Mga Maghuhukom 7:2 - Ang Pulong sa Dios

² Miingon ang Ginoo kang Gideon, “Daghan ra kaayo ang imong mga kauban. Basin ug manghambog sila nga napildi nila ang mga Midianhon sa ilang kaugalingong katakos ug dili tungod kanako.

Ang Biblia 2011

² Ang Ginoo miingon kang Gideon, “Ang katawhan nga anaa uban kanimo daghan ra kaayo alang kanako aron itugyan ang mga Midianhon ngadto sa ilang kamot, kay tingali unya ug ang Israel magpasigarbo sa ilang kaugalingon batok kanako, nga mag-ingon, ‘Ang akong kaugalingong kamot mao ang nakaluwas kanako.’

Maayong Balita Biblia

² Ang Ginoo miingon kang Gideon, “Daghan ra kaayo kining mga tawhana nga miuban kanimo nga gamiton ko aron pagbuntog sa mga Midianhon. Makaingon unya ang mga Israelita nga nakadaog sila tungod sa ilang gahom ug dili ako nila pasidunggan.

Ang Bag-ong Maayong Balita Biblia

² Ang Ginoo miingon kang Gideon, “Daghan ra kaayo kining mga tawhana nga miuban kanimo nga gamiton ko aron pagbuntog sa mga Midianhon. Makaingon unya ang mga Israelita nga nakadaog sila tungod sa ilang gahom ug dili ako nila pasidunggan.

Mga Maghuhukom 7:2 Cross References

Genesis 46:2

Nianang pagkagabii, nakigsulti ang Dios kaniya pinaagi sa usa ka panan-awon. Gitawag sa Dios si Jacob, ug mitubag siya.

2 Cronicas 14:11

Unya nag-ampo si Asa sa Ginoo nga iyang Dios, “Ginoo, wala nay lain pa nga makatabang sa mga tawo nga walay ikasarang batok sa mga gamhanan kondili ikaw lang. Tabangi kami, Ginoo nga among Dios, kay nagsalig kami kanimo. Ug sa imong ngalan mianhi kami dinhi batok niining daghan kaayong mga sundalo. Ginoo, ikaw ang among Dios. Ayaw itugot nga modaog ang tawo batok kanimo.”

Isaias 10:13

Kay miingon man ang hari sa Asiria, “ ‘Nahimo ko kini tungod sa akong kusog ug kaalam. Giilog ko ang daghang mga nasod ug ang ilang mga bahandi. Sama sa usa ka torong baka; gipangpildi ko ang ilang mga hari.

Isaias 2:11

Moabot ang adlaw nga ang  Ginoo lang gayod ang pagadayegon. Ipaubos niya ang mga mapasigarbohon ug mapahitas-on.

Isaias 2:17

Nianang adlawa, ang  Ginoo lamang maoy pasidunggan. Ipaubos niya ang mga mapasigarbohon ug ang mga mapahitas-on.

Jeremias 9:23

Miingon pa gayod ang  Ginoo, “Dili angayng magpasigarbo sa iyang kaalam ang maalamon, o ang kusgan sa iyang kusog, ni ang adunahan sa iyang bahandi.

Ezequiel 28:17

Nahimo kang garboso tungod sa imo nga katahom. Gigamit mo sa kabuang ang imo nga kaalam aron mahimo kang bantogan. Mao nga gilabay ka nako sa yuta, ug nahimo kang talan-awon sa uban nga mga hari.

Ezequiel 28:2

“Tawo, ingna ang pangulo sa Tiro nga ako, ang Ginoong Dios, nag-ingon: “Sa imo nga pagkagarboso nag-ingon ka nga ikaw usa ka dios nga naglingkod sa trono taliwala sa kadagatan. Apan ang tinuod, bisan kon naghuna-huna ka nga maalam ka sama sa usa ka dios, dili ka Dios kondili tawo ka lamang.

Daniel 4:30

miingon siya, “Dili ba ni ang Babilonia nga akong gitukod pinaagi sa akong kaugalingong kusog ug alang sa akong kadungganan?”

Habacuc 1:16

Busa mohalad siya sa iyang pukot, ug magsunog siyag insenso sa iyang dakong pukot, kay pinaagi sa iyang pukot nagpuyo siya sa kaharuhay ug naglipay siya sa piniling pagkaon.

Zacarias 12:7

Padag-on ko ug una ang Juda, aron nga ang dungog nga maangkon sa kaliwat ni David ug sa mga lumulupyo sa Jerusalem dili molabaw sa dungog nga maangkon sa Juda.

Zacarias 4:6

Unya miingon siya kanako, “Sa dili ko pa tubagon ang imong pangutana, pamatia kining mensahe sa Ginoo nga Makagagahom ngadto kang Zerubabel: “Zerubabel, mahuman mo ang pagpatukod sa templo dili pinaagi sa kusog o katakos sa tawo kondili pinaagi sa akong Espiritu.

Numeros 31:4

Pagpadala ug 1,000 ka tawo sa kada tribo sa Israel ngadto sa gira.”

Roma 11:18

Apan ayaw kamo paghuna-huna nga mas maayo pa kamo kaysa mga sanga nga gipangputol. Hinumdomi ninyo nga kamo mga sanga lang. Dili kamo ang nagbuhi sa gamot, kondili ang gamot mao ang nagbuhi kaninyo.

Roma 3:27

Busa wala gayoy bisan kinsa nga makapasigarbo. Kon gipakamatarong kita sa Dios tungod sa atong pagtuman sa Kasugoan, makapasigarbo kita. Apan ang tinuod, dili kita makapasigarbo tungod kay gipakamatarong kita sa Dios pinaagi sa atong pagtuo.

2 Mga Taga-Corinto 4:7

Ania kanamo ang mahalon nga butang nga gikan sa Dios apan sama lang kami sa kolon nga gisudlan niini aron masayran sa mga tawo nga ang gahom nga dili matupngan gikan sa Dios, ug dili gikan kanamo.

Deuteronomio 32:27

Apan dili ko tugotan nga magpasigarbo ang ilang mga kaaway ug moingon, “Napildi nato sila. Dili ang Ginoo ang naghimo niini.” ’

Deuteronomio 8:17

Basin baya ug moingon kamo sa inyong kaugalingon, ‘Pinaagi sa akong gahom ug kusog naangkon ko kining tanan nga bahandi.’

Deuteronomio 8:18

Apan hinumdomi gayod ninyo nga ang Ginoo nga inyong Dios mao ang naghatag kaninyo sa katakos nga mahimong adunahan, ug gihimo niya kini aron matuman niya ang iyang kasabotan nga iyang gisaad sa inyong mga katigulangan, nga nagpadayon hangtod karon.

Santiago 4:6

Apan ang Dios naghatag kanato ug dugang pa nga grasya. Mao kana nga nag-ingon ang Kasulatan: “Gisumpo sa Dios ang mapahitas-on, apan kaloy-an niya ang mapainubsanon.”

1 Samuel 14:6

Miingon si Jonatan ngadto sa tigdala sa iyang armas, “Dali, adtoon na nato ang bantayanan sa mga tawong wala nakaila sa Dios. Basig tabangan kita sa Ginoo, kay walay makababag kaniya sa pagpadaog kanato, bisan daghan man kita o gamay lang.”