Lucas 24:47 - Kaxinawá Bíblia (BR)

⁴⁷ Haskawẽ taeshũ hawẽ kuxipawẽ hatu yusĩshãkanikiki, hau hatũ txakabu Deuskiri txakabumisbu hau henetã habũ xinã betsa waibu Deusũ buashũshanikiki. Nawa shukua tibi nĩkashanaibu yuini matũ Jerusalém anushũ taewakĩ

Kashinawa : Diosun Jesúswen taexun yuba bena yiniki

⁴⁷ Jaskawen taexun jawen kushipawen jatu yusinxankanikiki, jau jatun chakabu Dioskidi chakabumisbu jau jenetan jabun shinan betsa waibu Diosun buaxunxanikikiki. Nawa xukua tibi ninkaxanaibu yuini matun Jerusalén anuxun taewakin

Lucas 24:47 Cross References

Gênesis 12:3

Hanushũ tsuãra mia pepawaya ẽ haturi pepawashanaii. Hakia tsuãra mia txakabuwakĩ yupuwaya hatu kupikĩ ẽtseri ẽ hatu mia yupushũkubaĩshanaii, manakukinã. Ha inũ, miwẽ taeshũ nawa betsa betsapa mai hirabi anu shukua hiwebaunabu dasibi ẽ hatu pepawariashanaii”, aka

Salmos 22:27

Senhor Deusrã, ha nukũ shanẽ ibu kayabiki. Mae pakea tibi hatu shanẽ ibushũmiski. Haskawẽ taeshũ mai hirabi anu hiwebaunabu yura betsa betsapa shukuabũ Senhor Deus shinãtã ha bebũ dãti ishũ hau kẽwaĩ beshanũbũwẽ.

Salmos 67:7

Deusũ hau nuku duawakubainũwẽ! Mai hirabi anu hiwebaunabũ hau pepawakĩ ha besti duawakĩ kẽwãkubainũbũwẽ!

Isaías 11:10

Ha haskaibutiã ha Jessé tatxa ha hawẽ tapũ betsa benetã yurabu shukua tibibu hatũ Deus hatu unãmati ishanikiki. Habũ hatũ shanẽ ibu benakinã, hawẽ mae pehaira txashakapaki nukunũ ishũ benabaũshãkanikiki.

Isaías 49:22

Senhor Deusũ yuikĩ: “Hau mĩ huni bakebu hau pũtsaumetã iwekĩ mĩ aĩbu bakebu hau iatã mia anu iwenũbũ nawabu shukuabu ẽ hatu yunushanaii, mae tibi ẽ unãmati hatu uĩmakinã.

Isaías 49:6

Deusũ yuikĩ: “Hau Jacó enabu shukua pakea tibi habu Israel teshenibu habu besti anu merabewakĩ ea anu mĩ hatu txĩtũmashanũ mĩ ẽ tsuma katushũ ẽ mia yunuama iniki. Hakia txaihaira mai pakea anu hiweriabu haska haburi mekekĩ piskumakĩ mĩ hatu yusĩbaũshanũ bĩ ewapa txasha keska ẽ mia yunuriaii”, ikaya

Isaías 5:4

Ha ẽ uva bai anurã, ana hawa husitibiakẽ ẽ haska wama ikimamẽ? Ẽ hawa hakimatã akama ikimamẽ? Uva batapa ikai ẽ manabiaya haskai uva haska ikama bũkash ishiãmẽ?

Isaías 52:10

Senhor Deusũ hawẽ kushipa hatu uĩmashanikiki, dasibi mai pakea nawa shukua tibi anu manibaũshũ uiaĩbunã. Dasibi mai hirabi anushũ ma nukũ Deusũ nuku mekekĩ piskuma nĩkakĩ unãshãkanikiki.

Isaías 52:15

Haska uatiã nawa shukuabu tibi inũ hatũ shanẽ ibubũ hawa uĩsbuma na habiatiã uĩkĩ nĩkai hakiri tapĩkĩ hawa hãtxa yuitiruma e iki hawẽ dateshãkanikiki”, ikaya,

Jeremias 31:34

Ẽ hatu haska waiwẽ taeshũ hatũ haibuaibu inũ hatunabu inũ yura betsabũ ma ea unaĩbuwẽ taeshũ: ‘Ikũwãkĩ Senhor Deus unãwẽ’, iwanã, hatu ana yusiãma ishãkanikiki. Ma yununika shanẽ ibubu inũ, yununika beshmasbu inũ, dasibibũ ea unaĩbuwẽ taeshũ eã hatũ txakabu ana shinãma hatu buashũtã ẽ ana hatukiri yuiama ikũkaĩshanaii. Ea ẽ Senhor Deusũ ẽ hãtxa ẽ mestẽwaiĩ”, akĩ hatu yuinikiaki.

