1 Ríthe 8:5 - An Bíobla Naofa 1981

⁵ D'ofráil an rí Solamh agus Iosrael ar fad íobairtí os comhair na háirce, caoirigh agus daimh gan áireamh gan chuimse.

An Bíobla Naomhtha 1817 (Bedell)

⁵ Agus do bhí an rígh Solamh, agus comhchruinniughadh Israel uile, noch do chruinnigh chuige, a bhfochair a chéile a bhfíadhnuise na háirce, ag íodhbuirt cáorach agus damh, nár fhéidir innisin nó áiriomh ar iomadamhlacht.

1 Ríthe 8:5 Tagairtí Cros

2 Samúéil 6:13

Nuair a bhí lucht iompair áirc an Tiarna imithe sé choiscéim, rinne sé damh agus caora ramhar a íobairt.

1 Ríthe 12:32

Lena chois sin bhunaigh Iarobám féile san ochtú mí, ar an gcúigiú lá déag den mhí, ar nós na féile a cheiliúrtaí in Iúdá, agus chuaigh sé suas chun na haltóra. Sin mar a rinne sé i mBéitéil, agus d'ofráil sé íobairtí do na laonna a bhí déanta aige. Agus chuir sé i mBéitéil sagairt na n‑ardionad a bhí bunaithe aige.

1 Croinicí 16:1

Thug siad áirc an Tiarna isteach agus chuir siad í sa bhoth a bhí réitithe ag Dáiví di; agus d'ofráladar íobairtí uileloiscthe agus íobairtí comaoineach i láthair Dé.

2 Croinicí 1:6

Ghabh Solamh suas ansiúd ar an altóir chré-umha, a bhí taobh le Both na Teagmhála, i bhfianaise an Tiarna, agus d'ofráil míle ofráil uileloiscthe uirthi.

Ióéil 1:18

Cad é mar a chneadann na beithígh! Tá na sealbháin bó ar mire mar níl féarach ar bith acu; agus fiú amháin na tréada caorach féin tá aithne na héigne faighte acusan chomh maith.