Numeros 18:11 - Ang Pulong sa Dios

¹¹ Inyo usab ang mga binayaw nga halad sa mga Israelinhon. Gihatag ko kini kanimo ug sa imong kaliwat isip inyong bahin hangtod sa kahangtoran. Makakaon niini si bisan kinsa sa imong pamilya nga hinlo.

Ang Biblia 2011

¹¹ Ug kini imo usab, ang halad sa ilang mga gasa, ang tanang mga halad nga binayaw gikan sa katawhan sa Israel. Kini gihatag nako kanimo ug sa imong mga anak nga lalaki ug mga anak nga babaye uban kanimo, ingon nga bahin hangtod sa kahangtoran. Ang tanan nga hinlo diha sa imong balay makakaon niini.

Maayong Balita Biblia

¹¹ “Mainyo usab ang tanang binayaw nga halad sa katawhan sa Israel. Gigahin ko kini kanimo ug sa imong mga anak ingon nga walay kataposan nga gasa. Makakaon niini ang tanan nga hinlo sa imong panimalay.

Ang Bag-ong Maayong Balita Biblia

¹¹ “Mainyo usab ang tanang binayaw nga halad sa katawhan sa Israel. Gigahin ko kini kanimo ug sa imong mga anak ingon nga walay kataposan nga gasa. Makakaon niini ang tanan nga hinlo sa imong panimalay.

Numeros 18:11 Cross References

Levitico 10:14

Kaonon ninyo ug sa tibuok nimong pamilya ang dughan ug ang paa sa mananap nga gibayaw ug gihalad ngadto sa Ginoo. Kaonon ninyo kini bisan asang dapit nga giisip nga hinlo. Gihatag kini kaninyo isip inyong bahin gikan sa mga halad sa mga Israelinhon alang sa maayo nga relasyon.

Levitico 7:14

Maghalad siya ug usa sa matag klasi niini nga mga pan isip gasa sa Ginoo. Iya na kini sa pari nga nagsablig sa dugo sa halad alang sa pakigda-it.

Numeros 18:1

Miingon ang Ginoo kang Aaron, “Ikaw ug ang imong mga anak nga lalaki ug ang imong mga paryente nga Levita mao ang responsable sa sala nga inyong mabuhat sa inyong pag-alagad diha sa balaang puloy-anan. Apan ikaw lang ug ang imong mga anak nga lalaki ang responsable sa sala nga inyong mabuhat nga adunay kalabotan sa inyong pagkapari.

Numeros 18:10

Kan-a ninyo kini diha sa balaan kaayo nga dapit. Tanang lalaki makahimo sa pagkaon niini, ug isipa ninyo kini nga balaan.

Numeros 18:19

Oo, gihatag ko kaninyo kining tanang mga balaang halad nga binayaw sa mga Israelinhon kanako. Alang kini kanimo ug sa imong mga kaliwat ingon nga inyong bahin hangtod sa kahangtoran. Kini ang kasabotan ko kanimo ug sa imong mga kaliwat ug dili kini mausab bisan kanus-a.”

Numeros 18:8

Unya miingon ang Ginoo kang Aaron, “Ako mismo ang nagpili kanimo nga magdumala sa balaan nga mga halad nga ginahalad sa mga Israelinhon kanako. Gihatag ko kini kanimo ug sa imong mga anak nga lalaki ingon nga inyong bahin, karon ug hangtod sa kahangtoran.

Deuteronomio 18:3

“Mao kini ang mga bahin nga alang sa mga pari gikan sa mga baka o karnero o kanding nga halad sa mga tawo: ang abaga, ang apapangig, ug ang tiyan.