Nihimiá 4:9 - An Bíobla Naofa 1981

⁹ Nuair a fuair ár naimhde amach go raibh rabhadh faighte againn, agus gur chuir Dia a bplean amú, [d'imíodar leo] agus chuamar go léir ar ais, gach duine i mbun a shaothair ar an mballa.

An Bíobla Naomhtha 1817 (Bedell)

⁹ Ar a shonsin do rinneamairne ar nguidhe chum ar Ndé, agus do chuireamar faire re na naghaidh do ló agus doidhche, ar a neagla.

Nihimiá 4:9 Tagairtí Cros

Geineasas 32:28

“Ní Iacób a bheidh ort feasta,” ar sé, “ach Iosrael, óir mar a bhí tú tréan in aghaidh Dé, beidh an lámh láidir agat ar dhaoine.”

Nihimiá 4:10

Ón lá sin amach ní bhíodh ach leath mo chuid fear ag tógáil; bhíodh an chuid eile ina seasamh, agus sleánna sciatha boghanna agus lúireacha acu, ar chúl teaghlach Iúdá,

Nihimiá 4:11

a bhí ag tógáil an bhalla. Bhíodh [airm ag] an lucht iompair chomh maith, i dtreo go ndéanadh gach duine díobh a ghnó lena leathláimh agus a arm ina leathláimh eile.

Iób 5:12

Cuireann sé bearta na gcealgairí amú, I dtreo nach ritheann le hiarrachtaí a lámh.

Salm 33:10

Cuireann sé comhairle na gciníocha ó rath agus beartas na náisiún ar neamhní.

Salm 50:15

Glaoigh orm ansin in am na hanacra; saorfaidh mé thú agus tabharfaidh tú urraim dom.”

Seanfhocal 22:12

Déanann súile an Tiarna an t‑eolas a fhaire, ach leagann sé ar lár briathra na mbréagairí.

Matha 26:41

Bígí ag faire agus ag guí, ionas nach rachadh sibh i gcathú. Tá an spiorad fonnmhar ach tá an cholainn fann.”

Lúcás 21:36

Bígí gach uile thráth do bhur bhfaire féin agus ag guí chun go mbeadh ar chumas daoibh dul slán ó na nithe sin uile atá le teacht, agus seasamh díreach os comhair Mhac an Duine.”

1 Peadar 5:8

Bígí measartha agus déanaigí faire, mar tá bhur n‑áibhirseoir, an diabhal, ag gabháil timpeall mar a bheadh leon ag búiríl ar thóir dhuine éigin le slogadh.