Miquéias 4:2

Sião anua Senhor Deusũ yusiã tashni Jerusalém anu hawẽ hãtxa kaĩshanaiwẽ taea yurabu mirimahaira hanu hikitushitã yuikĩ: “Senhor Deusũ Mati Sião anu mapekenũ bekãwẽ, Jacó mekenika Senhor Deus kẽwãti Templo anurã. Harishũ hawẽ pe hiwekĩ shinãti nuku yusiã ha bai keska hawẽ yusiã hãtxa txibãkĩ tapĩ nũ maputiruki”, iki ma itxai keyua maniabũ

Malaquias 1:11

Yura shukuabu tibi matunabuma mai hirabi anu manibauna ewẽ datekĩ hanira hiwebaunabu anushũ ea kẽwãkĩ sheni inĩti ea inãkuĩkĩ kuakubaĩkĩ hawara pepa besti ea menushũriamisbuki.

Mateus 28:19

Haskawẽ taeshũ matu yununũ nĩkakãwẽ. Kakũkaũkĩ dasibi ẽ matu yusĩmis nawa betsa betsapa shukuabu tibi yusĩriakĩ ẽ tsumabu ea hatu washũkubaĩshãkãwẽ. Hanushũ ea ikũwãkĩ hawenabu hau hatu unãti wamanũbũ Epa Deus inũ ea hawẽ bake inũ hawẽ Yushĩ Pepa kena dayuikĩ hatu naximakubaĩshãkãwẽ.

Mateus 9:13

Deusũ Oséias yuinirã, mã uĩriamamẽ? Matu yuinũ nĩkairakãwẽ: ‘Ea benimawanũ ishũ txashuwã kuakĩ menu keyuaiwẽ besti akama yurabuwẽ nuikĩ hau ea benimawakubainũbũwẽ’, aka nĩkatã Oséiasĩ keneniki. Haskakẽ: “Ẽ txakabuki”, iwanã, xinaĩbu hatũ huĩti pewakĩ ẽ hatu merabewa xinã betsa watã hau Deus ikũwanũbũ ẽ huniki, huni dauya keskairã. Hakia: “Ẽ txakabumaki”, ikĩ xinaĩbu hatu merabewatanũ ika ẽ huamaki— hatu waniki.

Lucas 13:34

—Jerusalém anu hiweabuũ, Jerusalém anu hiweabuũ, Deusũ hãtxa yuishunikabu inũ hawẽ hãtxa hatu bana beshũpakeaibu Deusũ hatu yunubiaya danãkĩ hatu tenãkĩ matũ shenipabũ ani keska wakĩ mixkiwẽ mã hatu tsaka tsaka amisbuki. Takarã hawẽ bake nushamis keska wakĩ eãri matu merabewakĩ matu mekẽnũ ika ẽ hubianikẽ haska xinãma ea danãkĩ mã ea hawa nĩkamaki.

Hechos 10:43

Haska inũ, uatiã habias Jesuskiri Deusũ hãtxa yuishunika dasibibũ bebũkiri hatu yusĩkĩ: “Deusũ Messias tsuabũra ikũwaĩbu hawẽ taeshũ habũ txakabu Deusũ hatu buashunũbarikiki”— akĩ

Hechos 11:18

Deusũ hatu haska waxina Jerusalém anua ikũwaĩbũ nĩkatã ana Pedro ha akama nesetã Deus kẽwãkĩ yuikĩ: —Judeubuma dikabiwẽ nuikĩ hatu xinã betsa wamakĩ txanima Deusũ hatu hiwekuĩa inãriaikiki, ikibi imakinã. Pehairaki— anibukiaki.

Hechos 13:46

hanua Paulo inũ Barnabé hawa dateama dasibibũ nĩkaibũ judeu shanẽ ibubu haskaibu hatu kemakĩ: —Deusũ kakape hawẽ bakekiri mã judeubu dukũ nũ matu yusĩ taewanũ Deusũ nuku yunukĩ nitxĩbiaimakẽ nũ matu yusĩaĩ nukũ yusĩa danãkĩ hawẽ pepai hiweibi hiweti mã bikakatsi ikabumaki. Mã haskaya matu henebaĩ nawabu judeubuma anu nũ hatu yusĩ kaii.

Hechos 2:38

Pedrõ hatu kemakĩ: —Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ. Haska watã mã Jesus Cristo ikũwaĩwẽ taeshũ hawẽ kenawẽ matu tibi nũ matu naximaya matũ txakabu buatã hawẽ Yushĩ Pepa Deusũ matu inã mã bishanairã.

