Joshua 2:24 - Sesotho 1909/1961 (SO)

²⁴ ba re ho Joshua: Ruri, Jehova o neetse fatshe lohle matsohong a rona, le bohle ba ahileng lefatsheng leo ba nyahame dipelo ke ho re tshaba.

BIBELE

²⁴ Ba re ho Joshua: “Ruri Morena o re neile naha eo yohle; ho feta mona, baahi bohle ba yona ba tshositswe haholo ke ho utlwa hore re a tla.”

Joshua 2:24 Cross References

Eksoda 15:15

Mahosana a Edomo a kile a tlakasela, dinatla tsa Moabe di bolailwe ke matswalo, baahi bohle ba Kanana ba qhibilihile.

Eksoda 23:31

Ke tla bea meedi ya hao ho tloha Lewatleng le Lefubedu ho isa Lewatleng la Bafiliseta, le ho tloha lefeelleng ho isa nokeng; hobane ke tla neela matsohong a lona ba ahileng fatsheng lena, o tle o ba leleke pela hao.

Diproverbia 25:13

Lenqosa le tshepehang ho ba le romileng, le jwaloka lehlwa le tsedidi mohla kotulo, le phodisa pelo ya morena wa lona jwalo.

Joshua 1:8

Buka ena ya molao e se ke ya tloha molomong wa hao; o o nahane motshehare le bosiu, o tle o hlokomele ho etsa ka tsohle tse ngodilweng teng; ke moo o tla atleha metsamaong ya hao, o iketle.

Joshua 2:23

Banna bao ba babedi ba kgutla, ba theoha thabeng, mme ba tshela noka, ba fihla ho Joshua, mora Nune, ba mo phetela tsohle tse ba hlahetseng;

Joshua 5:1

Empa marena wohle a Baamore, a leng ka nqa bophirimela ho Jordane, le marena wohle a Bakanana, a pela lewatle, ha a utlwa kamoo Jehova a pshesitseng metsi a Jordane kateng, pela bana ba Iseraele, ba ba ba tshela, a nyahama dipelo, mme a fela matla ke ho tshaba bana ba Iseraele.

Joshua 6:2

Yaba Jehova o re ho Joshua: Bona, ke neetse Jeriko matsohong a hao, le morena wa teng, le bahale ba teng.

Joshua 8:1

Yaba Jehova o re ho Joshua: Se tsohe, mme o se ke wa tepella; eya o nkile le wena bahlabani bohle, o tlohe, o futuhele Ai; bona, ke neetse matsohong a hao morena wa Ai, le setjhaba sa hae, le motse wa hae, le lefatshe la hae.

Baahlodi 1:2

Jehova a araba, a re: Ho futuhe Juda; bonang, ke neetse lefatshe matsohong a hae.

Baahlodi 18:10

Ha le fihla teng le tla fihlela setjhaba se iketlileng; le yona naha e phatlaletse kahohle; hobane Modimo o e neetse matsohong a lona; hape, ke naha e sa hlokeng letho la tsohle tse lefatsheng.

Baahlodi 7:9

Bosiung bona boo, Jehova a re ho yena: Ema, o theohele diahelong, etswe ke di neetse matsohong a hao.