Miqueas 7:8 - Ang Pulong sa Dios

⁸ Dili angayng biay-biayon lang kita sa atong mga kaaway. Kay bisan ug nalaglag kita mobangon kita pag-usab. Ug bisan anaa kita sa kangitngit ang  Ginoo mao ang atong kahayag.

Ang Biblia 2011

⁸ Ayaw paglipay batok kanako, O akong kaaway; sa diha nga ako mapukan, mobangon ako; sa diha nga ako molingkod sa kangitngit, ang Ginoo mao ang kahayag alang kanako.

Maayong Balita Biblia

⁸ Kamong akong mga kaaway, ayaw paglipay nga kami napildi na ninyo, kay bisag napukan kami mobangon kami pag-usab; bisag ania kami sa kangitngit karon, ang Ginoo maghatag kanamog kahayag.

Ang Bag-ong Maayong Balita Biblia

⁸ Kamong akong mga kaaway, ayaw paglipay nga kami napildi na ninyo, kay bisag napukan kami mobangon kami pag-usab; bisag ania kami sa kangitngit karon, ang Ginoo maghatag kanamog kahayag.

Miqueas 7:8 Cross References

Job 31:29

“Wala ako magmaya sa dihang nalaglag ang akong mga kaaway o sa dihang midangat kanila ang kalisod.

Salmo 112:4

Bisan sa kangitngit aduna gihapon kahayag alang sa mga tawo nga nagkinabuhi nga maluloy-on, adunay kahangawa, ug matarong.

Salmo 143:3

Gilutos ako pag-ayo sa akong mga kaaway. Gipildi nila ako ug gibutang sa mangitngit nga dapit; sama niadtong mga tawong dugay nang nangamatay.

Salmo 20:8

Sila nga nagsalig sa mga karwahi ug kabayo mangalaglag apan kami modaog ug magpabilin nga lig-on.

Salmo 27:1

Ang Ginoo mao ang akong kahayag, manluluwas, ug tigpanalipod, busa wala akoy angayng kahadlokan.

Salmo 35:19

Ayaw itugot nga malipay ang akong maluibong mga kaaway sa akong kapildihan. Ayaw itugot nga kataw-an ako sa mga nagdumot kanako sa walay igong hinungdan.

Salmo 37:21

Ang mga daotan manghulam ug dili mobayad. Apan ang mga matarong mahinatagon.

Salmo 37:24

Bisan mapandol siya, dili siya matumba tungod kay ginakuptan siya sa Ginoo.

Salmo 38:16

Busa nag-ampo ako nga dili mo itugot nga ang akong mga kaaway maglipay o magpasigarbo tungod sa akong pagkapukan.

Salmo 84:11

Kay ikaw, Ginoong Dios, sama sa adlaw nga naghatag ug kahayag, ug sa taming nga nagpanalipod. Naghatag ka ug panalangin ug kadungganan. Wala kay gihikaw nga maayong butang sa mga tawo nga nagkinabuhi nga maligdong.

Salmo 97:11

Ang kaayo sa Dios sama sa adlaw nga nagsidlak sa mga matarong ug naghatag ug kalipay kanila.

Isaias 2:5

Dali, kamong mga kaliwat ni Jacob, magkinabuhi kita diha sa kamatuoran nga gihatag sa Ginoo kanato.

Isaias 49:9

Moingon ka sa mga Israelinhon nga binihag ug binilanggo diha sa mangitngit nga dapit, ‘Gawas kamo! Adunay kagawasan na kamo!’ “Mahisama sila sa mga karnero nga manibsib sa daplin sa mga agianan o sa taas nga mga dapit.

Isaias 50:10

Kinsa kaninyo ang nagtahod sa Ginoo ug nagtuman sa gitudlo sa iyang alagad? Angay siyang mosalig sa Ginoo nga iyang Dios bisan naglakaw siya sa kangitngit ug wala gayoy kahayag.

Isaias 9:2

Ang mga tawong anaa sa kangitngit makakita sa labihan nga kahayag. Ang mga nangitngitan sa kahadlok sa kamatayon mahayagan.

Jeremias 48:27

Mga lumulupyo sa Moab, dili ba gibiay-biay man ninyo ang Israel? Ngano, nasakpan ba siya uban sa mga kawatan, nga magpanglingo man kamo matag hisgot ninyo kaniya?

Jeremias 50:11

“Katawhan sa Babilonia, giilogan ninyo sa mga kabtangan ang katawhan nga akong gipanag-iyahan. Naglipay kamo ug nagsadya nga daw mga dumalagang baka sa sabsabanan o sa laking kabayo nga nagbahihi.

