Lucas 6:39 - Ang Pulong sa Dios

³⁹ Pagkahuman niadto gisultihan sila ni Jesus niini nga panultihon, “Walay buta nga makahimo sa paggiya sa laing buta, tungod kay mangahulog silang duha sa bangag.

Ang Biblia 2011

³⁹ Misugilon usab siya kanila ug usa ka sambingay, “Makahimo ba ang usa ka buta sa pagtultol sa laing buta? Dili ba mahulog silang duha ngadto sa gahong?

Maayong Balita Biblia

³⁹ Ug gisultihan sila ni Jesus niining sambingaya: “Ang buta dili makaagak sa laing buta. Kon buhaton niya kini, mangahulog silang duha sa kanal.

Ang Bag-ong Maayong Balita Biblia

³⁹ Ug gisultihan sila ni Jesus niining sambingaya: “Ang buta dili makaagak sa laing buta. Kon buhaton niya kini, mangahulog silang duha sa kanal.

Lucas 6:39 Cross References

Isaias 56:10

Kay ang ilang mga pangulo nga magbalantay unta niining nasora murag mga buta ug walay kahibalo. Sama sila sa mga iro nga amang; dili sila makapaghot. Buot lang nilang moluko, matulog, ug magdamgo.

Isaias 9:16

Ang mga nangulo sa katawhan sa Israel nagpatibulaag kanila, ug ang katawhan nahisalaag gayod.

Jeremias 6:15

Naulaw ba sila sa ilang daotang mga binuhatan? Wala, kay wala na silay ulaw! Dili man lang gani sila mahilaw. Busa mangamatay sila sama sa uban. Malaglag sila sa panahon nga silotan ko na sila. Ako, ang  Ginoo, ang nag-ingon niini.”

Jeremias 8:12

Naulaw ba sila sa ilang mangil-ad nga mga batasan? Wala! Kay wala na silay ulaw! Dili man lang gani mahilaw ang ilang mga dagway. Busa ipaubos sila sa panahon nga sila silotan. Ako, ang  Ginoo, nag-ingon nga mangalaglag sila sama sa uban.

Mateo 13:3

Daghan ang iyang gitudlo kanila pinaagi sa mga sambingay. Miingon siya: “Adunay usa ka mag-uuma nga nagsabwag ug binhi.

Mateo 15:14

Pasagdi lang ninyo sila. Sama sila sa mga giya nga buta. Ug kon ang buta mogiya sa laing buta, mangahulog silang duha sa bangag.”

Mateo 23:33

“Sama kamo sa mga bitin. Kaliwat kamo sa mga malala nga bitin. Dili gayod kamo makaikyas sa silot didto sa impiyerno.

Roma 2:19

Nagsalig kamo nga makatudlo kamo sa mga buta ug makahatag ug kahayag ngadto sa mga nahisalaag sa kangitngit.

2 Timoteo 3:13

Apan ang mga tawong daotan ug tigpakaaron-ingnon mosamot pa gayod kadaotan. Manlingla sila ug linglahon usab sila.