Numeros 14:8 - Ang Pulong sa Dios

⁸ Kon nalipay ang Ginoo kanato, dad-on niya kita niana nga yuta, ang maayo ug mabungahon nga yuta, ug ihatag niya kini kanato.

Ang Biblia 2011

⁸ Kon ang Ginoo nahimuot kanato, pasudlon gayod kita niya sa maong yuta ug kini ihatag niya kanato, usa ka yuta diin nag-agas ang gatas ug dugos.

Maayong Balita Biblia

⁸ Kon nahimuot kanato ang Ginoo, dad-on kita niya niadtong yuta nga tabunok kaayo ug itugyan niya kini kanato.

Ang Bag-ong Maayong Balita Biblia

⁸ Kon nahimuot kanato ang Ginoo, dad-on kita niya niadtong yuta nga tabunok kaayo ug itugyan niya kini kanato.

Numeros 14:8 Cross References

2 Samuel 22:20

Giluwas niya ako sa katalagman kay nalipay siya kanako.

1 Mga Hari 10:9

Dalaygon ang Ginoo nga imong Dios, nga nalipay kanimo ug nagbutang kanimo sa trono sa Israel. Tungod sa walay kataposan nga gugma sa Ginoo alang sa Israel, gihimo niya ikaw nga hari aron mapatunhay mo ang hustisya ug katarong.”

2 Mga Hari 18:32

hangtod nga mobalik ako ug dad-on ko kamo sa yuta nga sama sa inyong yuta, ang yuta nga adunay mga tamnanan sa ubas nga makahatag kaninyo ug duga sa ubas ug adunay mga trigo nga mahimo ninyong pan, ug adunay mga kahoyng olibo ug mga dugos. Tumana ninyo ang akong giingon aron mabuhi kamo ug dili mamatay. “Ayaw kamo pamati kang Ezequias kay gilingla lang niya kamo sa iyang pag-ingon nga luwason kamo sa Ginoo.

Salmo 22:8

“Nagsalig ka man kaha sa Ginoo, nganong wala ka man niya luwasa? Kon tinuod nga nalipay siya kanimo, nganong wala ka man niya tabangi?”

Exodo 3:8

Busa minaog ako sa pagluwas kanila gikan sa kamot sa mga Ehiptohanon, ug sa pagdala kanila ngadto sa maayo, lapad, ug mabungahon nga yuta, nga ginapuy-an karon sa mga Canaanhon, Hitihanon, Amorihanon, Perisihanon, Hibihanon, ug mga Jebusihanon.

Isaias 62:4

Dili ka na tawgong “Sinalikway nga Siyudad” o “Awaaw nga yuta,” kondili tawgon ka na nga “Kalipay sa Dios” o “Gikasal ngadto sa Dios,” kay nalipay ang  Ginoo kanimo ug sama ra nga gikasal ka ngadto kaniya.

Jeremias 32:41

Magakalipay ako sa paghimog maayo ngadto kanila, ug sa tibuok kong kasing-kasing papuy-on ko sila ug pauswagon niini nga yuta.”

Sofonias 3:17

Ang Ginoo nga imong Dios kauban nimo. Ang Gamhanang Manggugubat nga moluwas. Siya magbaton ug kalipay diha nimo; diha sa iyang gugma dili kana niya badlongon apan maglipay diha kanimo uban sa pag-awit.

Numeros 13:27

Miingon sila kang Moises, “Nangadto kami sa dapit nga gipaadtoan mo kanamo, ug maayo kini ug mabungahon nga yuta. Ania ang mga prutas.

Numeros 16:14

Gawas pa niana, wala mo kami dad-a sa yuta nga maayo ug mabungahon, o hatagig mga uma o ubasan nga among panag-iyahon. Karon, gusto mo pa gayod kaming tontohon? Dili kami moanha kanimo!”

Roma 8:31

Karon, kon huna-hunaon ta kini nga mga butang, makaingon kita nga ang Dios dapig gayod kanato, ug walay makabatok kanato.

Deuteronomio 10:15

Apan gipili sa Ginoo ang inyong mga katigulangan nga iyang higugmaon, ug gipili niya kamo nga ilang mga kaliwat labaw sa tanang nasod, ug hangtod karon kamo gihapon ang iyang gipili nga katawhan.

Josue 14:12

Busa ihatag kanako kining kabukiran nga gisaad kanako sa Ginoo. Ikaw mismo nakadungog kaniadto nga ang mga kaliwat ni Anak nagpuyo didto, ug lig-on ang ilang mga lungsod nga adunay mga paril. Apan pinaagi sa tabang sa Ginoo abugon ko sila nianang yutaa sumala sa gisaad niya kanako.”