2 Peadar 3:1 - An Bíobla Naofa 1981

¹ Sí seo an dara litir a scríobh mé chugaibh, a chairde cléibh, agus iontu araon tá aigne íon á múscailt agam ionaibh le rabhadh

An Tiomna Nua 1970 (Ó Cuinn)

¹ Is í sin an dara litir atá scríofa agam chugaibhse, a lucht na páirte, agus i gceachtar acu mhúscail mé bhur n-aigní dílse ag cur i gcuimhne daoibh;

Tiomna Nua 1951 (de Siúnta)

¹ Is í seo anois, a cháirde, an dara h‐eipistil atá agam d’á scríobhadh chugaibh; agus san dá eipistil atáim ag brostú bhur slán‐aigne agus ag múscailt bhur gcuimhne,

An Bíobla Naomhtha 1817 (Bedell)

¹ Ag so a nois an dara heipisdil, sgríobhuim chuguibh a chaired; ré bhfuilim ag togbháil suás bhur ninntine fhíorghloin dá bhur gcur a gcuimhne:

An Tiomna Nua agus Leabhar na Salm 2012

¹ Is í seo an dara litir a scríobh mé chugaibh, a chairde cléibh, agus iontu araon tá aigne íon dá múscailt agam ionaibh le rabhadh

2 Peadar 3:1 Tagairtí Cros

Salm 24:4

An té a bhfuil lámh gan smál agus croí glan aige: an té ar beag air nithe gan tairbhe agus nach dtugann mionn éithigh dá chomharsa.

Salm 73:1

Salm Ásáf. 1 Nach maith atá Dia don dream díreach; an Tiarna dá bhfuil glan ó chroí.

Matha 5:8

“Is méanar dóibh seo atá glan ó chroí, óir feicfidh siad Dia.

2 Corantaigh 13:2

Thug mé foláireamh cheana dóibh sin a rinne peaca roimh ré agus don chuid eile go léir; agus tugaim foláireamh dóibh anois agus mé as láthair, faoi mar a rinne agus mé i láthair don dara huair, nach ndéanfaidh mé trua ar bith daoibh má thagaim arís -

1 Tiomóid 5:22

Ná bíodh aon deabhadh ort ag leagan lámh ar dhuine ar bith agus ná bí páirteach i bpeacaí daoine eile. Coinnigh tú féin saor ó locht.

2 Tiomóid 1:6

Sin é an fáth a bhfuilim á chur i gcuimhne duit tabhartas Dé a athmhúscailt, an tabhartas úd a fuair tú nuair a chuir mise mo lámha ort.

Eabhraigh 6:9

Ach bíodh go labhraímid mar seo, a bhráithre ionúine, táimid cinnte de gur fearr ná sin an bhail atá oraibhse agus go bhfuil sibh ar bhealach bhur slánaithe.

1 Peadar 1:22

Rinne sibh bhur n‑anam a íonghlanadh trí umhlú don fhírinne le haghaidh grá gan cur i gcéill do na bráithre; tugaigí grá díograiseach dá chéile, más ea, ó chroí glan.

1 Peadar 2:11

A chairde cléibh, impím oraibh, mar choimhthígh agus mar dheoraithe, staonadh ó ainmhianta na colainne a bhíonn ag cogaíocht leis an anam.

2 Peadar 3:14

Dá bhrí sin, a chairde cléibh, ós rud é go bhfuil sibh ag súil leis na nithe sin, bígí go dúthrachtach le go bhfaigheadh sé sibh gan locht gan cháim, agus faoi shíocháin.

2 Peadar 3:17

Ós rud é go bhfuil seo ar eolas agaibh roimh ré, a chairde cléibh, féachaigí chuige nach scuabfar de bhur mbonna sibh le hearráid lucht coirpeachta agus bhur ndaingne a chailliúint.

2 Peadar 3:8

Ach ná déanaigí dearmad den phointe seo, a chairde cléibh, gur cuma aon lá amháin leis an Tiarna nó míle bliain, agus míle bliain nó aon lá amháin.

Iúd 1:5

Is mian liom a chur i gcuimhne daoibh, cé gurb eol daoibh gach ní cheana don aon uair amháin ar fad, gur fhuascail an Tiarna pobal ón Éigipt ach gur scrios sé ina dhiaidh sin an mhuintir nár chreid.