Jeremias 8:4

Miingon ang  Ginoo kanako nga isulti ko kini nga mensahe ngadto sa mga tawo: “Kon matumba ang tawo, dili ba motindog man siya pagbalik? Kon nasaag siya, dili ba mobalik man siya sa iyang agi?

Ezequiel 25:6

“Ako, ang Ginoong Dios, nag-ingon, ‘Tungod kay mipakpak kamo ug naglukso-lukso sa kalipay sa pagtamay sa Israel,

Ezequiel 35:15

tungod kay nagkalipay kamo sa dihang naawaaw ang yuta nga gipanunod sa katawhan sa Israel. Busa mao usab kana ang mahitabo kaninyo; maawaaw ang Bukid sa Seir ug ang tibuok Edom. Unya mahibaloan ninyo nga ako mao ang  Ginoo.”

Amos 9:11

“Nianang adlawa tukoron ko pag-usab ang gingharian ni David nga sa pagkakaron daw usa ka payag nga nalumpag. Ayohon ko ang mga bahin niini nga naguba. Tukoron ko kini pag-usab ug ibalik ko kini sama kaniadto,

Abdias 1:12

Wala unta ninyo ikalipay ang katalagman nga nahiagoman sa katawhan sa Juda, nga inyong kadugo. Wala unta kamo magmaya sa panahon sa ilang kalaglagan. Ug wala unta kamo manghambog sa panahon sa ilang kalisod.

Miqueas 7:10

Makita kini sa atong mga kaaway ug maulawan sila. Kay gibiay-biay nila kita kaniadto nga nag-ingon, “Asa na ang  Ginoo nga inyong Dios?” Sa dili madugay makita nato ang ilang pagkalaglag. Mahisama sila sa lapok nga gitunob-tunoban diha sa mga karsada.

Zacarias 12:8

Nianang adlawa, panalipdan sa Ginoo ang mga nagpuyo sa Jerusalem aron bisan pa ang labing luya kanila mahisama kang David kakusgan. Ang mga kaliwat ni David mahisama sa Dios, sama sa anghel sa Ginoo nga mangulo kanila.

Malaquias 4:2

Apan kamong nagtahod kanako, masinati ninyo ang pagluwas ko kaninyo. Mahisama kini sa pagsubang sa adlaw nga ang iyang sidlak naghatag ug kaayohan. Ug maglukso-lukso kamo sa kalipay sama sa nati nga mga baka nga gipagawas sa toril.

Mateo 4:16

Apan bisan nagpuyo diha sa kangitngit ang mga tawo niini nga mga dapit, makakita sila ug kahayag nga hilabihan. Ang mga anaa sa kangitngit nga mahadlok mamatay madan-agan.”

Juan 16:20

Sa pagkatinuod, sultihan ko kamo nga ang mga tawo sa kalibotan malipay gayod sa mahitabo kanako, apan kamo maghilak sa kaguol. Apan ang inyong mga kaguol mawala ug mapulihan sa kalipay.

Juan 8:12

Misulti pag-usab si Jesus sa mga tawo, “Ako ang suga sa mga tawo sa kalibotan. Ang nagsunod kanako, dili gayod magkinabuhi diha sa kangitngit, kondili mahayagan siya sa suga nga naghatag ug kinabuhi.”

Mga Buhat 26:18

aron pag-abli sa ilang mga mata, aron mobiya sila gikan sa kangitngit ug mopadulong sa kahayag, ug gikan sa gahom ni Satanas moduol sila sa Dios. Ug pinaagi sa ilang pagtuo kanako mapasaylo ang ilang mga sala ug maapil na sila sa mga gilain sa Dios nga mahimong iya.’

2 Mga Taga-Corinto 4:6

Ang Dios nga nag-ingon, “Gikan sa kangitngit modan-ag ang kahayag,” mao usab ang naghatag ug kahayag sa among huna-huna aron masabtan namo kon unsa ang gahom nga iyang gipakita pinaagi kang Jesu-Cristo.

2 Mga Taga-Corinto 4:9

Daghan ang nagtinguha sa pagpatay kanamo, apan wala kami pasagdi sa Dios. Tinuod nga gidagmalan nila kami, apan sa kaluoy sa Dios buhi pa gihapon kami.

Gipadayag 21:23

Wala usab kinahanglana ang adlaw ug ang bulan niini nga siyudad, tungod kay ang himaya sa Dios nagsidlak didto, ug ang Karnero mao ang iyang suga.

Gipadayag 22:5

Wala nay gabii didto, busa dili na nila kinahanglanon ang mga suga o ang kahayag sa adlaw, kay ang Ginoong Dios mao na ang ilang kahayag. Ug magdumala sila isip mga hari sa walay kataposan.