Numeros 18:12 - Ang Pulong sa Dios

¹² “Gihatag ko usab kaninyo ang mga maayong produkto nga ginahalad sa mga Israelinhon gikan sa ilang unang abot: lana, bino, ug trigo.

Ang Biblia 2011

¹² Ang tanan sa labing maayo nga lana ug ang tanan nga labing maayo gikan sa bino ug ang gikan sa trigo, ang unang abot niadtong ilang gihatag sa Ginoo, akong gihatag kanimo.

Maayong Balita Biblia

¹² “Ihatag ko kanimo ang labing maayong lana, ang labing maayong bino ug trigo ug ang mga unang bunga nga ihatag nila sa Ginoo.

Ang Bag-ong Maayong Balita Biblia

¹² “Ihatag ko kanimo ang labing maayong lana, ang labing maayong bino ug trigo ug ang mga unang bunga nga ihatag nila sa Ginoo.

Numeros 18:12 Cross References

Genesis 27:28

Hinaut pa nga hatagan ka sa Dios ug tambok nga yuta, yamog gikan sa langit, ug abunda nga pagkaon ug ilimnon.

2 Mga Hari 4:42

Sa lain na usab nga higayon, adunay usa ka tawo nga gikan sa Baal Shalisha nga nagdala kang Eliseo, ang tawo sa Dios, ug 20 ka pan nga hinimo gikan sa unang abot sa barley, ug bag-ong inani nga mga lugas diha sa iyang sako. Miingon si Eliseo, “Ihatag kana sa grupo sa mga propeta aron makakaon sila.”

2 Cronicas 31:5

Sa dihang napahibalo na kini ngadto sa mga tawo, malipayon nga nanghatag ang mga Israelinhon sa unang abot sa ilang trigo, bino, lana, dugos, ug sa uban pang abot sa yuta. Gihatag nila ang ikapulo sa tanan nilang abot.

Salmo 147:14

Gihatagan niya ug kalinaw ang inyong dapit, ug gibusog niya kamo sa labing maayo nga trigo.

Salmo 81:16

Apan kamong akong katawhan pakan-on ug busgon ko sa labing maayong trigo ug dugos.”

Exodo 22:29

“Ayaw ninyo kalimti ang paghatag ug mga halad kanako gikan sa inyong mga abot, mga bino, ug mga lana. “Ihalad ninyo kanako ang inyong kamagulangang anak nga lalaki,

Exodo 23:19

“Dad-a ninyo sa balay sa Ginoo nga inyong Dios ang labing maayong bahin sa inyong unang abot. “Ayaw ninyo lutoa ang nating kanding sa gatas sa iyang inahan.

Exodo 34:26

“Dad-a ninyo sa balay sa Ginoo nga inyong Dios ang labing maayong bahin sa inyong unang abot. “Ayaw ninyo lutoa ang nating kanding sa gatas sa iyang inahan.”

Ezequiel 44:30

Ang labing maayo sa inyong unang abot ug ang inyong mga gasa kanako mapaingon sa mga pari. Hatagan usab ninyo sa inyong labing maayo nga harina ang mga pari, aron panalanginan ang inyong panimalay.

Levitico 2:12

Mahimo ninyong ihalad ang patubo o dugos isip halad gikan sa inyong unang abot, apan dili kini angay sunogon diha sa halaran.

Levitico 2:14

“ ‘Kon maghalad kamo sa inyong unang abot ingon nga halad sa pagpasidungog sa Ginoo, paghalad kamog ginaling o sinanlag nga mga trigo.

Levitico 23:20

Unya ibayaw sa pari diha sa presensya sa Ginoo ang duha ka karnero ug ang halad nga gikan sa nahaunang ani. Balaan kini nga mga halad alang sa Ginoo, ug bahin kini sa mga pari.

Deuteronomio 18:3

“Mao kini ang mga bahin nga alang sa mga pari gikan sa mga baka o karnero o kanding nga halad sa mga tawo: ang abaga, ang apapangig, ug ang tiyan.

Deuteronomio 18:4

Ihatag usab ninyo sa mga pari ang unang abot sa inyong trigo, duga sa ubas, lana, ug balhibo sa karnero.

Deuteronomio 26:2

pagkuha kamo ug bahin sa inyong unang abot, ug ibutang kini sa basket ug dad-a sa dapit nga pilion sa Ginoo nga inyong Dios diin pasidunggan ang iyang ngalan.

Deuteronomio 32:14

Gihatagan niya sila ug mga keso ug gatas gikan sa mga baka ug karnero, ug gihatagan ug tambok nga mga karnero, mga baka, ug mga kanding gikan sa Basan. Gihatagan usab niya sila sa labing maayong mga trigo ug gipainom sa labing maayong bino gikan sa ubas.