Miqueas 2:9 - Ang Pulong sa Dios

⁹ Giabog ninyo ang ilang mga babaye sa ilang gimahal pag-ayo nga mga pinuy-anan. Ug gikuha ninyo ang akong panalangin gikan sa ilang mga kabataan, busa dili na nila kini madawat hangtod sa kahangtoran.

Ang Biblia 2011

⁹ Ang mga babaye sa akong katawhan inyong gipapahawa, gikan sa ilang hamogaway nga mga balay; gikan sa ilang batan-ong mga anak gikuha ninyo ang akong himaya hangtod sa kahangtoran.

Maayong Balita Biblia

⁹ Gipapahawa ninyo ang kababayen-an sa akong katawhan gikan sa ilang malinawong panimalay; gihikawan ninyo sa dayon ang ilang kabataan sa akong panalangin.

Ang Bag-ong Maayong Balita Biblia

⁹ Gipapahawa ninyo ang kababayen-an sa akong katawhan gikan sa ilang malinawong panimalay; gihikawan ninyo sa dayon ang ilang kabataan sa akong panalangin.

Miqueas 2:9 Cross References

Salmo 72:19

Dalaygon ang iyang pagkagamhanan sa walay kataposan. Makita sa mga tawo sa tibuok kalibotan ang iyang pagkagamhanan. Amen! Amen!

Jeremias 10:20

Guba na ang atong tolda; nangabugto na ang tanang mga higot niini. Wala na ang atong mga anak. Wala nay nahibilin aron pagpatindog pag-usab sa tolda nga atong puy-an.”

Ezequiel 39:21

“Kon silotan ko na ang mga nasod, makita nila kon unsa ako kagamhanan.

Joel 3:6

Gipamaligya ninyo sa mga Griego ang katawhan sa Jerusalem ug sa ubang bahin sa Juda, aron mapahilayo ninyo sila sa ilang kaugalingong yuta.

Amos 2:7

Gidaog-daog nila ang mga kabos ug wala nila sila hatagi ug hustisya. Anaa usab diha kanilay amahan ug anak nga lalaki nga nakighilawas sa usa lang ka babaye. Tungod niini gipasipalahan nila ang akong balaang ngalan.

Miqueas 2:2

Giilog ninyo ang mga uma ug mga balay nga inyong magustohan. Gilimbongan ninyo ang mga tawo aron makuha ninyo ang ilang balay ug ang ilang napanunod nga yuta.

Habacuc 2:14

Kay ang kalibotan mapuno sa kahibalo sa himaya sa Ginoo ingon nga ang tubig naglukop sa kadagatan.

Zacarias 2:5

Kay nag-ingon ang  Ginoo nga siya mismo ang mahimong paril nga kalayo nga maglibot sa siyudad sa Jerusalem, ug siya ang mahimong gahom niini nga siyudad.”

Mateo 23:13

“Alaot kamong mga magtutudlo sa Kasugoan ug kamong mga Pariseo. Ang inyong pagtuo sa Dios pagpakaaron-ingnon lang! Gibabagan ninyo ang mga tawo nga buot magpasakop sa gingharian sa Langit. Kamo mismo dili magpasakop, ug nagpugong pa kamo sa mga tawo nga nagtinguha nga magpasakop. [

Marcos 12:40

Giilog nila ang mga kabtangan sa mga biyuda, ug gitabon-tabonan lang nila ang ilang daotang binuhatan pinaagi sa tag-as nga mga pag-ampo. Kini sila makadawat ug mas bug-at nga silot.”

Lucas 20:47

Giilog nila ang mga kabtangan sa mga babaye nga balo, ug gitabon-tabonan lang nila ang ilang daotang binuhatan pinaagi sa tag-as nga mga pag-ampo. Kini sila makadawat ug mas bug-at nga silot.”

2 Mga Taga-Corinto 3:18

Ug tungod kay wala nay nakatap-tap sa atong huna-huna, makita na nato ang gahom sa atong Ginoo. Ug kining gahom nga gikan sa Ginoo, nga mao ang Espiritu nagpadayon sa pagbag-o kanato aron nga sa ngadto-ngadto mahisama kita kaniya.

2 Mga Taga-Corinto 4:6

Ang Dios nga nag-ingon, “Gikan sa kangitngit modan-ag ang kahayag,” mao usab ang naghatag ug kahayag sa among huna-huna aron masabtan namo kon unsa ang gahom nga iyang gipakita pinaagi kang Jesu-Cristo.

1 Samuel 26:19

Mahal nga Hari, pamatia ang akong isulti. Kon ang Ginoo mao ang nagtulod kanimo sa pagpatay kanako, hinaut dawaton niya ang akong halad. Apan kon kini iya lang sa tawo, hinaut nga panghimaraoton sila sa Ginoo. Kay gihinginlan nila ako gikan sa yuta sa Ginoo ug giingnan nga moalagad sa ubang mga dios.