1 Eoin 2:26 - An Bíobla Naofa 1981

²⁶ Scríobh mé an méid seo chugaibh faoi lucht bhur meallta.

An Tiomna Nua 1970 (Ó Cuinn)

²⁶ Tá an méid sin scríofa agam chugaibh i dtaobh an dreama atá ag iarraidh cluain a chur oraibh;

Tiomna Nua 1951 (de Siúnta)

²⁶ Do scríobhas an méid seo chugaibh i dtaobh na ndaoine do sheolfadh amudha sibh.

An Bíobla Naomhtha 1817 (Bedell)

²⁶ Do sgríobh me na neithese chuguibh a dtimchioll na druinge bhíos da bhur mealladh.

An Tiomna Nua agus Leabhar na Salm 2012

²⁶ Scríobh mé an méid seo chugaibh faoi lucht bhur meallta.

1 Eoin 2:26 Tagairtí Cros

Seanfhocal 12:26

Tugann an fíréan cúl leis an urchóid; ach treoraíonn cosán na n‑urchóideach iadsan amú.

Eizicéil 13:10

Óir tá mo phobal ar seachrán acu ag fogairt na síochána nuair nach bhfuil aon síocháin ann; tá brat aoil daite ar an mballa acu nuair is balla nua a thógfaidh an pobal.

Marcas 13:22

Óir éireoidh Críostanna bréige agus fáithe bréige, agus tabharfaidh siad comharthaí uathu agus éachtaí ionas go gcuirfidís na tofaigh féin amú dá mba fhéidir.

Colosaigh 2:18

Agus ná ligigí d'aon duine calaois a imirt oraibh ar scáth na huirísleachta ná adhradh na n‑aingeal. Ag brath ar a bhfuil feicthe aige féin a bhíonn a leithéid siúd agus é i mborr le bród díomhaoin as a mheon saolta féin.

Colosaigh 2:8

Bígí aireach, áfach, le heagla go mbuailfeadh aon duine bob oraibh leis an bhfealsúnacht bhaoth mhealltach úd a leanann traidisiúin dhaonna agus atá bunaithe ar phrionsabail an tsaoil in áit a bheith bunaithe ar Chríost.

1 Tiomóid 4:1

Deir an Spiorad go dearfa go dtréigfidh daoine áirithe an creideamh sna haimsirí deiridh mar go dtabharfaidh siad aird ar na spioraid bhréagacha agus ar an teagasc a thagann ó na deamhain.

2 Tiomóid 3:13

Ach is in olcas a rachaidh na drochdhaoine agus na mealltóirí - daoine atá ag dul amú iad féin agus ag cur daoine eile amú.

1 Eoin 3:7

A chlann liom, ná cuireadh éinne amú sibh. An té a shaothraíonn an fhíréantacht, is fíréan é amhail is fíréan eisean.

2 Eoin 1:7

Mar go ndeachaigh mórán mealltóirí ar an saol amach, daoine nach n‑admhaíonn teacht Íosa Críost i gcolainn dhaonna. Sin é an mealltóir agus an tAinchríost.