Iúd 1:19 - An Bíobla Naofa 1981

¹⁹ Is iad sin a dhéanann deighilt, dream saoltach, gan an Spiorad acu.

An Tiomna Nua 1970 (Ó Cuinn)

¹⁹ Is iad a bhíos ag cur na n-easaontas ar bun, daoine saolta collaí, nach bhfuil Spiorad Dé iontu.

Tiomna Nua 1951 (de Siúnta)

¹⁹ Is iad‐san do‐ghní deaghailte iad, dream colnaidhe, gan an Spiorad bheith aca.

An Bíobla Naomhtha 1817 (Bedell)

¹⁹ A síad so an dream sgaras íad féin ré gách, agus íad colluidhe, gan an Spiorad.

An Tiomna Nua agus Leabhar na Salm 2012

¹⁹ Is iad sin a dhéanann deighilt, dream saoltach, gan an Spiorad acu.

Iúd 1:19 Tagairtí Cros

Seanfhocal 18:1

An té a mhaireann leis féin, déanann sé mar is rogha leis agus cuireann [comhairle d'aon sórt] fearg air.

Íseáia 65:5

“Fan mar a bhfuil tú,” a deir siad, “ná bain díom; óir is naofa ná tusa mé.” Toit i mo shrón is ea an dream seo, tine nach múchtar ar feadh an lae.

Eizicéil 14:7

Cibé fear de mhuintir Iosrael - nó de na coimhthígh atá ag cur fúthu in Iosrael - a thugann cúl liomsa, a ghlacann chuige féin ina chroí istigh na híola atá aige, a shuíonn bunchúis a urchóide os a chomhair amach agus a thagann ina dhiaidhsean chuig fáidh ag cur mo thuairisce, freagróidh mise, an Tiarna, é de mo dheoin féin.

Hóisé 4:14

Ach ní chúiteoidh mé a striapachas le bhur n‑iníonacha, ná a gcuid adhaltranais le mná céile bhur mac; óir déanann siad san caidreamh le striapacha ar leithligh, agus ofrálann siadsan, na sagairt, íobairtí i gcuideachta meirdreach cultais. Sa tslí sin tá pobal gan chiall ag brostú leo ar aghaidh ar bhealach a bhasctha.

Hóisé 9:10

Mar chaora fíniúna san fhásach, is ea a tháinig mé ar Iosrael; mar chéadtoradh an chrainn fígí (i dtús an tséasúir), is ea a leag mé súil ar bhur sinsear. Ach chomh luath agus a shroich siad Bál Peór, choisric siad iad féin don Náire, agus níor lú an t‑ábhar déistine dom iad ná na nithe dár thug siad gean.

Rómhánaigh 8:9

Ní faoi réir na colainne atá sibhse, áfach, ach faoi réir an Spioraid más rud é go bhfuil Spiorad Dé lonnaithe ionaibh. Má tá duine gan Spiorad Chríost aige ní le Críost é.

1 Corantaigh 2:14

An duine nádúrtha, ní ghlacann sé leis na nithe a bhaineann le Spiorad Dé; is díth céille leis iad agus ní féidir dó iad a thuiscint mar is de réir an Spioraid nach foláir iad a mheas.

1 Corantaigh 6:19

Nach bhfuil a fhios agaibh gur teampall bhur gcorp ag an Spiorad Naomh atá istigh ionaibh mar bhronn Dia oraibh é? Ní libh féin sibh

Eabhraigh 10:25

Ná fanaimis as láthair ónár gcomhthionól mar a dhéanann daoine áirithe, ach bímis ag misniú a chéile, go mór mór ó fheiceann sibh go bhfuil Lá an Tiarna ag druidim linn.

Séamas 3:15

Ní anuas ó lastuas a thagann an sórt sin eagna, ach tá sí talmhaí, neamhspioradálta, agus diabhlaí.