Levitico 5:2 - Ang Pulong sa Dios

² “ ‘Kon adunay makahikap sa bisan unsa nga butang nga giisip nga hugaw (sama sa patayng lawas sa hugaw nga mga mananap, ihalas man o binuhi o bisan unsang giisip nga hugaw nga binuhat nga nagkamang), makasala siya ug makapahugaw kini kaniya, bisan wala niya mahibaloi nga nakahikap siya.

Ang Biblia 2011

² O kon may tawo nga makahikap sa bisan unsang butang nga hugaw, sa patayng lawas sa hugaw nga mananap o sa patayng lawas sa hugaw nga baka o sa patayng lawas sa mga hugaw nga mananap nga nagkamang, ug kini wala niya mahibaloi ug siya nahugawan, siya sad-an.

Maayong Balita Biblia

² “Kon ang usa ka tawo makahikap ug butang nga hugaw sama sa patayng lawas sa mananap nga giisip nga hugaw o bisan unsang mananapa, nakapahugaw kini kaniya ug nakasala siya.

Ang Bag-ong Maayong Balita Biblia

² “Kon ang usa ka tawo makahikap ug butang nga hugaw sama sa patayng lawas sa mananap nga giisip nga hugaw o bisan unsang mananapa, nakapahugaw kini kaniya ug nakasala siya.

Levitico 5:2 Cross References

Salmo 19:12

Usahay dili mahibaloan sa tawo nga nakasala siya. Busa, Ginoo, hinloi ako sa mga sala nga wala ko mahibaloi!

Isaias 52:11

Kamong nagdala sa mga kagamitan sa balay sa Ginoo, biya na kamo sa Babilonia! Gawas na kamo diha! Ayaw kamo paghikap sa mga butang nga giisip nga hugaw. Panggawas na kamo sa Babilonia, ug magpakabalaan.

Levitico 11:11

Hugaw kini alang kaninyo busa ayaw gayod kamo kaon niini ni mohikap sa ilang mga patayng lawas.

Levitico 4:13

“ ‘Kon ang tibuok katilingban sa Israel nakalapas sa sugo sa Ginoo, apan wala nila tuyoa, nakasala gihapon sila bisan pa kon ang kadaghanan kanila wala masayod mahitungod niini.

Levitico 5:17

Kon ang usa ka tawo nakalapas sa sugo sa Ginoo bisan wala niya mahibaloi, nakasala siya ug aduna siyay tulubagon sa Ginoo.

Levitico 5:3

Kon nakahikap siya sa hugaw nga mga butang sa tawo nga tungod niini nakapahimo kaniyang hugaw, bisan kung wala niya mahibaloi, nakasala siya sa higayon nga mahibaloan na niya kini.

Levitico 5:4

Kon manumpa ang usa ka tawo diha-diha sa walay paghuna-huna kon maayo o daotan ang iyang gipanumpaang buhaton, nakasala siya kon maamgohan na niya ang iyang gihimo.

Levitico 7:21

Kon adunay makahikap sa butang nga giisip nga hugaw sama sa mahugaw nga butang sa tawo, o mahugaw nga mananap, o bisan unsa nga giisip nga hugaw nga butang, ug unya mokaon siya sa karne niini nga halad nga alang sa Ginoo, kanang tawhana dili na ninyo isipon nga usa sa inyong katawhan.

Hageo 2:13

Unya si Haggai miingon: “Kon ang usa ka tawo nahugawan sa paghikap sa patay nga lawas nakahikap sa usa niining mga butanga, dili ba kini mahugawan?” “Oo,” ang mga kaparian mitubag, “nahugawan na kini.”

Numeros 19:22

Ang bisan unsa nga mahikapan sa tawong hugaw mahimong hugaw, ug ang si bisan kinsa nga makahikap niini mahimong hugaw usab hangtod sa pagsalop sa adlaw.”

Lucas 11:44

“Alaot kamo! Sama kamo sa lubnganan nga walay timailhan nga tamakan lang sa mga tawo nga wala makahibalo nga lubnganan diay kadto.”

2 Mga Taga-Corinto 6:17

“Busa, angay kamong magpalayo ug mobulag sa mga tawo nga wala motuo kanako. Ayaw kamo paghilabot sa bisan unsang mahugaw, ug dawaton ko kamo.”

Deuteronomio 14:8

Dili usab ninyo kaonon ang baboy, kay bisan tuod pikas ang iyang kuko apan dili niini usapon pagbalik ang iyang kinaon. Dili gayod kamo mokaon niini nga mga mananap o mohikap sa ilang mga patayng lawas.