Mga Maghuhukom 7:1 - Ang Pulong sa Dios

¹ Pagkabuntag, sayo kaayong milakaw si Jerubaal (o Gideon) uban sa tanan niyang mga tawo. Nagkampo sila sa adunay tuboran sa Harod samtang ang mga Midianhon didto nagkampo sa amihan nga bahin sa ilang gikampohan, sa walog nga duol sa Bungtod sa More.

Ang Biblia 2011

¹ Unya si Jerubaal nga mao si Gideon, ug ang tanang katawhan nga uban kaniya misayo pagbangon ug nagkampo tupad sa tuboran sa Harod ug ang kampo sa Midian didto dapit sa amihanan nila, tupad sa bungtod sa More, didto sa walog.

Maayong Balita Biblia

¹ Si Gideon (o Jerubaal) ug ang tanan niyang mga tawo sayong namangon ug nagkampo duol sa Tubod sa Harod. Ang kampo sa mga Midianhon didto mahimutang sa walog sa amihanan sa Bungtod sa More.

Ang Bag-ong Maayong Balita Biblia

¹ Si Gideon (o Jerubaal) ug ang tanan niyang mga tawo sayong namangon ug nagkampo duol sa Tubod sa Harod. Ang kampo sa mga Midianhon didto mahimutang sa walog sa amihanan sa Bungtod sa More.

Mga Maghuhukom 7:1 Cross References

Genesis 12:6

Pag-abot nila sa Canaan, mipadayon sila hangtod nga nakaabot sila sa kahoy nga tugas sa More didto sa Sekem. (Niadtong panahona didto pa nagpuyo ang mga Canaanhon.)

Genesis 22:3

Pagkaugma, sayo pa kaayong mibangon si Abraham. Nagbugha siya ug pangsugnod alang sa halad, ug gikarga niya kini sa asno. Unya migikan siya kauban ni Isaac ug sa duha niya ka sulugoon nga lalaki paingon sa dapit nga giingon sa Dios kaniya.

2 Samuel 23:25

si Shama ug si Elika nga mga taga-Harod;

Salmo 83:9

Pildiha sila, Ginoo, sama sa imong gihimo sa mga Midianhon, ug kang Sisera ug kang Jabin didto sa Yuta sa Kishon.

Ecclesiastes 9:10

Pagkugi sa tanan mong buluhaton, kay didto sa dapit sa mga patay nga imong padulngan wala nay trabaho, panghuna-huna, kaalam o kahibalo.

Deuteronomio 11:30

Kini nga mga bukid anaa sa kasadpan sa Suba sa Jordan, sa yuta sa mga Canaanhon nga nagpuyo sa Walog sa Jordan duol sa lungsod sa Gilgal. Duol kini sa kahoy nga tugas sa More.

Josue 3:1

Sayo kaayong mibangon si Josue ug ang tanang mga Israelinhon. Mibiya sila sa Shitim ug miadto sa Suba sa Jordan. Nagkampo una sila didto sa wala pa sila motabok.

Josue 6:12

Pagkabuntag, sayo kaayong mibangon si Josue. Gidala pag-usab sa mga pari ang Sudlanan sa Kasabotan sa Ginoo,

Mga Maghuhukom 6:32

Sukad niadto, gitawag na si Gideon ug “Jerubaal,” nga ang buot ipasabot, “Papanalipda si Baal sa iyang kaugalingon” tungod kay ang iyang halaran man ang giguba.

Mga Maghuhukom 6:33

Unya nagtigom ang mga Midianhon, Amalekanhon, ug uban pang mga katawhan sa sidlakan. Mitabok sila sa Jordan ug nagkampo sa Walog sa Jezreel.

Mga Maghuhukom 6:40

Pagkagabii, gihimo kadto sa Dios. Mala ang balhibo sa karnero, apan basa sa yamog ang yuta sa palibot niini.

Mga Maghuhukom 8:29

Mipauli si Gideon sa iyang kaugalingong balay ug padayon nga nagpuyo didto.

1 Samuel 12:11

Unya gipadala sa Ginoo si Jerubaal, si Barak, si Jefta, ug ako, ug giluwas namo kamo gikan sa inyong mga kaaway sa palibot. Ug nagkinabuhi kamo nga luwas sa katalagman.

1 Samuel 29:1

Unya gitigom sa mga Filistihanon ang tanan nilang sundalo didto sa Afek, ug ang mga Israelinhon nagkampo dapit sa tuboran sa Jezreel.