Yelemiya 36:3 - Luganuzi Luswanu Kuli Wanhu Wose 2002

³ Na lunji i wanhu wa Yuda, kolo wakuhulika ze magazo mawaha gono nghusaka niwatendele, lunji wopituka wagalece metumo gawo mabi. Nane niwanenele masutya gawo hamonga no wubi wawo.”

Yelemiya 36:3 Cross References

Nehemiya 1:9

Ninga hono mumbuyile, no kumhitucila nene, mwitume na zono namulajilizenyi, nane nomukongholezenyi wose, no kumuwicenyi hanhu hono nahahagula ho niwe kuhembelwa, hamba yiwe mwiyagaye mu yinze yose, ane nomugomolenyi.’

Zabuli 139:24

Wunanje hono nina nghani yo yose, 'mbi mu nhumbula yangu, wunhonje mu nzila ye cibitilila.

Isaya 6:10

Hanyuma kanyhi yakanyitya, “Wuyinozaje mitima ye wanhu wawa yiwe mizito, ne makutu gawo gawe ciziwi, ne meso gawo gawe cibofu, ho walece kuwona, hamba kuhulika, hamba kwizuka kose. Hambi hono wawone, wahulice, no kwizuka, nha wombuyila niwaponye.”

Yelemiya 18:11

Holeka luno, wuwalonjelaje i wanhu wa Yuda, hamonga ne wanyawusi wa Yelusalemi, nha vyono, nane nhondo, neza kwiwikaniza niwalipicize. Holeka wuwalonjele vyono, yiwanojeye walece kujendelela ne mikalile yiyo yo wituma wubi. Langa yiwanojeye luno wazipitule zinzila zawo, hamonga ne zimbi zono wakwituma.

Yelemiya 18:8

na hono nghungugo yiyo yono niyitambuye yipituce no kuwuleka wubi wayo, hodu, nane si noyinoza vibi nha vyono nali nihwesize.

Yelemiya 23:14

Nghondya kuwawona sunga ne wawizi, wono wali mu Yelusalemi, nawo wakwituma vibi muno muno, hambi nha wakwituma zo wusenyha, akuno wakulonga zo wulambi, wakuwatonga wanhu ku wituma zimbi du. Na ku soko yiyo, holeka hasina hamba monga, mono yakusuma kuleka kwituma zimbi. Holeka ku lubavu lwangu, ane nghuwawona vyono wose wabi du, wehwanile ne wanhu wa Sodoma na Gomola.

Yelemiya 24:7

Nane nowasikamya, ho wamanye ane, vyono yo nene u Muwaha Mulungu. Nawo wowa wanhu wangu, nane nowa Mulungu wawo. Hambi lulo, nha wolombuyila 'ne, ko mutima wawo wose.”

Yelemiya 26:3

Na lunji wanhu wohulika, wazilece zinzila zawo zimbi. Na hono wanoze nhavivyo, nane, si nowongomeza kanyhi, nha vyono nali nakondya kwihwesa niwongomeze, ku soko yo wubi wawo.”

Yelemiya 35:15

Nghamutumilenyi ne wetumami wangu wawizi kenji na kenji, nawo wakamulonjelenyi vyono mupituce, mugalece metumo genyu mabi, mwitume ze ling'ani. Kanyhi wakamusugulenyi mulece kuyihemba milungu yinji, hamba kuyitumamila, ho musume kujendelela kwikala mu yisi yono namupelenyi nyenye, hamonga ne walezi wenyu. Ninga hamba nhavivyo, anye si mwasaka kuhulika yaye, hamba kuzicelelela zono nghulonga.

Yelemiya 36:7

Na lunji wosuma kumulomba Muwaha Mulungu, no kupituka no kuzileka zinzila zawo i zimbi. Hambi u Muwaha Mulungu nha kakondya kuwogofya muno i wanhu wawa, kwe likuwo lyakwe liwaha, hamonga no wukali wakwe.”

Ezekiyeli 12:3

“Holeka 'gwe go munhu, alu wuwopele viya vyako, winoze wuwe nha wukutiza, hanyuma wuwe kutuluka ne misi ha meso gawo. I wanhu wose ho wakuwone vyono weza kuwuka no kubita hanhu hanji. Na lunji holeka wawo wanhu wafyuzi, wotanga nhunizo yayo.

Ezekiyeli 18:23

Muwaha Mulungu yakutya nhavi, “Wulenyi! Mukwihwesa vyono'ne niwusangalalilaga 'mbi u wufwe wo munhu mubi? Aa, ng'o! Ane nyendile munhu yuyo yanene wubi wakwe, yekale mumi.

