Numeros 14:9 - Ang Pulong sa Dios

⁹ Ayaw lang kamo pagsupak sa Ginoo. Ug ayaw kamo kahadlok sa mga tawo didto kay mapildi gayod nato sila. Walay motabang kanila, apan anaa ang Ginoo nga motabang kanato. Busa ayaw kamo kahadlok kanila.”

Ang Biblia 2011

⁹ Apan lamang, ayaw kamo pagpakigbatok sa Ginoo. Ug ayaw kahadlok sa katawhan nianang yutaa kay sila pan alang kanato. Ang ilang mga panalipod kuhaon gikan kanila, ug ang Ginoo uban kanato busa ayaw sila kahadloki.”

Maayong Balita Biblia

⁹ Ayaw lamang kamo pagsukol sa Ginoo ug ayaw kahadlok sa katawhan sa maong yuta kay sayon ra nato silang buntogon. Mahanaw kanila ang ilang panalipod kay ubanan man kita sa Ginoo busa dili kita angay nga mahadlok kanila.”

Ang Bag-ong Maayong Balita Biblia

⁹ Ayaw lamang kamo pagsukol sa Ginoo ug ayaw kahadlok sa katawhan sa maong yuta kay sayon ra nato silang buntogon. Mahanaw kanila ang ilang panalipod kay ubanan man kita sa Ginoo busa dili kita angay nga mahadlok kanila.”

Numeros 14:9 Cross References

Genesis 48:21

Unya miingon si Israel kang Jose, “Hapit na akong mamatay, apan ubanan kamo sa Dios ug pabalikon sa yuta sa inyong katigulangan.

2 Cronicas 13:12

Ang Dios kauban namo; siya ang among pangulo. Ang iyang mga pari mopatingog sa mga trumpeta sa pagpanguna kanamo sa pagpakig-gira kaninyo. Mga katawhan sa Israel, ayaw kamo pagpakigbatok sa Ginoo, nga Dios sa inyong mga katigulangan, kay dili gayod kamo magmalampuson.”

2 Cronicas 15:2

Nakigkita siya kang Asa ug miingon kaniya, “Pamatia ninyo ako Haring Asa, ug kamong tanan nga taga-Juda ug taga-Benjamin. Magpabilin ang Ginoo uban kaninyo kon magpabilin kamo kaniya. Kon modangop kamo kaniya, tabangan niya kamo. Apan kon talikdan ninyo siya, talikdan usab niya kamo.

2 Cronicas 20:17

Dili na kinahanglan nga makig-away pa kamo. Ipahimutang ang inyong kaugalingon, ug tan-awa ninyo ang buhaton sa Ginoo sa pagluwas kaninyo. Ayaw kamo kahadlok o kawad-ig kadasig, mga taga-Juda ug taga-Jerusalem. Atubanga ninyo sila ugma ug ang Ginoo mag-uban kaninyo.’ ”

2 Cronicas 32:8

Mga tawo lang ang iyang kauban. Apan ang Ginoo nga atong Dios mao ang atong kauban. Siya ang motabang kanato ug makig-away alang kanato.” Nadasig ang mga tawo sa gisulti ni Ezequias nga hari sa Juda.

Nehemias 4:14

Gitan-aw ko ang sitwasyon ug unya, giadtoan ko ang mga opisyal ug ang mga lumulupyo ug giingnan, “Ayaw kamo kahadlok sa mga kaaway. Hinumdomi ninyo ang makagagahom ug katingalahan nga Ginoo, ug pakig-gira kamo alang sa kaluwasan sa inyong mga katagilungsod, mga anak, mga asawa, ug mga panimalay.”

Salmo 106:24

Nagdumili pa gayod sila sa pagsulod sa maayong yuta kay wala sila motuo sa saad sa Dios.

Salmo 121:5

Ang Ginoo mao ang imong tigpanalipod; anaa siya sa imong tapad aron sa pagpanalipod kanimo.

Salmo 14:4

Wala ba makahibalo kining daotang mga tawo sa ilang ginahimo? Siyempre nakahibalo! Nanginabuhi sila pinaagi sa pagpangilkil sa akong mga katawhan, ug wala sila nag-ampo sa Ginoo.

