Eaxodus 20:1 - An Bíobla Naofa 1981

¹ Labhair Dia na briathra seo go léir. Dúirt sé:

An Bíobla Naomhtha 1817 (Bedell)

¹ Agus do labhair Día na bríathra so uile, ag rádh,

Eaxodus 20:1 Tagairtí Cros

Nihimiá 9:13

Tháinig tú anuas ar Chnoc Shíonái, Agus labhair tú leo ó na flaithis. Thug tú dóibh treoracha córa, Dlíthe cinnte, Reachtanna agus aitheanta maithe.

Eaxodus 19:25

Chuaigh Maois síos chun an phobail dá bhrí sin agus labhair sé leo.

Eaxodus 20:2

“Mise an Tiarna do Dhia a thug thú amach as tír na hÉigipte agus as teach na daoirse.

Gníomhartha 7:38

Sin é an fear a bhí leis an bpobal san fhásach i gcuideachta an aingil a labhair leis ar Shliabh Shíonái, agus i gcuideachta ár sinsear, agus a fuair briathra beo le tabhairt dúinne.

Gníomhartha 7:53

sibhse a fuair an dlí trí bhíthin na n‑aingeal ach nár choimeád é.”

Deotranaimí 10:4

Ansin d'inscríobh sé ar an dá chlár, faoi mar a rinne a inscríobh an chéad uair, na Deich nAitheanta a labhair an Tiarna libh ar an sliabh ó chroí na tine lá an Tionóil. Ansin thug an Tiarna dom iad.

Deotranaimí 4:33

Ar chuala aon chine riamh guth Dé [bheo] ag labhairt ó chroí na tine, mar a rinne tusa, agus iad a mhaireachtáil?

Deotranaimí 4:36

Lig sé duit a ghuth a chlos ó neamh do do theagasc; lig sé duit a thine mhór a fheiceáil ar talamh, agus ó chroí na tine chuala tú a bhriathar.

Deotranaimí 5:22

“Sin iad na briathra a labhair an Tiarna libh go léir i gcomhthionól ag an sliabh; labhair sé libh de ghlór ard ó lar na tine, an néil, agus an dorchadais thiubh. Níor chuir sé aon rud eile leo, ach iad a scríobh síos ar dhá chlár chloiche agus thug dom iad.

Deotranaimí 5:4

Labhair an Tiarna gnúis le gnúis libh ar an sliabh ó chroí na tine,

Deotranaimí 5:6

‘Mise an Tiarna do Dhia a thug amach as tír na hÉigipte thú agus as teach na daoirse.