Zefaniya 2:3

Mumupitucilaje Muwaha Mulungu anye wose nyo wanhu wenenenyhezi wa mu yisi, anye mono muwukamise wulajilize wakwe. Mwitumaje ze ling'ani, kanyhi mwinenenyheze nyo weneco hali Muwaha Mulungu, nha lunji mopona mwi'zuwa lyono Muwaha Mulungu, yalalajila likuwo lyakwe.

Matayo 13:15

Hambi i mahala ge wanhu wawa nha galelepe, ne makutu gawo wagaziwaze, ne meso gawo wafufunize. Yali yiwe si nhavivyo, mhali wali wawone ne meso gawo, kanyhi wali wahulice kwe makutu gawo, no kuwa no wizuce mu mahala gawo ho wamhitucile, vyo yakutya u Muwaha, Nane ho nali niwaponye.’

Maluko 4:12

‘Ho walanje mbeka, ninga walece kuwona. Wahulicize mbeka, Ninga walece kwizuka. Hono si nhavivyo, wali wamupitucile u Mulungu, nayo yali yawanenele.’ ”

Luka 20:13

Ayulya munya mugunda yakehwesa; “Alu notenda wule? Nomutuma mwanangu mwendece, lunji yuyo womogopa.”

Metumo ge Watumwa 26:18

Kowabunzulula i meso gawo, ho wasume kuwuka ku wutitu, ho wapitucile kuzelu, wawuce mu vilungo vya Setani, wamupitucile Mulungu, na so wihuwilo, ho watuje wunenelwe wo wubi, ho watuje wuhazi, hamonga na walya wono wakondya kuwa wanhu wo Mulungu.’

Metumo ge Watumwa 26:20

Ninga nghamula kamonga kuwaganulila wanya Damesiki na wanya Yelusalemi na wa mu yisi yose ya Yudiya, kanyhi na kuli wanhu we Makungugo ganji. Nghawaswaswaniza wamupitucile Mulungu, kanyhi walajile mu metumo gawo, vyono wakondya kupituka mu zinhumbula zawo.

Metumo ge Watumwa 28:27

Ku soko imahala ge wanhu wawa nha galelepe, ne makutu gawo, makamu ku wuhulice, ne meso gawo wagafufunize. Mhali si nhavivyo, wali wawone kwe meso gawo, wali wahulice kwe makutu gawo, wali wezuce kwe mahala gawo, wawo wali wamhitucile, yakutyo Muwaha, nane nali niwaponye.’ ”

Metumo ge Watumwa 3:19

Alenyi muyikawanizaje mikalile yenyu imibi, mumuwuyile u Mulungu, nayo ho yawupate wubi wenyu,

Wukumbucize wo Wulajilize 30:2

Na hono mwihwese nyenye hamonga ne wana wenyu, mumuwuyile Muwaha Mulungu, u Mulungu wenyu, kwe zinhumbula zenyu zose, kanyhi mugebate ne malajilizo gaga gono nghumulajilizenyi izuwali,

Wukumbucize wo Wulajilize 30:8

nanye nhondo ho momuhulika Muwaha Mulungu, u Mulungu wenyu kanyhi no kwibata i malajilizo gaga gose gono nghumulonjelenyi izuwali.

Wukumbucize wo Wulajilize 5:29

Na hono mbeka nhondo zose wawe kwihwesa nhavivi! Na hono mbeka wawe wanyogopile, no kuwa ne cihuliko kuli'ne nhondo zose, muli ze malajilizo gangu, nawo wojendelela kuwa no wumoteswe muli zose, ne wana wawo cibitilila.

2 Petelo 3:9

Hambi Muwaha nha sikacelaga kuzifisiliza zizilya zono yehuwiza, nha vyono wanhu wanji wehwesaga vyono kocela. Umwene yena ngola ku soko yenyu, hambi nha siyendile hamba hadodo muyenyu yunji yajilile, langa yakuwasaka wose wafice ku wunene.

1 Samwili 7:3

Nayo Samwili yakawalonjela Waisilayeli yakawatya, “Hono muwe mbeka mukumuwuyila Muwaha Mulungu, kwe zinhumbula zenyu zose, ale munojeye muwusize lukulu milungu yenyu yose ye cijenzi, hamonga ne vihwani vyose viseswe vye cihwani co mulungu we cicekulu Asitaloti. Mwiyilavizye lukulu nyo weneco kuli Muwaha Mulungu, mumuhembe mweneco yali wene du. Nayo komuponyenyi mu miwoko ye Wafilisiti.”