Mga Hebreo 8:5 - Ang Bag-ong Maayong Balita Biblia

⁵ Ang gibuhat nila ingon nga mga pari usa lamang ka kopya o anino niadtong atua sa langit. Sama usab niini ang nahitabo kang Moises. Sa dayon na niyang pagpatindog sa tolda, giingnan siya sa Dios, “Himoa gayod ang tanan sumala sa sumbanan nga gipakita kanimo didto sa bukid.”

Ang Biblia 2011

⁵ Nag-alagad sila sa hulagway ug anino sa langitnong dapit nga balaan kay sa dihang hapit na si Moises magpatindog sa tolda, gitugon siya sa Dios nga nag-ingon, “Tan-awa nga ang tanan himoon nimo sumala sa sumbanan nga gipakita kanimo didto sa bukid.”

Ang Pulong sa Dios

⁵ Ang ilang gibuhat nga mga paghalad hulagway lamang sa mga butang nga nahitabo didto sa langit. Nasayran nato kini tungod kay niadtong ipatindog na ni Moises ang Tolda nga Pagsimbahan miingon ang Dios kaniya, “Siguroha nga ipahimo mo kining tanan sumala gayod sa plano nga gipakita ko kanimo dinhi sa bukid.”

Maayong Balita Biblia

⁵ Ang gibuhat nila ingon nga mga pari usa lamang ka kopya o anino niadtong atua sa langit. Sama usab niini ang nahitabo kang Moises. Sa dayon na niyang pagpatindog sa tolda, giingnan siya sa Dios, “Himoa gayod ang tanan sumala sa sumbanan nga gipakita kanimo didto sa bukid.”

Mga Hebreo 8:5 Cross References

1 Cronicas 28:12

Gihatag usab ni David kang Solomon ang iyang plano sa hawanan sa Templo sa Ginoo, sa tanang lawak nga naglibot ug sa mga lawak tipiganan sa tanang sagradong butang

1 Cronicas 28:19

Gisaysay niya pag-ayo kang Solomon ang tanan nga angay buhaton sumala sa sinulat nga plano subay sa kasugoan mismo sa Ginoo.

Exodo 25:40

Himoa gayod kini sumala sa sumbanan nga gipakita ko kanimo didto sa ibabaw sa bukid.

Exodo 25:9

Himoa ninyo kini ug ang tanang kahimanan niini sumala sa sumbanan nga ipakita ko kanimo.

Exodo 26:30

Kinahanglan tukoron mo ang Tolda sumala sa sumbanan nga gihatag ko kanimo didto sa bukid.

Exodo 27:8

Ang kahoy nga halaran himoang haw-ang sa ilalom. Himoa kini sumala gayod sa sumbanan nga gipakita ko kanimo sa bukid.

Numeros 8:4

Ang tungtonganan sinalsal nga bulawan gikan sa sukaranan niini ngadto sa mga bulakbulak sumala sa sumbanan nga gipakita sa Ginoo kang Moises.

Mateo 2:12

Pinaagi sa damgo gipahimatngonan sila sa Dios sa dili pagbalik ngadto kang Herodes busa namauli sila agi sa laing dalan.

Mga Buhat 7:44

“Didto sa kamingawan ang atong mga katigulangan adunay usa ka tolda diin ang katawhan makigtagbo sa Dios. Gibuhat kini ni Moises sumala sa sumbanan nga gipakita kaniya sa Dios.

Mga Taga-Colosas 2:17

Kining tanan mga anino lamang sa mga butang nga umaabot, apan ang katumanan mao si Cristo.

Mga Hebreo 10:1

Ang Balaod sa mga Judio dili hingpit ug dili sibo nga sumbanan sa tinuod nga mga butang. Anino lamang kini sa maayong mga butang nga umaabot. Ang samang mga halad gihalad kanunay matag tuig. Busa unsaon man sa Balaod paghingpit sa mga tawo nga moduol sa Dios pinaagi niining mga halad?

Mga Hebreo 11:7

Tungod sa pagtuo namati si Noe sa mga pasidaan sa Dios mahitungod sa mga butang nga umaabot nga wala niya makita. Nagmasinugtanon siya sa Dios ug nagbuhat siyag arka nga maoy nakaluwas kaniya ug sa iyang pamilya. Niining paagiha gihukman niya nga sad-an ang tibuok kalibotan ug nadawat niya gikan sa Dios ang pagkamatarong pinaagi sa pagtuo.

Mga Hebreo 12:25

Busa pagmatngon kamo ug ayaw pagdumili sa pagpamati kaniya nga nagsulti. Kadtong midumili sa pagpamati niadtong nagsangyaw sa mensahe sa Dios dinhi sa yuta wala gayod makalikay sa silot. Labi pa kitang dili makalikay kon isalikway nato siya nga nagsulti gikan gayod sa langit!

Mga Hebreo 13:10

Aduna kitay halaran apan ang mga pari nga nag-alagad sa tolda sa mga Judio walay katungod sa pagkaon sa halad nga anaa sa atong halaran.

Mga Hebreo 9:9

Naghulagway kini sa panahon karon. Nagkahulogan kini nga ang mga gasa ug ang mga mananap nga gihalad ngadto sa Dios dili makahingpit sa kasingkasing sa magsisimba.

Josue 22:28

Amo kining hunahuna nga kon ugaling mahitabo kini makaingon kami, ‘Tan-awa! Ang among mga katigulangan naghimog halaran sama gayod sa halaran sa Ginoo. Dili kini alang sa pagsunog ug mga halad o sakripisyo kondili usa ka ilhanan alang sa inyo ug sa among pundok.’

Gipadayag 15:5

Human niini, nakita ko nga naabli ang Templo didto sa langit ug ang Templo nga puy-anan sa Dios diha niini.