Cóheilit 3:5 - An Bíobla Naofa 1981

⁵ tráth scaipthe cloch, tráth bailithe cloch, tráth beirthe barróg, tráth séanta barróg,

An Bíobla Naomhtha 1817 (Bedell)

⁵ Aimsir do theilgion cloch amach, agus aimsir do chruinniughadh cloch a gceann a chéile; aimsir chum grádhuighthe, agus aimsir chum cosg ó ghrádhughadh;

Cóheilit 3:5 Tagairtí Cros

2 Ríthe 3:25

Scartáil siad na cathracha agus chaith gach fear cloch isteach i ngach gort fónta á líonadh, agus dhúnadar gach tobar fíoruisce agus leagadar gach crann folláin. Chreachadar Móáb go dtí nach raibh fágtha i gCír Harasat ach na clocha agus rinne an lucht diúraicthe é a thimpeallú agus a ghabháil.

Eaxodus 19:15

Dúirt sé leis an bpobal: “Bígí ullamh i gcomhair an tríú lá; fanaigí amach ó mhná!”

Cóheilit 3:4

tráth goil, tráth gáire, tráth caointe, tráth rince,

Cóheilit 3:6

tráth cuardaigh, tráth caillte, tráth coimeádta, tráth caite,

Ióéil 2:16

Cruinnigí an pobal, ordaígí tionól, bailígí na seanóirí, tugaigí na leanaí i gceann a chéile, fiú na naíonáin chíche féin. Imíodh an nuachéile as a sheomra agus an nuachar as a cailleach.

1 Corantaigh 7:5

Agus ná diúltaígí dá chéile ach amháin ar feadh seala le toil a chéile d'fhonn bheith saor chun urnaithe agus ansin teacht ar ais le chéile arís ar eagla go gcuirfeadh Sátan cathú oraibh de dheasca ainriantachta.

Iósua 10:27

Le dul faoi na gréine, ar ordú Iósua, thógadar anuas de na crainn iad agus chaitheadar isteach san uaimh iad mar a ndeachadar i bhfolach. Chuireadar leacacha móra ag béal na huaimhe, agus tá siad ansiúd go dtí an lá inniu féin.