2 Ríthe 1:6 - An Bíobla Naofa 1981

⁶ “Tháinig fear inár gcoinne,” ar siad leis, “agus dúirt sé linn: ‘Téigí ar ais chun an rí a sheol uaidh sibh, agus abraigí leis: Mar seo a deir an Tiarna: An ea nach bhfuil aon Dia in Iosrael a rá is go bhfuil tú ag seoladh teachtairí le dul i gcomhairle le Bál Zeabúb, dia Eacrón. Ar an ábhar seo, an leaba ina ndeachaigh tú a luí inti, ní éireoidh tú aisti; gheobhaidh tú bás go cinnte.’ ”

An Bíobla Naomhtha 1817 (Bedell)

⁶ Agus a dubhradarsan ris, Tháinic duine súas ar ccoinne, agus a dubhairt sé rinn, Imthighidh, eirghidh a ris chum an rígh ó ttangabhair, agus abruidh ris. Is marso a deir an TIGHEARNA, An do chionn nach bhfuil Día ann Israel, chuirios tú teachda dfíafruigh do Bhaal‐sebub día Ecron? ar a nadhbharsin ní thiucfa tú a núas as an leabuidhsin ar a ndeachaidh tú suas, achd do gheabha tú bás go deimhin.

2 Ríthe 1:6 Tagairtí Cros

1 Ríthe 18:7

Ar an tslí d'Obaidiá, b'sheo chuige ina choinne Éilias: d'aithin sé é agus chrom chun talún agus dúirt: “Nach tú, a thiarna, Éilias?”

2 Ríthe 1:5

D'fhill na teachtairí ar an rí, agus dúirt sé leo: “Cén fáth ar tháinig sibh ar ais?”

2 Ríthe 1:7

“An té seo a bhuail libh agus a dúirt an méid sin,” ar sé leo, “cén sórt duine é?”

Salm 16:4

An dream ar rogha leo a mhalairt de Dhia tiocfaidh tuilleadh mór fós de bhuartha anuas orthu. Ní thoirbhreoidh mé fuil a ndeochíobairt ar aon chor ná ní chluinfear a n‑ainmneacha go brách ar mo bheola.