Levitico 13:6 - Ang Pulong sa Dios

⁶ Sa ikapito na usab nga adlaw, tan-awon siya pag-usab sa pari. Ug kon nagpali na kini ug wala mikuyanap, ipahibalo sa pari nga hinlo siya kay butoy-butoy lang kini. Pagkahuman niini, labhan sa tawo ang iyang bisti, ug isipon na siya nga hinlo.

Ang Biblia 2011

⁶ Sa ikapito nga adlaw ang pari maghiling kaniya pag-usab ug kon daw milagom ang sakit ug nga wala mokaylap sa panit, ang pari magpahibalo nga siya hinlo na ug nga kini nuka lamang, unya labhan niya ang iyang mga bisti ug siya mahinlo.

Maayong Balita Biblia

⁶ Sa ikapitong adlaw, ang pari maghiling kaniya pag-usab ug kon ang butoy mikupos na ug wala mokaylap, ipahayag sa pari nga siya hinlo ug kini nuka lamang. Human niini labhan niya ang iyang bisti ug siya hinlo na.

Ang Bag-ong Maayong Balita Biblia

⁶ Sa ikapitong adlaw, ang pari maghiling kaniya pag-usab ug kon ang butoy mikupos na ug wala mokaylap, ipahayag sa pari nga siya hinlo ug kini nuka lamang. Human niini labhan niya ang iyang bisti ug siya hinlo na.

Levitico 13:6 Cross References

1 Mga Hari 8:38

ug kon aduna kanilay mag-ampo o magpakitabang kanimo. Kon moila sila nga tungod sa ilang mga sala miabot kining mga katalagman kanila, ug kon mag-ampo sila nga gabayaw sa ilang mga kamot, nga nag-atubang niini nga Templo,

1 Mga Hari 8:45

pamatia diha sa langit ang ilang mga pag-ampo ug mga hangyo, ug hatagi sila sa kadaogan.

Salmo 19:12

Usahay dili mahibaloan sa tawo nga nakasala siya. Busa, Ginoo, hinloi ako sa mga sala nga wala ko mahibaloi!

Mga Panultihon 20:9

Wala gayoy makaingon nga hinlo na gayod ang iyang kasing-kasing, nga wala na gayod siyay sala.

Ecclesiastes 7:20

Wala gayoy tawong matarong dinhi sa kalibotan nga dili makasala ug kanunayng maayo ang binuhatan.

Isaias 42:3

Dili niya pasagdan ang mga maluya sa pagtuo, kay tabangan niya ang tanan bisan ang gamay lang gayod ug pagtuo. Sa iyang pagkamatinumanon ipatuman gayod niya ang hustisya.

Levitico 11:40

Si bisan kinsa nga mokuha o mokaon sa lawas niini, kinahanglan manglaba sa bisti nga iyang gisul-ob, apan isipon pa gihapon siya nga hugaw hangtod sa pagsalop sa adlaw.

Levitico 13:2

Kon ang panit sa usa ka tawo mohubag o mobutoy o moputi-puti, nga posibleng mahimong ngilngig nga sakit sa panit, dad-on kining tawhana ngadto kang Aaron nga pari o ngadto sa usa sa mga pari nga kaliwat ni Aaron.

Levitico 13:5

Sa ikapito nga adlaw, tan-awon pag-usab sa pari ang iyang panit. Ug kon ang makita mao lang gihapon ug wala kini mikuyanap, ilain siya pag-usab sa pari gikan sa mga tawo sulod sa laing pito pa ka adlaw.

Levitico 13:7

Apan kon mikuyanap ang butoy-butoy sa iyang panit human nga nakapatan-aw na siya sa pari ug gipahibalo na sa pari nga hinlo na siya, kinahanglan nga magpatan-aw siya pag-usab sa pari.

Levitico 14:8

Apan sa dili pa ipahibalo nga hinlo na siya, labhan una sa tawo ang iyang bisti, kagisan ang tanan niyang buhok ug balhibo, ug maligo. Mahimo na siyang mosulod sa kampo apan dili siya mopuyo sa iyang tolda sulod sa pito ka adlaw.

Roma 14:1

Dawata ninyo ang tawo nga maluya ug pagtuo, ug ayaw ninyo sawaya ang iyang mga panghuna-huna.

2 Mga Taga-Corinto 7:1

Mga hinigugma, tungod niini nga mga saad sa Dios kanato, biyaan na nato ang tanang nakapahugaw sa atong tibuok nga kinabuhi, ug tinguhaon nato nga mahimong hinlo ang atong kinabuhi nga adunay pagtahod sa Dios.

Deuteronomio 32:5

“Apan kamo nagpakasala kaniya ug wala na niya kamo ilha nga iyang mga anak, tungod sa inyong kadaotan, mga masinupakon ug limbongan nga henerasyon!

Mga Hebreo 10:22

Busa, sa kinasing-kasing gayod ug sa walay pagduha-duha moduol kita sa Dios. Kay nasayran nato nga gihinloan na ang atong mga kasing-kasing gikan sa atong sad-an nga konsensya pinaagi sa dugo ni Jesus, ug ang atong lawas nahugasan na sa hinlo nga tubig.

Mga Hebreo 9:10

Ang ilang gipangbuhat pulos mahitungod sa mga pagkaon ug ilimnon, ug mahitungod sa paghinlo sa lawas. Kini nga mga regulasyon panggawas lang ug hangtod lang sa panahon nga bag-ohon sa Dios ang tanan.

Santiago 3:2

Tinuod nga kitang tanan makadaghan masayop. Apan ang tawo nga dili masayop sa iyang pagpanulti, hingpit siya ug makapugong sa iyang kaugalingon.