Miqueas 7:7 - Ang Pulong sa Dios

⁷ Apan ako mosalig gayod sa Ginoo nga akong Dios. Maghulat ako kaniya nga moluwas kanako. Pamation gayod niya ang akong pag-ampo.

Ang Biblia 2011

⁷ Apan alang kanako, ako motutok sa Ginoo, ako maghulat sa Dios sa akong kaluwasan; ang akong Dios magpatalinghog kanako.

Maayong Balita Biblia

⁷ Apan alang kanako, mosalig ako sa Ginoo, maghulat ako sa Dios nga maoy moluwas kanako; mamati kanako ang akong Dios.

Ang Bag-ong Maayong Balita Biblia

⁷ Apan alang kanako, mosalig ako sa Ginoo, maghulat ako sa Dios nga maoy moluwas kanako; mamati kanako ang akong Dios.

Miqueas 7:7 Cross References

Genesis 49:18

“O Ginoo, naghulat ako sa imong pagluwas kanako.

Salmo 109:4

Bisan nakighigala ako kanila, nakig-gira sila kanako; apan giampo ko gihapon sila.

Salmo 130:5

Naghulat gayod ako kanimo, Ginoo, ug nagsalig ako sa imong pulong.

Salmo 25:5

Tudloi ako sa pagkinabuhi subay sa imong kamatuoran, kay ikaw ang Dios nga akong manluluwas. Nagsalig ako kanimo sa kanunay.

Salmo 37:7

Pagmalinawon diha sa presensya sa Ginoo, ug paghulat nga mapailubon sa iyang pagabuhaton. Ayaw paglagot kon magmauswagon ang mga tawong daotan, o magmadaogon sila pinaagi sa ilang daotang mga plano.

Salmo 38:15

Kay nagsalig ako kanimo, Ginoo. Ikaw, Ginoo nga akong Dios, ang magtubag sa akong pag-ampo.

Salmo 50:15

Tawag kamo kanako sa panahon sa kalisod, kay luwason ko kamo, ug dayegon ninyo ako.”

Salmo 65:2

Ang tanang mga tawo moduol kanimo kay ginatubag mo ang ilang mga pag-ampo.

Salmo 85:5

Dili na ba gayod mawala ang imong kasuko kanamo hangtod sa kahangtoran?

Isaias 12:2

Ikaw, O Dios, mao ang akong manluluwas. Mosalig ako kanimo ug dili mahadlok. Ikaw, Ginoo, mao ang naghatag kanakog kusog, ug ikaw ang akong ginaawit. Ikaw ang nagluwas kanako.”

Isaias 17:7

Nianang adlawa, modangop na ang mga tawo sa nagbuhat kanila, sa Balaan nga Dios sa Israel.

Isaias 25:9

Kon mahitabo na kini, moingon ang mga katawhan: “Siya ang atong Dios! Misalig kita kaniya, ug giluwas niya kita. Siya ang  Ginoo nga atong gisaligan. Maglipay kita ug magsadya kay giluwas niya kita.”

Isaias 45:22

“Dangop kamo kanako aron kamo maluwas, tanang katawhan sa tibuok kalibotan, kay ako mao ang Dios, ug wala nay lain.

Isaias 8:17

Molaom ako sa Ginoo bisan pag gitalikdan niya ang mga kaliwat ni Jacob. Mosalig gayod ako kaniya.

Mga Pagbangotan 3:24

Miingon ako sa akong kaugalingon, “Ang Ginoo mao ang tanan alang kanako, busa molaom ako kaniya.”

Daniel 3:17

Kon mao man gayod kana ang mahitabo, luwason kami sa Dios nga among gialagaran gikan nianang nagdilaab nga hudno, ug gikan sa imong mga kamot.

Oseas 12:6

Busa balik na kamo sa inyong Dios, mga kaliwat ni Jacob, ug patunhaya ninyo ang gugma ug hustisya. Ug salig kamo sa inyong Dios kanunay.

Joel 1:19

Nagpanawag ako kanimo, Ginoo, kay nangalaya ang mga sibsiban ug ang tanang kahoy sa kaumahan nga daw sa gilamoy sa kalayo.

Habacuc 2:1

Mobarog ako sa akong bantayanan ug magpahimutang ako diha sa mga tore; motan-aw ako aron pagsuta kon unsay iyang isulti kanako, ug unsa nga tubag ang akong ihatag niining mga reklamo.

Habacuc 2:3

Kay ang gipadayag magpaabot sa gitakda nga panahon; nagsulti kini mahitungod sa katapusan ug dili kini mapamatud-an nga bakak. Bisan tuod madugay kini, paabota kini; moabot gayod kini ug dili na malangay.

Numeros 5:28

Apan kon wala niya hugawi ang iyang kaugalingon, dili siya madutlan sa tunglo ug makaanak pa siya.