Numeros 11:8 - Ang Pulong sa Dios

^8-9 Mouban kini sa pagpanghugpa sa yamog diha sa kampo sa panahon sa kagabhion. Pamuniton kini sa mga Israelinhon sa yuta kada buntag, unya galingon nila o lubokon. Pagkahuman, lutuon nila kini sa kolon o himuong nipis nga pan. Ang lami niini sama sa pan nga giluto sa mantika.

Ang Biblia 2011

⁸ Ang katawhan naglibotlibot ug namunit niini ug gigaling nila kini sa mga galingan o gilubok kini diha sa mga lusong ug giluto kini diha sa mga kulon ug naghimo sila gikan niini ug mga torta ug ang lami niini sama sa torta nga giluto ug lana.

Maayong Balita Biblia

⁸ Manglakaw ang katawhan ug manigom niini. Ila kining galingon o lubkon sa lusong ug lutoon diha sa mga kulon ug himoon nila kining torta. Ang lami niini sama sa torta nga giluto ug lana.

Ang Bag-ong Maayong Balita Biblia

⁸ Manglakaw ang katawhan ug manigom niini. Ila kining galingon o lubkon sa lusong ug lutoon diha sa mga kulon ug himoon nila kining torta. Ang lami niini sama sa torta nga giluto ug lana.

Numeros 11:8 Cross References

Genesis 25:29

Usa niana ka adlaw, samtang nagluto si Jacob ug sabaw, miabot si Esau gikan sa pagpangayam nga naluya sa kagutom.

Exodo 16:23

Miingon si Moises kanila, “Nagsugo ang Ginoo nga mopahulay kamo ugma kay Adlaw nga Igpapahulay, usa ka balaan nga adlaw alang sa Ginoo. Busa lutoa ninyo ang gusto ninyong lutuon, ug lung-aga ang gusto ninyong lung-agon. Hiposa ang mahibilin alang sa sunod nga adlaw.”

Exodo 16:31

Gitawag sa mga Israelinhon ang maong pagkaon ug manna. Daw liso kini nga gagmay ug puti, ug tam-is kini sama sa nipis nga pan nga adunay dugos.

Numeros 11:7

Kining manna daw mga liso nga gagmay ug puti.

Juan 6:27

Apan ayaw kamo paghago alang sa pagkaon nga madunot lang, kondili paghago kamo alang sa pagkaon nga molungtad ug naghatag ug kinabuhi nga walay kataposan. Ang Anak sa Tawo mao ang mohatag kaninyo niini nga pagkaon, kay siya ang gihatagan sa Dios nga Amahan sa katungod nga mohatag niini.”

Juan 6:31

Kaniadto ang atong mga katigulangan mikaon sa pagkaon nga gitawag nga manna sa dihang didto pa sila sa kamingawan. Kay nag-ingon ang Kasulatan nga gihatagan sila ni Moises ug pagkaon nga gikan sa langit.”