Levitico 13:5 - Ang Pulong sa Dios

⁵ Sa ikapito nga adlaw, tan-awon pag-usab sa pari ang iyang panit. Ug kon ang makita mao lang gihapon ug wala kini mikuyanap, ilain siya pag-usab sa pari gikan sa mga tawo sulod sa laing pito pa ka adlaw.

Ang Biblia 2011

⁵ Ug sa ikapito nga adlaw ang pari maghiling kaniya ug kon sa iyang pagtan-aw ang sakit mihunong ug kini wala mokaylap sa panit, ang pari maglain kaniya pag-usab sulod sa pito ka adlaw.

Maayong Balita Biblia

⁵ Sa ikapitong adlaw, ang pari maghiling kaniya pag-usab. Kon sa iyang pagtan-aw ang butoy mao gihapon ug wala kini mokaylap, ang tawo lainon pag-usab sa pari sulod sa laing pito ka adlaw.

Ang Bag-ong Maayong Balita Biblia

⁵ Sa ikapitong adlaw, ang pari maghiling kaniya pag-usab. Kon sa iyang pagtan-aw ang butoy mao gihapon ug wala kini mokaylap, ang tawo lainon pag-usab sa pari sulod sa laing pito ka adlaw.

Levitico 13:5 Cross References

Exodo 29:30

Ang kaliwat ni Aaron nga mopuli kaniya isip pangulong pari mosul-ob niining mga bistiha sulod sa pito ka adlaw inigsulod niya sa Tolda nga Tagboanan sa pag-alagad diha sa Balaang Dapit.

Levitico 13:4

Apan kon ang nagputi-puti sa iyang panit wala nagkabahong ug ang balhibo wala nagputi, ilain siya sa pari gikan sa mga tawo sulod sa pito ka adlaw.

Levitico 13:6

Sa ikapito na usab nga adlaw, tan-awon siya pag-usab sa pari. Ug kon nagpali na kini ug wala mikuyanap, ipahibalo sa pari nga hinlo siya kay butoy-butoy lang kini. Pagkahuman niini, labhan sa tawo ang iyang bisti, ug isipon na siya nga hinlo.

Levitico 14:8

Apan sa dili pa ipahibalo nga hinlo na siya, labhan una sa tawo ang iyang bisti, kagisan ang tanan niyang buhok ug balhibo, ug maligo. Mahimo na siyang mosulod sa kampo apan dili siya mopuyo sa iyang tolda sulod sa pito ka adlaw.