Apacailipsis (Taispeántadh) 8:1 - An Bíobla Naofa 1981

¹ Nuair a d'oscail [an tUan] an seachtú séala, tharla ciúnas, mar a bheadh ar feadh leathuaire, sna flaithis.

An Tiomna Nua 1970 (Ó Cuinn)

¹ Nuair a bhris an tUan an seachtú séala, bhí ciúnas ann ar neamh a mhair tuairim is leathuair an chloig.

Tiomna Nua 1951 (de Siúnta)

¹ Agus nuair d’fhoscail sé an seachtmhadh séala, do bhí tost ar neamh tuairim is leathuair.

An Bíobla Naomhtha 1817 (Bedell)

¹ Agus an tan do fhosguil sé an seachdmhadh séula, do bhí cíunas ar neamh túairim leathuáire.

An Tiomna Nua agus Leabhar na Salm 2012

¹ Nuair a dʼoscail an tUan an seachtú séala, tharla ciúnas, mar a bheadh ar feadh leathuaire, sna flaithis .

Apacailipsis (Taispeántadh) 8:1 Tagairtí Cros

Iób 4:16

Bhí neach ina sheasamh ansiúd, nár aithin mé a chló; Bhí scáil os comhair mo shúl. Bhí ciúnas, agus ansin chuala glór caoin:

Salm 37:7

Glac suaimhneas sa Tiarna agus foighnigh leis: ná bíodh ceist ort faoin té ar a mbíonn an séan, ná faoin duine a chleachtann an choirpeacht

Salm 62:1

Don stiúrthóir. Dé réir Iduthun. Salm [le] Dáiví.

Habacúc 2:20

Ach tá an Tiarna ina theampall naofa; bíodh an domhan go léir ina thost ina láthair.

Zacairia 2:13

Féach, táim ag bagairt mo dhoirn ina n‑aghaidh, agus déanfaidh a gcuid sclábhaithe slad orthu. Beidh a fhios agaibhse ansin gurbh é Tiarna na Slua a chuir uaidh mé.

Matha 27:66

D'imigh siad agus rinne siad an uaimh daingean, ag bualadh séala ar an gcloch agus ag ceapadh garda.

Apacailipsis (Taispeántadh) 5:1

Agus chonaic mé go raibh, i ndeaslámh an té a bhí ina shuí sa ríchathaoir, scrolla ar a raibh scríbhneoireacht laistigh agus lasmuigh, agus é séalaithe le seacht séala;

Apacailipsis (Taispeántadh) 5:9

Chan siad iomann nua á rá: “Is fiú thú an scrolla a ghlacadh, agus a shéalaí a bhriseadh, óir básaíodh thú agus d'fhuascail tú daoine do Dhia le d'fhuil, as gach treibh, agus teanga, agus pobal, agus cine,

Apacailipsis (Taispeántadh) 6:1

Ansin san fhís dom, nuair a d'oscail an tUan an chéad cheann de na seacht séala, chuala mé ceann de na ceithre dúile beo á rá de ghlór mar thoirneach: “Tar.”

Apacailipsis (Taispeántadh) 6:12

Nuair a d'oscail sé an séú séala, d'fhéach mé; agus tharla crith mór talún, agus dhubhaigh an ghrian mar éadach róin, agus dheargaigh an ghealach go léir mar fhuil,

Apacailipsis (Taispeántadh) 6:3

Nuair a d'oscail sé an dara séala, chuala mé an dara dúil á rá: “Tar.”

Apacailipsis (Taispeántadh) 6:5

Nuair a d'oscail sé an tríú séala chuala mé an tríú dúil á rá: “Tar.” D'fhéach mé agus b'shiúd an t‑each dubh, agus scálaí ina láimh ag a mharcach.

Apacailipsis (Taispeántadh) 6:7

Nuair a d'oscail sé an ceathrú séala, chuala guth an cheathrú dúil bheo á rá: “Tar.”

Apacailipsis (Taispeántadh) 6:9

Nuair a d'oscail sé an cúigiú séala, chonaic mé faoin altóir a n‑anmacha uile úd a maraíodh ar son bhriathar Dé agus ar son na fianaise a thug siad.