Seanfhocal 13:6 Tagairtí Cros

1 Ríthe 1:52

“Má iompraíonn sé é féin go hionraic,” a d'fhreagair Solamh, “ní thitfidh ribe dá chuid gruaige chun talún; ach má fhaightear mailíseach é, cuirfear chun báis é.”

1 Ríthe 13:34

Ar an gcaoi sin rinneadh teaghlach coiriúil de theaghlach Iarobám i dtreo gur scriosadh ar fad é de chlár na talún.

2 Croinicí 28:23

d'ofráil sé íobairtí do dhéithe na Damaisce a chloígh é agus dúirt: “De bhrí gur thug déithe ríthe Arám cabhair dóibhsean, déanfaidh mé íobairt chucu le súil go gcabhróidh siad liomsa.” Ach thug siad an mí-ádh sa mhullach air féin agus ar Iosrael.

Salm 119:1

Is aoibhinn a mbíonn a slí gan mháchail, a shiúlann i ndlí an Tiarna.

Salm 140:11

Go bhfeara sé sméaróidí dearga orthu anuas; go gcaithe sé isteach i bpoll talún iad, i dtreo is nach n‑éirí siad arís.

Salm 15:2

An té a shiúlann gan cháim; an té a dhéanann fíréantacht agus a labhraíonn go díreach óna chroí;

Salm 25:21

Go gcumhdaí an neamhurchóid is an t‑ionracas mé, óir is ionat atá mo dhóchas, a Thiarna.

Salm 26:1

Le Dáiví. 1 Tabhair breithiúnas ar mo shon, a Thiarna, óir shiúil mé ar shlí an ionracais, agus bhí mo dhóchas sa Tiarna gan staonadh.

Seanfhocal 10:29

Dún daingean é an Tiarna d'fhear na beatha fíréanta, níl ann ach scrios do lucht an oilc a dhéanamh.

Seanfhocal 11:20

Is fuath leis an Tiarna lucht droch-chroí; is geal leis an mhuintir nach cam cosán.

Seanfhocal 11:3

Déanann a n‑ionracas na hionraice a stiúradh, ach scriosann a bhfeall na feallairí.

Seanfhocal 21:12

Breathnaíonn an fíréan ar theach an drochdhuine, agus basctar na héagráifigh de dheasca a n‑urchóide.

Seanfhocal 5:22

Bíonn cionta an urchóidigh mar ghaiste ina thimpeall, agus gabhtar é i líonta a pheaca féin.