Numeros 11:10 - Ang Pulong sa Dios

¹⁰ Nadunggan ni Moises nga nanghilak ang matag pamilya diha sa pultahan sa ilang mga tolda. Hilabihan gayod ang kasuko sa Ginoo kanila, ug nasubo usab pag-ayo si Moises.

Ang Biblia 2011

¹⁰ Unya nabati ni Moises ang mga paghilak sa katawhan diha sa tanan nilang kabanayan, ang matag tawo diha sa pultahan sa iyang tolda, ug ang kasuko sa Ginoo misilaob sa hilabihan gayod ug si Moises wala mahimuot niini.

Maayong Balita Biblia

¹⁰ Sa pagkabati ni Moises sa katawhan nga nagmulo didto sa pultahan sa ilang tolda, naguol siya pag-ayo tungod kay misilaob man pag-ayo ang kasuko sa Ginoo.

Ang Bag-ong Maayong Balita Biblia

¹⁰ Sa pagkabati ni Moises sa katawhan nga nagmulo didto sa pultahan sa ilang tolda, naguol siya pag-ayo tungod kay misilaob man pag-ayo ang kasuko sa Ginoo.

Numeros 11:10 Cross References

Salmo 106:25

Nagbagulbol sila diha sa ilang mga tolda ug wala sila motuman sa Ginoo.

Salmo 139:21

Ginoo, gikasilagan ko ang mga nasilag kanimo. Gikapungtan ko ang nakigbatok kanimo.

Salmo 78:21

Busa napungot ang  Ginoo sa pagkadungog niya niini. Sa iyang kasuko sa mga Israelinhon, nga mga kaliwat ni Jacob, giataki niya sila pinaagi sa kalayo.

Salmo 78:59

Nahibaloan sa Dios kining gihimo sa mga Israelinhon, busa nasuko siya ug gisalikway niya sila sa hingpit.

Isaias 5:25

Busa tungod sa kapungot sa Ginoo kaninyo nga iyang katawhan, iya kamong silotan. Mangatay-og ang kabukiran, ug magkatag sa kadalanan ang inyong mga patayng lawas sama sa mga basura. Apan bisan pa niini, ang kapungot sa Ginoo dili pa gayod mahupay. Silotan pa gihapon niya kamo.

Jeremias 17:4

Mawala kaninyo ang yuta nga gihatag ko kaninyo. Ipaulipon ko kamo sa inyong mga kaaway didto sa yuta nga wala kamo masuhito, tungod kay gipasilaob ninyo ang akong kasuko ug daw kalayo kini nga dili mapalong.”

Numeros 11:1

Unya, mireklamo ang mga Israelinhon bahin sa ilang kalisod. Pagkabati niini sa Ginoo, nasuko siya ug nagpadala ug kalayo nga misunog sa pipila ka bahin sa palibot sa kampo.

Numeros 11:11

Nangutana siya sa Ginoo, “Nganong gihatagan man nimo ako nga imong alagad ug dakong problema? Unsa may gihimo ko nga wala makapalipay kanimo nga gihatag mo man kanako ang problema niining mga tawo?

Numeros 12:3

(Si Moises mapainubsanon kaayo labaw kaysa tanang mga tawo sa kalibotan.)

Numeros 12:9

Nasuko pag-ayo ang Ginoo kanila, ug mibiya siya.

Numeros 16:27

Busa nagpalayo gikan sa mga tolda nila ni Kora, Datan, ug Abiram ang mga tawo. Nanggawas si Datan ug si Abiram ug nanindog sa pultahan sa ilang mga tolda uban sa ilang mga asawa ug mga kabataan.

Numeros 21:5

busa mireklamo sila sa Dios ug kang Moises. Miingon sila, “Nganong gipagawas mo pa kami gikan sa Ehipto aron mangamatay lang dinhi sa kamingawan? Walay pagkaon ug tubig dinhi! Ug giluod na kami niining walay lami nga manna.”

Marcos 10:14

Pagkakita ni Jesus niadto nasuko siya ug miingon sa iyang mga tinun-an, “Pasagdi lang ninyo ang mga bata nga moduol kanako. Ayaw ninyo sila pugngi, kay ang mga sama kanila nasakop sa paghari sa Dios.

Marcos 3:5

Nasubo si Jesus tungod sa kagahi sa ilang kasing-kasing ug masuk-anon nga mitan-aw kanila. Unya miingon siya sa tawo nga baldado ug kamot, “Ituy-od ang imong kamot!” Gituy-od niya, ug naayo kini.

Deuteronomio 32:22

Kay ang akong kasuko nagdilaab nga murag kalayo. Mosunog kini sa yuta ug sa tanang anaa niini, apil sa kinahiladman sa yuta, ug sa pundasyon sa mga bukid.