Levitico 10:7 - Ang Pulong sa Dios

⁷ Ayaw una kamo paghawa sa pultahan sa Tolda. Kon himuon ninyo kini mamatay kamo, kay gipili kamo sa Ginoo nga mahimong mga pari pinaagi sa pagdihog kaninyo sa lana.” Ug gituman nila ang giingon ni Moises.

Ang Biblia 2011

⁷ Ayaw kamo panggula gikan sa pultahan sa tolda nga tagboanan, aron kamo dili mangamatay kay ang lana nga igdidihog sa Ginoo gidihog man kaninyo.” Ug sila nagbuhat sumala sa pulong ni Moises.

Maayong Balita Biblia

⁷ Ayaw usab kamo panggula sa Tolda nga Tagboanan aron dili kamo mangamatay kay gidihogan kamo sa lana sa Ginoo.” Ug gituman nila ang gisugo ni Moises.

Ang Bag-ong Maayong Balita Biblia

⁷ Ayaw usab kamo panggula sa Tolda nga Tagboanan aron dili kamo mangamatay kay gidihogan kamo sa lana sa Ginoo.” Ug gituman nila ang gisugo ni Moises.

Levitico 10:7 Cross References

Exodo 28:41

“Ipasul-ob kini nga mga bisti sa imong igsoong si Aaron ug sa iyang mga anak nga lalaki, ug unya dihogi sila ug lana ug ordinahi. Idedikar sila kanako aron makaalagad sila kanako ingon nga mga pari.

Exodo 29:7

Unya kuhaa ang lana ug ibubo sa ulo ni Aaron sa pagdihog kaniya.

Exodo 30:30

“Dihogi usab ug lana si Aaron ug ang iyang mga anak nga lalaki isip pagdedikar kanila, aron makaalagad sila kanako isip mga pari.

Levitico 10:8

Miingon ang Ginoo kang Aaron,

Levitico 21:12

Ug tungod kay gihalad siya kanako isip pangulong pari pinaagi sa pagdihog kaniya ug lana, dili siya angay nga mobiya sa balaang puloy-anan aron motambong sa lubong, kay kon himuon niya kini mahugawan ang Tolda. Ako mao ang Ginoo.

Levitico 8:12

Unya gibuboan niya ug lana nga pangdihog ang ulo ni Aaron sa pagdedikar kaniya ngadto sa Ginoo.

Levitico 8:30

Unya mikuha si Moises ug lana nga pangdihog ug dugo nga anaa sa halaran ug giwisikan niya si Aaron ug mga anak nga lalaki niini ug ang ilang mga bisti. Niining paagiha gidedikar niya sila ug ang ilang mga bisti alang sa Ginoo.

Lucas 9:60

Mitubag si Jesus kaniya, “Pasagdi ang mga patay sa paglubong sa ilang mga minatay. Apan ikaw, lakaw ug iwali ang mahitungod sa paghari sa Dios.”

Mga Buhat 10:38

Gihatagan sa Dios si Jesus nga taga-Nazaret sa Espiritu Santo ug gahom. Ug tungod kay ang Dios kauban niya, miadto siya sa nagkalain-lain nga dapit ug naghimo sa mga maayong butang. Giayo niya ang tanang mga gipaantos sa yawa.

2 Mga Taga-Corinto 1:21

Ang Dios mao ang nagpalig-on kanato sa atong pagpakig-uban kang Cristo. Gipili niya kita nga mag-alagad kaniya.