Mga Hebreo 8:5 - Ang Pulong sa Dios

⁵ Ang ilang gibuhat nga mga paghalad hulagway lamang sa mga butang nga nahitabo didto sa langit. Nasayran nato kini tungod kay niadtong ipatindog na ni Moises ang Tolda nga Pagsimbahan miingon ang Dios kaniya, “Siguroha nga ipahimo mo kining tanan sumala gayod sa plano nga gipakita ko kanimo dinhi sa bukid.”

Ang Biblia 2011

⁵ Nag-alagad sila sa hulagway ug anino sa langitnong dapit nga balaan kay sa dihang hapit na si Moises magpatindog sa tolda, gitugon siya sa Dios nga nag-ingon, “Tan-awa nga ang tanan himoon nimo sumala sa sumbanan nga gipakita kanimo didto sa bukid.”

Maayong Balita Biblia

⁵ Ang gibuhat nila ingon nga mga pari usa lamang ka kopya o anino niadtong atua sa langit. Sama usab niini ang nahitabo kang Moises. Sa dayon na niyang pagpatindog sa tolda, giingnan siya sa Dios, “Himoa gayod ang tanan sumala sa sumbanan nga gipakita kanimo didto sa bukid.”

Ang Bag-ong Maayong Balita Biblia

⁵ Ang gibuhat nila ingon nga mga pari usa lamang ka kopya o anino niadtong atua sa langit. Sama usab niini ang nahitabo kang Moises. Sa dayon na niyang pagpatindog sa tolda, giingnan siya sa Dios, “Himoa gayod ang tanan sumala sa sumbanan nga gipakita kanimo didto sa bukid.”

Mga Hebreo 8:5 Cross References

1 Cronicas 28:12

Gihatag usab ni David ang tanang plano nga gitudlo kaniya sa Espiritu alang sa pagpatukod sa mga hawanan sa Templo sa Ginoo, sa tanang kuwarto sa palibot niini, sa mga bodega sa Templo sa Dios, apil na ang mga bodega alang sa mga butang nga gihalad.

1 Cronicas 28:19

Miingon si Haring David, “Kini nga mga plano gisulat subay sa paggiya sa Ginoo, ug gipasabot niya kanako ang mga detalye niini.”

Exodo 25:40

Siguroha nga ipahimo mo kining tanan sumala gayod sa plano nga gipakita ko kanimo dinhi sa bukid.

Exodo 25:9

Ipahimo kini nga Tolda nga Pagsimbahan ug ang tanang kagamitan niini basi sa sumbanan nga ipakita ko kanimo.

Exodo 26:30

“Kinahanglan nga ipatukod mo ang Tolda nga Pagsimbahan basi gayod sa plano nga gipakita ko kanimo dinhi sa bukid.

Exodo 27:8

Ang halaran nga ipahimo mo kinahanglan tabla nga haw-ang sa tunga. Ipahimo kini basi sa plano nga gipakita ko kanimo dinhi sa bukid.

Numeros 8:4

Ang butanganan sa suga, gikan sa ubos hangtod sa ibabaw, hinimo sa bulawan sumala sa sumbanan nga gipadayag sa Ginoo kang Moises.

Mateo 2:12

Sa pagpauli nila nangagi sila sa laing dalan kay gipahimangnoan man sila sa Dios pinaagi sa damgo nga dili na sila mobalik kang Herodes.

Mga Buhat 7:44

Miingon pa gayod si Esteban, “Samtang didto pa ang atong mga katigulangan sa kamingawan, anaa kanila ang tolda nga diin anaa ang presensya sa Dios. Kadtong maong tolda gihimo sumala sa sugo sa Dios, sumala sa plano nga iyang gipakita ngadto kang Moises.

Mga Taga-Colosas 2:17

Kini nga mga tulomanon anino lang sa mga gipaabot kaniadto nga mao si Cristo.

Mga Hebreo 10:1

Ang kasugoan anino lang sa mga kaayohan nga umaabot. Ang Kasugoan mismo dili makapamatarong sa mga tawo nga moduol sa Dios pinaagi sa ilang mga ginahalad kada tuig.

Mga Hebreo 11:7

Tungod sa pagtuo, naminaw si Noe sa pahimangno sa Dios kaniya mahitungod sa mga mahitabo bisan wala pa niya kini makita. Busa nagbuhat siya ug arka aron maluwas siya ug ang iyang pamilya. Ug tungod sa pagtuo ni Noe napamatud-an nga makasasala ang tibuok katawhan, apan siya giisip sa Dios nga matarong.

Mga Hebreo 12:25

Busa pagbantay kamo ug ayaw pagpabungol-bungol sa gisulti sa Dios kaninyo. Ang mga tawo kaniadto nga wala nagtuo sa nagsulti kanila dinhi sa yuta wala makalikay sa silot. Busa unsaon man nato paglikay sa silot kon dili kita motuo sa nagsulti nga gikan sa langit?

Mga Hebreo 13:10

Kita nga mga tumutuo adunay halaran, ug ang mga Judio nga gahalad diha sa ilang pagsimbahan dili mahimo nga mokaon diha sa atong halaran.

Mga Hebreo 9:9

Kini nga pagsimbahan hulagway lang sa atong panahon karon. Tungod kay ang tinuod, ang tanang mga halad lakip ang mga mananap nga ilang gihalad sa Dios dili gayod makahinlo sa konsensya sa mga nagsimba sa maong pamaagi.

Josue 22:28

“Kay kon mahitabo man gayod nga sultihan nila ang among mga kaliwat ug sama niana, makaingon sila, ‘Tan-awa! Nagpatindog ang among mga katigulangan ug halaran nga sama sa halaran sa Ginoo, dili aron sunogan o halaran sa mga halad, kondili, aron mopahinumdom kanamo ug kaninyo sa atong relasyon sa Ginoo.’

Gipadayag 15:5

Human niini, nakita ko nga naabli ang templo sa langit, ang Tolda nga Pagsimbahan diin gibutang ang Kasugoan.