Levitico 26:5 - Ang Pulong sa Dios

⁵ Ang inyong paggiok sa mga uhay moabot pa hangtod sa tingpamupo sa mga ubas, ug ang inyong pagpamupo sa ubas moabot pa hangtod sa inyong pagpugas. Busa makapatuyang kamo sa inyong pagkaon ug magkinabuhi kamo nga malinawon diha sa inyong dapit.

Ang Biblia 2011

⁵ Ang inyong paggiok molungtad hangtod sa pagpamupo ug ang pagpamupo molungtad hangtod sa tingpugas ug magkaon kamo sa inyong pan ngadto sa pagkabusog ug magpuyo kamo nga layo sa kakuyaw diha sa inyong yuta.

Maayong Balita Biblia

⁵ Ang inyong paggiok molungtad hangtod sa tingpamupo sa paras ug ang tingpamupo molungtad hangtod sa tingpugas ug daghan kaayo ang inyong pagkaon ug magpuyo kamo nga layo sa katalagman.

Ang Bag-ong Maayong Balita Biblia

⁵ Ang inyong paggiok molungtad hangtod sa tingpamupo sa paras ug ang tingpamupo molungtad hangtod sa tingpugas ug daghan kaayo ang inyong pagkaon ug magpuyo kamo nga layo sa katalagman.

Levitico 26:5 Cross References

Salmo 144:13

Hinaut pa nga mapuno ang among mga bodega sa tanang matang sa abot. Hinaut pa nga mosanay ug linibo ang among mga karnero sa kaumahan,

Salmo 90:1

Ginoo, ikaw ang among dalangpanan sukad pa kaniadto.

Exodo 16:8

Miingon pa gayod si Moises, “Hatagan kamo sa Ginoo ug karne nga inyong kan-on sa gabii ug magpagusto kamog kaon ug pan sa buntag, kay nadungog niya ang inyong mga pagbagulbol ngadto kaniya. Dili kami ang inyong gibagulbolan kondili ang Ginoo. Kinsa ba gud kami nga diri man kamo magbagulbol kanamo?”

Mga Panultihon 1:33

Apan ang namati kanako magkinabuhi nga luwas sa katalagman. Walay mahitabo kaniya ug wala siyay angayng kahadlokan.”

Mga Panultihon 18:10

Ang Ginoo sama sa lig-ong tore; nagdangop kaniya ang mga matarong aron walay daotang mahitabo kanila.

Isaias 1:19

Kon motuman kamo, panalanginan ko gayod kamo.

Isaias 30:23

Hatagan kamo sa Ginoo ug ulan sa panahon sa tingtanom, ug modagaya ang inyong ani. Nianang higayona, manabsab ang inyong mga mananap sa halapad nga sabsabanan.

Jeremias 23:6

Ug nianang panahona maluwas ang Juda ug makaangkon ug kalinaw ang Israel. Pagatawgon siya nga ‘Ginoo nga atong kaluwasan.’

Oseas 2:18

Nianang adlawa maghimo ako ug kasabotan uban sa tanang matang sa mga mananap ug dili na nila kamo unsaon. Wagtangon ko sa yuta sa Israel ang pana ug espada aron makatulog kamo nga malinawon ug walay gikahadlokan nga katalagman.

Oseas 2:20

Magmatinud-anon ako kaninyo, ug ilhon ninyo ako nga Ginoo.”

Joel 2:19

Ug isip tubag sa ilang pag-ampo mag-ingon siya kanila, “Hatagan ko kamo ug mga trigo, bag-ong bino, ug lana; ug matagbaw gayod kamo. Dili ko na tugotan nga biay-biayon pa kamo sa ubang mga nasod.

Joel 2:22

Dili usab angayng mahadlok ang mga mananap, kay lunhaw na ang mga sabsabanan ug namunga na ang mga kahoy apil ang igos. Namunga na usab ang mga ubas.

Joel 2:26

Karon modaghan na ang inyong mga kalan-on ug mabusog kamo pag-ayo. Ug tungod niini, dayegon ninyo ako nga inyong Dios, nga naghimo ug katingalahang mga butang kaninyo. Ug kamo nga akong katawhan dili na gayod maulawan hangtod sa kahangtoran.

Amos 9:13

Miingon pa gayod ang  Ginoo mahitungod sa mga Israelinhon, “Moabot ang adlaw nga mahimong abunda ang ilang mga abot. Dili pa gani sila makahuman ug ani, panahon na usab sa pagdaro. Ug dili pa gani nila mahurot ug himo ug bino ang ilang abot nga ubas, panahon na usab sa pagtanom ug ubas. Tungod kay labihan kadaghan sa mga ubas sa mga bukid ug sa mga bungtod, daw sa mag-agas ang bag-ong bino gikan niini.

Mateo 23:37

“Kamo nga mga taga-Jerusalem, ngano man nga gibato ninyo ug gipamatay ang mga propeta sa Dios nga gipadala diha kaninyo? Dugay na akong nagtinguha nga tigomon kamo ug atimanon, sama sa himungaan nga nagtigom sa iyang mga piso ilalom sa iyang mga pako, apan dili ninyo kini gusto!

Mga Buhat 14:17

Apan sa tanang panahon gipaila sa Dios ang iyang kaugalingon ngadto sa mga tawo pinaagi sa iyang mga gihimo nga maayo. Gihatagan niya kamo sa ulan nga gikan sa langit ug mga ani sa panahon sa ting-ani. Abundang pagkaon iyang gihatag kaninyo aron malipay kamo.”

Deuteronomio 11:15

Hatagan niya ug sabsabanan ang inyong mga kahayopan, ug kamo mismo makakaon ug matagbaw.

1 Timoteo 6:17

Bahin sa mga adunahan dinhi sa kalibotan, ingna sila nga dili sila magpasigarbo o magsalig sa ilang bahandi nga daling mahanaw. Kinahanglan nga ibutang nila ang ilang pagsalig ngadto sa Dios nga maoy naghatag kanato sa tanan aron magmalipayon kita.

1 Pedro 1:5

Ug pinaagi sa inyong pagtuo, panalipdan kamo sa gahom sa Dios samtang naghulat kamo sa kaluwasan nga giandam nang daan nga ipadayag sa kataposang adlaw.