2 Ríthe 8:21 - An Bíobla Naofa 1981

²¹ Ansin ghabh Iahórám anonn go Záír lena charbaid go léir. D'éirigh sé san oíche, agus bhris sé amach lena cheannairí carbad trí shluaite na nEadómach a bhí ina thimpeall, ach theith a arm abhaile.

An Bíobla Naomhtha 1817 (Bedell)

²¹ Marsin do chuáidh Ióram anonn go Sair, agus na carbuid uile leis: agus déirigh sé san noidhche, agus do bhúail na Hedomítigh noch tháinic gacha táobha dhe, agus do theitheadar caiptínigh na ccarbad: agus an pobal dá bpáilliúnuibh.

2 Ríthe 8:21 Tagairtí Cros

2 Samúéil 18:17

Thógadar Aibseálóm leo agus chaitheadar síos isteach i bpoll mór san fhoraois é agus thógadar carn mór os a leacht. Agus theith Iosrael go léir, gach duine chun a bhaile féin.

2 Samúéil 19:8

Bí i do shuí, más ea, agus bí amuigh agus tabhair misneach do do shaighdiúirí; mar mura ndéanann tú, tugaim an leabhar dar an Tiarna nach bhfanfaidh fear farat anocht. Agus is measa a rachaidh sin de thubaiste duit ná gach ar tháinig sa mhullach ort ó d'óige go dtí seo.”

2 Ríthe 14:7

Eisean a bhris ar na hEadómaigh i nGleann an tSalainn, deich míle díobh, agus a ghabh an Charraig de ruathar. Thug sé Ioctael mar ainm uirthi agus is é atá uirthi go dtí inniu féin.

Lúcás 21:20

“Ach nuair a fheicfidh sibh Iarúsailéim arna timpeallú ag sluaite armtha, bíodh a fhios agaibh ansin go bhfuil a lomscrios in achmaireacht.