Numeros 23:10 - Ang Pulong sa Dios

¹⁰ Kinsay makaihap sa gidaghanon sa kaliwat ni Jacob? nga sama sa abog? Hinaut nga sama sa kamatayon sa mga katawhan sa Dios nga matarong ang akong kamatayon.”

Ang Biblia 2011

¹⁰ Kinsa ba ang makaihap sa abog ni Jacob o makaihap sa ikaupat nga bahin sa Israel? Tugoti ako nga mamatay sa kamatayon sa matarong, ug himoa nga ang akong kataposan mahisama sa iyang kataposan!”

Maayong Balita Biblia

¹⁰ Kinsa ang makaihap sa mga kaliwat ni Jacob? O bisan na lang sa ikaupat ka bahin sa Israel? Itugot kanako ang kamatayon sa usa ka matarong. Mahisama unta ang akong kamatayon sa ilang kamatayon.”

Ang Bag-ong Maayong Balita Biblia

¹⁰ Kinsa ang makaihap sa mga kaliwat ni Jacob? O bisan na lang sa ikaupat ka bahin sa Israel? Itugot kanako ang kamatayon sa usa ka matarong. Mahisama unta ang akong kamatayon sa ilang kamatayon.”

Numeros 23:10 Cross References

Genesis 13:16

Himuon ko ang imong mga kaliwat nga sama kadaghan sa abog. Ang abog dili maihap, busa ang imong mga kaliwat dili usab maihap.

Genesis 28:14

Ang imong mga kaliwat mahimong sama kadaghan sa abog sa yuta. Magkatag kamo sa nagkalain-laing bahin niining yutaa. Pinaagi kanimo ug sa imong mga kaliwat, panalanginan ko ang tanang mga katawhan sa kalibotan.

Salmo 116:15

Masakitan ang  Ginoo kon adunay mamatay sa iyang matinumanong katawhan.

Salmo 37:37

Tan-awa ug panid-i ang tawong matarong ug mahigugmaon sa kalinaw. Aduna siyay maayong kaugmaon.

Mga Panultihon 14:32

Laglagon ang mga daotan tungod sa ilang daotang mga binuhatan, apan panalipdan niya ang mga matarong tungod sa ilang pagkadiosnon.

Numeros 2:16

Mikabat ug 151,450 ang kinatibuk-ang gidaghanon niining grupo nga gipangulohan ni Ruben. Sila mao ang ikaduha nga grupo kon manglakaw ang mga Israelinhon.

Numeros 2:24

Mikabat ug 108,000 ang kinatibuk-ang gidaghanon niining grupo nga gipangulohan ni Efraim. Sila mao ang nagsunod sa tribo ni Levi kon manglakaw ang mga Israelinhon.

Numeros 2:31

Mikabat ug 157,600 ang kinatibuk-ang gidaghanon niining grupo nga gipangulohan ni Dan. Sila ang kinaulahian kon manglakaw ang mga Israelinhon ubos sa ilang tagsa-tagsa ka bandera.

Numeros 2:9

Mikabat ug 186,400 ang kinatibuk-ang gidaghanon niining grupo nga gipangulohan ni Juda. Sila mao ang mag-una kon manglakaw ang mga Israelinhon.

Numeros 31:8

Giapil nila ug pamatay ang lima ka hari sa Midian nga sila si Evi, Rekem, Zur, Hur, ug Reba. Gipatay usab nila si Balaam nga anak ni Beor pinaagi sa espada.

2 Mga Taga-Corinto 5:1

Kining atong lawas karon nahisama sa balay nga atong ginapuy-an samtang ania pa kita sa kalibotan. Dili nato igsapayan kon mamatay ang atong lawas. Kay nasayran nato nga adunay ihatag ang Dios kanato nga bag-ong lawas nga atong kapuy-an didto sa langit. Kini dili binuhat sa tawo kondili sa Dios, ug dili na gayod mamatay bisan kanus-a.

Gipadayag 14:13

Human niadto, aduna akoy nadungog nga tingog gikan sa langit nga nag-ingon, “Isulat kini: Sukad karon, bulahan ang mga nangamatay nga anaa sa Ginoo!” Ug mitubag ang Espiritu, “Tinuod kini, makapahulay na sila sa ilang mga paghago ug kasakit, kay madawat na nila ang ganti sa ilang mga binuhatan nga maayo.”