Apacailipsis (Taispeántadh) 17:7 - An Bíobla Naofa 1981

⁷ Agus dúirt an t‑aingeal liom: “Cad a bheir ionadh ort? Inseoidh mise duit rúndiamhair na mná agus an bheithígh atá á hiompar, é siúd ar a bhfuil seacht gceann agus deich n‑adharc.”

An Tiomna Nua 1970 (Ó Cuinn)

⁷ Ach dúirt an t-aingeal liom; “Cad é ábhar dʼiontais? Inseoidh mise duit rúndiamhair na mná agus rúndiamhair an bheithígh a bhfuil seacht gcinn agus deich n-adharc air, a iompraíos í.

Tiomna Nua 1951 (de Siúnta)

⁷ Agus adubhairt an t‐aingeal liom, Cad chuige an t‐iongnadh sin ort? Míneochad‐sa dhuit rúindiamhair na mná agus an ainmhidhe iomcharas í, go bhfuil na seacht gcinn agus na deich n‐adharca aige.

An Bíobla Naomhtha 1817 (Bedell)

⁷ Agus a dúbhairt an taingeal riom, Cred fá ngabhann iongadh thú? foillséochadsa dhuit rúindíamhair na mná, agus a nainmhidhe iomchras í, ar a bhfuil seachd gcinn, agus deich nadharca.

An Tiomna Nua agus Leabhar na Salm 2012

⁷ Agus dúirt an t-aingeal liom: “Cad a bheir ionadh ort? Inseoidh mise duit rúndiamhair na mná agus an bheithígh atá dá hiompar, é siúd ar a bhfuil seacht gceann agus deich n-adharc.”

Apacailipsis (Taispeántadh) 17:7 Tagairtí Cros

2 Teasalónaigh 2:7

Tá cumhacht dhiamhair an oilc ag obair cheana féin agus gan í ach ag fanacht go dtógfar as an tslí an té úd atá á cosc.

Apacailipsis (Taispeántadh) 1:20

Maidir le rúndiamhair na seacht réalta a chonaic tú ar mo dheasláimh, agus na seacht gcoinnleoirí óir, is iad na seacht réalta aingil na seacht n‑eaglaisí, agus is iad na seacht gcoinnleoirí na seacht n‑eaglaisí.

Apacailipsis (Taispeántadh) 12:3

Ansin thaibhsigh an dara comhartha sa spéir, féach, dragan mór dearg le seacht gceann agus deich n‑adharc agus seacht gcoróin ar a chinn.

Apacailipsis (Taispeántadh) 17:8

“An beithíoch a chonaic tú, bhí sé ann agus níl anois, agus tá sé le teacht aníos as an duibheagan agus tá sé ar bhóthar a léirscriosta. Agus iad siúd d'áitritheoirí an domhain, nach bhfuil a n‑ainm scríofa i leabhar na beatha ó chruthú an domhain, beidh ionadh orthu nuair a fheicfidh siad an beithíoch a bhí ann agus nach bhfuil, ach atá le teacht.

Apacailipsis (Taispeántadh) 18:1

Ina dhiaidh seo i bhfís chonaic mé aingeal eile ag teacht anuas ó na flaithis, agus údarás mór aige, agus lonraigh an domhan lena ghlóir.