Salmo 46:11

Ang Ginoo nga Makagagahom kauban nato. Ang Dios ni Jacob mao ang atong dalangpanan.

Salmo 46:7

Ang Ginoo nga Makagagahom kauban nato. Siya nga Dios ni Jacob mao ang atong dalangpanan.

Salmo 46:8

Dali, tan-awa ang mga gipangbuhat sa Ginoo, ang katingalahang mga butang nga iyang gihimo sa kalibotan.

Salmo 74:14

Ikaw ang nagdugmok sa mga ulo sa Leviatan ug nagpakaon sa iyang patayng lawas sa mga mananap nga nagpuyo sa kamingawan.

Salmo 91:1

Si bisan kinsa nga mangayo sa pagpanalipod sa Labing Halangdong Dios nga Makagagahom, panalipdan niya.

Exodo 14:13

Mitubag si Moises sa mga tawo, “Ayaw kamo kahadlok. Pagmalig-on kamo ug tan-awa ninyo ang pagluwas kaninyo sa Ginoo karong adlawa. Kanang mga Ehiptohanon nga nakita ninyo karon dili na gayod ninyo makita pag-usab.

Exodo 33:16

Kay unsaon man pagkasayod sa uban nga nalipay ka kanako ug sa imong katawhan kon dili mo kami ubanan? Ug unsaon nila pagkasayod nga pinasahi kami nga katawhan kaysa ubang katawhan sa kalibotan?”

Isaias 1:2

Pamati langit ug paminaw yuta, kay nagsulti ang  Ginoo, “Nag-atiman ako ug nagpadakog mga anak, apan nakigbatok sila kanako.

Isaias 32:2

Ang matag-usa kanila mahimong sama sa salipdanan gikan sa makusog nga hangin ug bagyo. Mahisama usab sila sa tubig nga nagbuhagay sa disyerto, ug sa landong sa dakong bato sa mainit ug mala nga dapit.

Isaias 41:10

Ayaw kahadlok kay ako imong kauban. Ayaw kabalaka kay ako ang imong Dios. Lig-onon ug tabangan ka nako. Panalipdan ka nako pinaagi sa akong gahom nga mao ang makaluwas kanimo.

Isaias 41:14

Bisan ug gamay ka lang ug luya, ayaw kahadlok kay ako mismo ang motabang kanimo. Ako, ang  Ginoo, ang nag-ingon niini. Ako ang imong Manluluwas, ang balaan nga Dios sa Israel.

Isaias 63:10

Apan nagmasinupakon sila ug gipasubo nila ang iyang Balaang Espiritu. Busa gikontra sila sa Ginoo, ug nahimo siyang ilang kaaway.

Jeremias 1:19

Makig-away sila kanimo, apan dili ka nila mapildi, kay kauban mo ako ug tabangan ka nako. Ako, ang  Ginoo, ang nag-ingon niini.”

Jeremias 42:11

Ako, ang  Ginoo, nag-ingon nga ayaw na kamo kahadlok sa hari sa Babilonia kay kauban ninyo ako ug luwason ko kamo gikan kaniya.

Jeremias 48:45

“Ang makaluluoy nga nakaikyas gustong manago sa Hesbon. Apan ang Hesbon nga gidumala kanhi ni Haring Sihon nagdilaab. Gilamoy sa kalayo ang mga bukid diin nagtago ang mga taga-Moab nga hilig makig-away.

Daniel 9:5

Nakasala kami kanimo. Naghimo kamig daotan pinaagi sa pagsupak ug pagsalikway sa imong mga sugo ug tulomanon.

Daniel 9:9

Apan maluloy-on ka gihapon, Ginoo nga among Dios, ug mapinasayloon bisan pa kon masinupakon kami kanimo.

Numeros 13:30

Gipahilom ni Caleb ang mga tawo atubangan ni Moises, ug miingon siya, “Manglakaw kita karon dayon ug ilogon nato ang yuta, kay sigurado gayod nga mailog nato kini.”

Numeros 17:6

Busa gisultihan ni Moises ang mga Israelinhon, ug ang kada pangulo mihatag kaniya ug baston. Ang mga baston 12 tanan, ug ang usa niini kang Aaron.

