Numeros 23:9 - Ang Pulong sa Dios

⁹ Gikan sa ibabaw sa mga bungtod, nakita ko sila. Nagkinabuhi silag ila, nga nabulag sa ubang mga nasod.

Ang Biblia 2011

⁹ Kay gikan sa kinatumyan sa mga kabukiran ako nakakita kaniya, gikan sa kabungtoran ako naglantaw kaniya. Tan-awa, ang katawhan nga nagpuyo nga nag-inusara, ug wala mag-isip sa ilang kaugalingon nga uban sa kanasoran!

Maayong Balita Biblia

⁹ Gikan sa tumoy sa kabukiran nakita ko sila! Gikan sa tumoy sa kabungtoran gitan-aw ko sila! Mga tawo sila nga nagkinahanglan sa pagpuyo ug wala mag-isip sa ilang kaugalingon nga usa sa ubang mga nasod.

Ang Bag-ong Maayong Balita Biblia

⁹ Gikan sa tumoy sa kabukiran nakita ko sila! Gikan sa tumoy sa kabungtoran gitan-aw ko sila! Mga tawo sila nga nagkinahanglan sa pagpuyo ug wala mag-isip sa ilang kaugalingon nga usa sa ubang mga nasod.

Numeros 23:9 Cross References

Esdras 9:2

Sila ug ang ilang mga anak nangasawa pa gani sa mga babaye nga gikan niini nga mga katawhan. Busa ang katawhan nga pinili sa Dios nasagolan na sa ubang mga katawhan. Ug ang atong mga pangulo ug mga opisyal mao pa ang unang naghimo niini.”

Ester 3:8

Unya, miingon si Haman kang Haring Ahasuerus, “Adunay grupo sa katawhan nga nagpuyo sa nagkalain-laing probinsya sa imong gingharian nga adunay kaugalingong kasugoan nga lahi sa ubang mga katawhan. Wala sila magtuman sa imong mga kasugoan ug dili maayo alang kanimo, Mahal nga Hari, nga pasagdan lang sila.

Exodo 33:16

Kay unsaon man pagkasayod sa uban nga nalipay ka kanako ug sa imong katawhan kon dili mo kami ubanan? Ug unsaon nila pagkasayod nga pinasahi kami nga katawhan kaysa ubang katawhan sa kalibotan?”

Jeremias 46:28

O mga kaliwat sa akong alagad nga si Jacob! Ayaw gayod kamo kahadlok kay kauban ninyo ako. Laglagon ko sa hingpit ang tanang kanasoran diin ko kamo gipatibulaag, apan kamo dili ko laglagon sa hingpit. Disiplinahon ko kamo basi sa hustisya. Dili ako motugot nga dili kamo masilotan. Ako, ang  Ginoo, ang nag-ingon niini.”

Jeremias 49:31

“Ako, ang  Ginoo, nagsugo kanila, ‘Sulonga ang katawhan nga nagpahayahay lang ug walay gikabalak-an. Ang mga ganghaan sa ilang lungsod walay sira o trangka ug nagkinabuhi sila nga sila-sila ra.

Amos 9:9

“Tan-awa! Magmando ako; ayagon ko kamo nga katawhan sa Israel uban sa tanang nasod. Ug sama sa pag-ayag ug trigo, wala gayoy bato nga mahulog sa yuta. Ilain ko ang mga daotan kaninyo,

Miqueas 7:14

O Ginoo, bantayi kaming imong katawhan nga imong gipanag-iyahan, sama sa pagbantay sa magbalantay sa mga karnero. Ang mga yuta sa palibot namo abunda ug sabsabanan, apan kami nagkinabuhi nga kami-kami lang sa kamingawan. Ipalapad ang among teritoryo hangtod sa Basan ug sa Gilead sama kaniadto.

2 Mga Taga-Corinto 6:17

“Busa, angay kamong magpalayo ug mobulag sa mga tawo nga wala motuo kanako. Ayaw kamo paghilabot sa bisan unsang mahugaw, ug dawaton ko kamo.”

Deuteronomio 32:8

Sa dihang gihatagan sa Labing Halangdong Dios ang mga nasod sa ilang yuta ug sa dihang gibahin-bahin niya ang katawhan, gibutangan niya kini ug mga utlanan basi sa gidaghanon sa mga anghel sa Dios.

Deuteronomio 33:28

Busa ang Israel magpuyo nga halayo sa katalagman, sa yuta nga abunda sa trigo ug duga sa ubas, ug diin ang tun-og nga gikan sa langit naghatag ug tubig sa yuta.

Tito 2:14

Gitugyan niya ang iyang kaugalingon aron maluwas kita gikan sa tanan natong mga sala, ug aron mahimo kitang iyang katawhan, nga hinlo ug madasigon gayod sa pagbuhat ug maayo.

1 Pedro 2:9

Apan kamo mga pinili, mga pari sa Hari, ug mga katawhan sa Dios. Nahimo kamong iya aron magmantala sa iyang kahibulongan nga mga binuhatan. Siya ang nagtawag kaninyo gikan sa kangitngit ngadto sa iyang kahibulongan nga kahayag.