Miqueas 2:8 - Ang Pulong sa Dios

⁸ Apan gikontra ninyo nga daw mga kaaway ang akong katawhan. Naghuna-huna sila nga sa pagpauli nila sa ilang dapit gikan sa gira wala nay manghilabot kanila, apan anaa diay kamo nga moilog sa ilang mga kupo.

Ang Biblia 2011

⁸ Apan nakigbatok kamo sa akong katawhan ingon nga kaaway; gilangkat ninyo ang kupo gikan kanila nga malinawon, gikan niadtong mga tawo nga adunay pagsalig nga walay hunahuna sa gubat.

Maayong Balita Biblia

⁸ Apan ang Ginoo miingon, “Gisulong ninyo ang akong katawhan daw kaaway. Ang mga tawo malinawon nga gikan sa panggubatan, ug nagtuo nga layo na sila sa kadaot, apan giilog ninyo ang ilang mga bisti.

Ang Bag-ong Maayong Balita Biblia

⁸ Apan ang Ginoo miingon, “Gisulong ninyo ang akong katawhan daw kaaway. Ang mga tawo malinawon nga gikan sa panggubatan, ug nagtuo nga layo na sila sa kadaot, apan giilog ninyo ang ilang mga bisti.

Miqueas 2:8 Cross References

2 Samuel 20:19

Usa ako sa mga nangandoy nga motunhay ang kalinaw ug pagkamatinud-anon sa Israel. Apan ikaw, nganong ginatinguha mong gub-on ang usa sa mga nag-unang lungsod sa Israel? Nganong gusto mong gub-on ang lungsod nga iya sa Ginoo?”

Salmo 55:20

Ang akong higala kanhi nakigbatok sa iyang mga higala; wala niya tumana ang iyang mga saad.

Isaias 9:21

Mag-away ang Manases ug ang Efraim, ug pagkahuman maghiusa sila sa pagsulong sa Juda. Apan ang kasuko sa Ginoo dili pa gayod mahupay. Andam pa gihapon siya sa pagsilot kanila.

Jeremias 12:8

Misukol sila kanako. Mingulob sila nga daw mga liyon sa kalasangan, busa naglagot ako kanila.

Miqueas 3:2

Ug gidumtan ang maayo; inyong gipikas-pikas ug gipanitan ang akong mga katawhan ug gipanguha ang mga unod gikan sa ilang mga bukog.”

Miqueas 7:2

Ang buot kong ipasabot, wala na akoy nakitang tawo sa Israel nga matinud-anon sa Dios. Wala nay nabiling matarong nga tawo. Ang matag-usa naghulat ug higayon sa pagpatay sa iyang katagilungsod; giandaman nila ug lit-ag ang ilang isigka-tawo.

Miqueas 7:3

Hanas sila sa paghimo ug daotan. Ang mga pangulo ug mga huwes nagdawat ug suborno, ug nagsunod lang sila sa gusto sa mga inila ug gamhanan nga mga tawo. Nagkahiusa sila sa pagplano sa pagtuis sa hustisya.