Hechos 20:21

Haska inũ, Deuskiri txakabumisbũ hau xinã betsa watã nukũ Shanẽ Ibu Jesus inũ Deuskiri xinã betsa watã mã ikũwanũbũ judeubu inũ judeubuma ẽ matu yusĩhairaniki.

Hechos 26:18

Habu anu ẽ mia yunua kashũ hatu xinã betsa wamakĩ hau unaĩsmapakĩ Satanás ana txibãyamanũbũ ẽ Epa Deusũ hãtxa mĩ hatu yusĩkubaunũ judeubuma betsa betsapabu anu ẽ mia yunuaii. Harishũ hatu beru bepesha keska watã ana mexu merã kama keska hakia bĩwẽ kai keskaibu mĩ hatu waya hatiritũ ea ikũwaĩbũ hatũ txakabu ẽ hatu buashunaya Deusũ hatu hiwekuĩmashanikiki, hawa hatu kupiamarã, hawenabu meribi wakinã”, ea waniki.

Hechos 26:20

Harishũ Damasco anushũ dukũ kakape hatu yusĩ taewatã txipu Jerusalém anushũ yusĩriatã Judéia mai pakea hirabi anuabu judeubu inũ judeubuma ẽ hatu yusĩkĩ: “Xinã betsa wakãwẽ”, ẽ hatu wa tsuãra xinã betsa watã Deusũ bake ikũwãkĩ hatũmebi hatũ hiwea bena hayakĩ uĩkubainimabuki, ẽ hatu unãmakubainarã.

Hechos 28:28

Haskakẽ nukunabu nĩkabumakẽ natiã unuri Deusũ judeubuma hatu mekekatsis ikai hau habũ nĩkanũbũ hanuri bushũ hatu yusĩshãkanikiki, hawa niti ikamarã. Haskanikiri matũri xinãkãwẽ— hatu wa

Hechos 3:19

Haska xinãma Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ, hau matũ txakabu matu buashununã.

Hechos 4:12

Ha inũ, hawa tsua betsawẽ nũ meketi hayamakiaki. Mai hirabi anushũ hawa huni betsawẽ Deusũ hawẽ nuku mekekĩ pashawati hayamarikiaki— hatu wa

Hechos 5:31

Deusũ haska watã nai anu ainitã hawẽ yusiuri nuku tsaũshunimakẽ ha nukũ mekenã inũ nukũ yusĩnã nũ ma hayaki. Haskawẽ taea nũ Israelbu shukua tibi tsuabũra nukũ txakabu henetã Deus anu txĩtuĩ nũ xinã betsaibu nuku hawenabu wakĩ Deusũ nukũ txakabu buatã ana xinãmaki.

Romanos 5:20

Hanua haskai yurabu txakabu bestiwẽ hiwei mesei atimapahairakubainaibũ Deusũ hawẽ yunuti inũ hawẽ nemati nukũ shenipabu Moisés yusĩmakinã, ana hatũ txakabu ewawati waniki. Hanua txakabui pikubiaibũ Deus hatuwẽ nuikĩ hatũ txakabu binumakĩ hawẽ pepahaira hatu unãti wamakĩ hatu duawaniki.

Efésios 1:6

Haska nuku wakinã, Deus duapahaira nũ hawẽ kẽwãpakeshanũbũ nuku haska waniki, hawẽ bake abuniwẽ nukuri hawẽ duawanũ ishunã.

Efésios 3:8

Hamẽ ẽ ikairã, Cristo txibaĩbu meranua ẽ beshmashaira hawamabiakẽ haskaraki watã Deusũ ea benimawakĩ duawakĩ hau hawẽ bake Cristokiri hawẽ pepa betsa betsapa hayawẽ nuku pehaira mekekubaĩtiru matu judeubumaki ẽ txanikũkaĩshanũ ea katutã nitxĩniki.

Colosenses 1:27

Tsuabura mã judeubuma Deusũ hawẽ xinã duapa haska bebũkiri Cristokiri yubakabiatã huneni ha shabakabi wakĩ matu unãmakatsis ikikiki, hau mai hirabi anuabũ matũri mã unãnũbũ haska ha hawẽ xinã dasibikiri hunenirã, harã, Cristo aniki. Haska matũri mã Cristo ikũwaĩwẽ taea mã judeubumabia Cristo ma matuki dasiaki. Haska inũ, nai anu Deusũ mae pepahaira anu Deus inũ Cristobe maturi mã hiweshanaii, mã haskakiri xinãkĩ manakaiburã.

1 João 2:12

Ẽ bake keskabuũ, Jesus Cristõ hawẽ hiweawẽ nuku merabewanũ ika tashnitã nuku mawashuniwẽ taeshũ Epa Deusũ matũ txakabu buatã matu haibuwani xinãkĩ ẽ matu keneshunaii.