Levitico 5:3 - Ang Pulong sa Dios

³ Kon nakahikap siya sa hugaw nga mga butang sa tawo nga tungod niini nakapahimo kaniyang hugaw, bisan kung wala niya mahibaloi, nakasala siya sa higayon nga mahibaloan na niya kini.

Ang Biblia 2011

³ O kon makahikap siya ug hugaw sa tawo, sa bisan unsa nga kahugaw nga makahugaw sa tawo ug siya wala mahibalo niini, kon mahibaloan na niya kini, siya sad-an.

Maayong Balita Biblia

³ “Kon makahikap siya sa bisan unsang butang nga mahugaw nga anaa sa tawo ug wala siya mahibalo, inigkahibalo niya makasala siya.

Ang Bag-ong Maayong Balita Biblia

³ “Kon makahikap siya sa bisan unsang butang nga mahugaw nga anaa sa tawo ug wala siya mahibalo, inigkahibalo niya makasala siya.

Levitico 5:3 Cross References

Ezequiel 44:27

una siya mosulod sa sulod nga hawanan sa Templo ug maghalad sa halad sa paghinlo alang sa iyang kaugalingon. Ako, ang Ginoong Dios, ang nag-ingon niini.

Levitico 13:3

Tan-awon sa pari ang apektado nga bahin sa iyang panit. Kon nagkabahong na kini ug ang mga balhibo niini nagputi na, tinuod nga aduna siyay ngilngig nga sakit sa panit. Ug ipahibalo dayon sa pari nga hugaw siya.

Levitico 5:2

“ ‘Kon adunay makahikap sa bisan unsa nga butang nga giisip nga hugaw (sama sa patayng lawas sa hugaw nga mga mananap, ihalas man o binuhi o bisan unsang giisip nga hugaw nga binuhat nga nagkamang), makasala siya ug makapahugaw kini kaniya, bisan wala niya mahibaloi nga nakahikap siya.

Levitico 5:4

Kon manumpa ang usa ka tawo diha-diha sa walay paghuna-huna kon maayo o daotan ang iyang gipanumpaang buhaton, nakasala siya kon maamgohan na niya ang iyang gihimo.

Levitico 7:21

Kon adunay makahikap sa butang nga giisip nga hugaw sama sa mahugaw nga butang sa tawo, o mahugaw nga mananap, o bisan unsa nga giisip nga hugaw nga butang, ug unya mokaon siya sa karne niini nga halad nga alang sa Ginoo, kanang tawhana dili na ninyo isipon nga usa sa inyong katawhan.

Numeros 19:22

Ang bisan unsa nga mahikapan sa tawong hugaw mahimong hugaw, ug ang si bisan kinsa nga makahikap niini mahimong hugaw usab hangtod sa pagsalop sa adlaw.”