Numeros 20:2

Walay tubig niadtong lugara, busa naghiusa ang mga tawo batok kang Moises ug kang Aaron.

Numeros 24:8

Gipagawas sila sa Dios gikan sa Ehipto; sama siya sa usa ka torong baka nga kusgan alang kanila. Panaon ug laglagon nila ang ilang mga kaaway; nga daw sa ginalamoy lang nila, ug daw sa ginadugmok nila ang ilang mga bukog.

Mateo 1:23

“Magmabdos ang usa ka dalagang putli, ug manganak siyag usa ka bata nga lalaki. Ug ang maong bata pagatawgon nga Emmanuel” (nga ang buot ipasabot, “Ang Dios uban kanato”).

Roma 8:31

Karon, kon huna-hunaon ta kini nga mga butang, makaingon kita nga ang Dios dapig gayod kanato, ug walay makabatok kanato.

Deuteronomio 1:21

Tan-awa ang yuta nga gihatag niya kaninyo! Panag-iyahi ninyo kini sumala sa giingon sa Ginoo, nga Dios sa inyong mga katigulangan. Ayaw kamo kahadlok o kaluya.”

Deuteronomio 1:26

Apan dili kamo buot moadto didto; misupak kamo sa sugo sa Ginoo nga inyong Dios.

Deuteronomio 1:29

Unya miingon ako kaninyo, “Ayaw kamo kalisang o kahadlok kanila.

Deuteronomio 31:6

Lig-ona ninyo ang inyong kaugalingon ug pagmaisogon. Ayaw kamo kahadlok kanila kay ang Ginoo nga inyong Dios nag-uban kaninyo; dili niya kamo biyaan o pasagdan.”

Deuteronomio 31:8

Pangulohan ka sa Ginoo ug mag-uban siya kanimo; dili niya ikaw biyaan o pasagdan. Busa ayaw kahadlok o pagpakawala sa paglaom.”

Deuteronomio 32:42

Ang akong pana mabulit sa ilang mga dugo, ug ang akong espada motadtad sa ilang mga lawas. Mangamatay apil ang mga dinakpan ug apil usab ang ilang mga pangulo.”

Deuteronomio 7:18

Apan ayaw kamo kahadlok kanila, hinumdomi lang ninyo kon unsa ang gihimo sa Ginoo nga inyong Dios ngadto sa hari sa Ehipto ug sa tanang mga Ehiptohanon.

Deuteronomio 7:21

Ayaw kamo kahadlok kanila kay ang Ginoo nga inyong Dios kauban ninyo, ug gamhanan ug katingalahan siya nga Dios.

Deuteronomio 9:7

“Hinumdomi ninyo kon giunsa ninyo pagpasuko ang Ginoo nga inyong Dios didto sa kamingawan. Gikan sa adlaw nga migawas kamo gikan sa Ehipto hangtod karon kanunay lang kamong nagsupak sa Ginoo.

Mga Taga-Filipos 1:27

Makabisita man ako kaninyo o dili, ang mahinungdanon nga ang inyong paggawi pinasikad sa Maayong Balita mahitungod kang Cristo, aron madunggan ko nga lig-on kamong nagkahiusa sa inyong pagpakigbisog alang sa hustong pagtuo nga pinasikad sa Maayong Balita.

Josue 1:5

“Walay makapildi kanimo sa tibuok mong kinabuhi. Mag-uban ako kanimo sama sa akong pag-uban kang Moises. Dili ka nako biyaan o pasagdan.

Josue 14:12

Busa ihatag kanako kining kabukiran nga gisaad kanako sa Ginoo. Ikaw mismo nakadungog kaniadto nga ang mga kaliwat ni Anak nagpuyo didto, ug lig-on ang ilang mga lungsod nga adunay mga paril. Apan pinaagi sa tabang sa Ginoo abugon ko sila nianang yutaa sumala sa gisaad niya kanako.”

Mga Maghuhukom 1:22

Unya, misulong usab ang tribo ni Jose sa lungsod sa Betel (nga kaniadto gitawag ug Luz), ug gitabangan sila sa Ginoo. Nagpadala sila ug mga espiya ngadto sa Betel,