2 Ríthe 9:18 - An Bíobla Naofa 1981

¹⁸ Chuaigh eachlach i gcoinne Iéahú dá bhrí sin agus dúirt: “Deir an rí: ‘An síocháin bhur ngnó?’ ” Agus d'fhreagair Iéahú: “Nach cuma duitse faoi shíocháin? Cas timpeall agus lean mé.” Agus thug an fear faire scéala: “Shroich an teachtaire iad ach níl sé ag filleadh ar ais.”

An Bíobla Naomhtha 1817 (Bedell)

¹⁸ Mar sin do chuáidh duine ar each do theagmháil ris, agus a dubhairt sé, Is mar so a deir an rígh, An síothcháin í? Agus a dubhairt Iehu, Cred atá uaitse ar shiothcháin? tárr táobh shíar dhíom. Agus dinnis fear na faire, dha rádh, Do chuáidh an teachdaire go nuige íad, acht ní bhfuil sé ag teachd a rís.

2 Ríthe 9:18 Tagairtí Cros

2 Ríthe 9:17

An fear faire ar an túr in Izréil, chonaic sé díorma Iéahú chuige agus dúirt: “Feicim díorma fear,” ar sé. Thug Iórám ordú: “Cuir eachlach ina gcoinne agus fiafraíodh sé díobh: ‘An síocháin bhur ngnó?’ ”

2 Ríthe 9:19

Ansin sheol sé eachlach eile agus tháinig chucu agus dúirt: “Deir an rí: ‘An síocháin bhur ngno?’ ” Agus d'fhreagair Iéahú: “Nach cuma duitse faoi shíocháin? Cas timpeall agus lean mé.”

2 Ríthe 9:22

Nuair a chonaic Iórám Iéahú d'fhiafraigh sé de: “An síocháin bhur ngnó, a Iéahú?” D'fhreagair sé: “Cén tsíocháin a d'fhéadfadh a bheith i gceist agus a bhfuil de striapachas agus phisreoga gan áireamh ar siúl ag do mháthair Ízeibil.”

2 Ríthe 9:31

Ag teacht an geata isteach do Iéahú dúirt sí: “An síocháin do ghnó, a Zimrí, a fhir mharaithe do mháistir?”

Íseáia 48:22

“Níl síocháin ar bith,” a deir an Tiarna, “i ndán do choirpigh.”

Íseáia 59:8

Bealach na síochána ní eol dóibh, ná níl ionracas ar bith i rian a n‑imeachta. Cosáin chama atá réitithe amach acu; an té a shiúlann iad, níl síocháin i ndán dó.

Irimia 16:5

Sea, is mar seo a deir an Tiarna: Ná téigh isteach i dtigh an tórraimh le go ndéana tú caoi agus truamhéil leo; mar thóg mise mo shíocháin ón bpobal seo - an Tiarna a labhraíonn - mo shíocháin agus mo thruamhéil.

Rómhánaigh 3:17

ach bóthar na síochaná ní aithnid dóibh,