Lucas 6:38 - Ang Pulong sa Dios

³⁸ Panghatag kamo aron hatagan usab kamo. Kon maghatag kaninyo ang Dios, madagayaon gayod, daw sama nga giuyog niya ang taksanan, gidasok, ug gipaawas pa niya sa dili pa ibubo sa inyong sudlanan. Kay kon unsa kadako ang inyong ihatag sa uban mao usab kana ang ihatag kaninyo.”

Ang Biblia 2011

³⁸ Panghatag kamo ug kamo hatagan. Ang hustong takos, dinasok, tinantan ug nag-awas, ibutang ra unya diha sa inyong sabakan. Kay ang gidaghanon nga inyong ihatag mao usab unya ang gidaghanon nga inyong madawat.”

Maayong Balita Biblia

³⁸ Panghatag kamo sa inyong isigkatawo ug kamo hatagan. Madawat ninyo ang hustong takos ug sobra pa gani nga mag-awas kini! Ang sudlanan nga inyong gamiton alang sa uban mao usab ang gamiton alang kaninyo.”

Ang Bag-ong Maayong Balita Biblia

³⁸ Panghatag kamo sa inyong isigkatawo ug kamo hatagan. Madawat ninyo ang hustong takos ug sobra pa gani nga mag-awas kini! Ang sudlanan nga inyong gamiton alang sa uban mao usab ang gamiton alang kaninyo.”

Lucas 6:38 Cross References

2 Samuel 19:36

Gusto lang akong mouban sa paghatod kanimo tabok sa Jordan, nganong gantihan mo man ako ug sama niana?

Ester 7:10

Busa gituhog nila si Haman sa kahoy nga gipahimo niya alang unta kang Mordecai. Unya nahupay ang kasuko sa hari.

Ester 9:25

Apan sa dihang nabalitaan sa hari ang maong plano pinaagi kang Rayna Ester, nagpasulat siya ug mando nga ang daotang plano ni Haman batok sa mga Judio himuon ngadto kanila, ug bitayon siya apil ang iyang mga anak nga lalaki.

Job 42:11

Unya ang tanan niyang igsoon ug ang tanan niyang higala kanhi nangadto sa iyang balay ug nangaon uban kaniya. Gipadayag nila kang Job ang ilang pagsubo tungod sa tanang kalisod nga gihatag sa Ginoo kaniya. Ug ang matag-usa kanila mihatag ug kuwarta ug singsing nga bulawan.

Salmo 79:12

Ginoo, balosi ug pito ka pilo ang mga nasod sa ilang pagpakaulaw kanimo.

Exodo 21:24

Kon nabuta, butahan usab siya. Kon napangag, pangagan usab siya. Kon nabali ang kamot o tiil, balian usab siya sa iyang kamot o tiil.

Mga Panultihon 10:22

Maadunahan ang tawo tungod sa pagpanalangin sa Ginoo, ug wala naghatag ang  Ginoo ug kalisod sa iyang pagkabahandianon.

Mga Panultihon 19:17

Kon mohatag ka sa mga kabos, sama lang nga nagpahulam ka sa Ginoo, kay ang  Ginoo mobayad kanimo.

Mga Panultihon 22:9

Panalanginan ang mga manggihatagon ug pagkaon ngadto sa mga kabos.

Jeremias 32:18

Gipakita mo ang imong gugma sa libo-libong katawhan, apan gisilotan mo ang mga anak tungod sa sala sa ilang mga ginikanan. Ikaw ang Dios nga labing gamhanan, Ginoo nga Makagagahom ang imong ngalan.

Mateo 10:42

Ug si bisan kinsa nga mohatag bisag usa lang ka basong tubig ngadto sa labing ubos nako nga tinun-an, kana nga tawo makadawat gayod sa iyang ganti.”

Mateo 7:2

Kay hukman kamo sama sa paghukom ninyo sa uban. Ang basihanan nga inyong gamiton sa paghukom sa uban mao usab ang basihanan nga gamiton kaninyo.

Marcos 4:24

Miingon pa gayod siya, “Paminaw kamo pag-ayo kanako. Mohatag ang Dios kaninyo ug pagsabot sumala sa inyong pagpaminaw, ug iya pa gani kining dugangan.

Lucas 6:30

Hatagi si bisan kinsa nga mangayo, ug kon adunay mokuha sa imong mga butang ayaw na kini bawia.

Deuteronomio 15:10

Paghatag kamo kaniya sa kinasing-kasing ug walay pagbagutbot. Kon himuon ninyo kini panalanginan kamo sa Ginoo nga inyong Dios sa tanan ninyong buhaton.

Santiago 2:13

Kay sa paghukom sa Dios, dili gayod siya maluoy sa tawo nga walay kalooy. Apan ang maluloy-on walay angay kahadlokan sa adlaw sa paghukom.

Mga Maghuhukom 1:7

Miingon si Adoni Bezek, “70 ka mga hari ang gipamutlan kog kumagko sa kamot ug tiil ug namunit sa mumho ilalom sa akong lamisa. Karon, gihimo sa Dios kanako ang akong gihimo kanila.” Gidala nila si Adoni Bezek ngadto sa Jerusalem ug didto siya namatay.