Levitico 10:6 - Ang Pulong sa Dios

⁶ Unya miingon si Moises kang Aaron ug sa iyang mga anak nga si Eleazar ug si Itamar, “Ayaw ninyo kalkaga ang inyong buhok o gisia ang inyong mga bisti sa pagpaila nga nagsubo kamo. Kon himuon ninyo kini, mamatay kamo ug masuko ang Ginoo sa tibuok katilingban sa Israel. Ang tanan nga katawhan sa Israel nga inyong paryente mao ang magsubo alang kanilang duha nga gisunog sa Ginoo.

Ang Biblia 2011

⁶ Ug si Moises miingon kang Aaron ug kang Eleasar ug kang Itamar nga iyang mga anak, “Ayaw ninyo ipadunghay ang mga buhok sa inyong mga ulo, ayaw usab ninyo gisia ang inyong mga bisti kay tingali unya ug kamo mangamatay, ug aron dili usab moabot ang kaligutgot ngadto sa tibuok nga katilingban. Apan ang inyong mga igsoon, ang tibuok nga katawhan sa Israel, magsubo tungod sa pagsunog nga gibuhat sa Ginoo.

Maayong Balita Biblia

⁶ Ug si Moises miingon kang Aaron ug sa iyang mga anak nga si Eleazar ug si Itamar, “Sudlaya ang inyong buhok ug ayaw gisia ang inyong bisti agig pagbangotan aron dili kamo mangamatay ug maangin sa kaligutgot sa Ginoo ang tibuok katawhan. Apan ang inyong mga kadugo, ang tibuok banay sa Israel, makahimo sa pagbangotan tungod niadtong gisunog sa Ginoo.

Ang Bag-ong Maayong Balita Biblia

⁶ Ug si Moises miingon kang Aaron ug sa iyang mga anak nga si Eleazar ug si Itamar, “Sudlaya ang inyong buhok ug ayaw gisia ang inyong bisti agig pagbangotan aron dili kamo mangamatay ug maangin sa kaligutgot sa Ginoo ang tibuok katawhan. Apan ang inyong mga kadugo, ang tibuok banay sa Israel, makahimo sa pagbangotan tungod niadtong gisunog sa Ginoo.

Levitico 10:6 Cross References

2 Samuel 24:1

Nasuko na usab ang Ginoo sa mga Israelinhon, ug gisugyatan niya si David sa pagsilot kanila pinaagi sa pagbutang sa huna-huna niini sa plano sa pag-ihap sa katawhan sa Israel ug sa Juda.

Exodo 33:5

Kay gisugo sa Ginoo si Moises nga isulti kini ngadto sa mga Israelinhon, “Mga gahi kamog ulo. Kon ubanan ko kamo bisan sa makadiyot lamang, basin mapatay ko pa kamo. Karon, tangtanga ninyo ang inyong mga alahas hangtod makadesisyon ako kon unsa ang akong himuon kaninyo.”

Exodo 6:23

Gipangasawa ni Aaron si Elisheba, nga anak ni Aminadab ug igsoon ni Nashon. Ang ilang mga anak mao sila si Nadab, Abihu, Eleazar, ug Itamar.

Jeremias 7:29

“O mga taga-Jerusalem, pagpakiskis kamo sa inyong ulo ug ilabay ang inyong buhok sa pagpakita sa inyong pagsubo. Pagbangotan kamo didto sa taas nga mga dapit, kay gisalikway ug gipasagdan na sa Ginoo ang inyong henerasyon nga nagpalagot kaniya.”

Levitico 13:45

Ang tawo nga adunay ngilngig nga sangla kinahanglan nga magsul-ob ug gisi nga bisti, kalkagon niya ang iyang buhok, ug tabonan niya ang ubos nga bahin sa iyang nawong. Unya mosinggit siya, “Hugaw ako! Hugaw ako!”

Miqueas 1:16

Ang inyong hinigugma nga mga kabataan kuhaon gikan kaninyo ug dad-on sa laing dapit, busa pagsubo kamo alang kanila ug ipakita ninyo kini pinaagi sa pagkiskis sa inyong ulo.

Numeros 1:53

Apan ang mga kaliwat ni Levi kinahanglan magkampo libot sa Tolda diin nahimutang ang Kasugoan, aron dili ako masuko sa tibuok katilingban sa Israel. Ang mga kaliwat ni Levi mao ang responsable sa pag-atiman sa Tolda.”

Numeros 14:6

Ug gigisi ni Josue nga anak ni Nun ug ni Caleb nga anak ni Jefune ang ilang mga bisti tungod sa kasubo. Kini silang duha miuban sa pagpangispiya sa yuta.

Numeros 16:22

Apan mihapa si Moises ug si Aaron ug miingon, “O Dios nga tinubdan sa kinabuhi sa tanang katawhan, masuko ka ba diay sa tibuok katilingban nga usa man lang ka tawo ang nakasala?”

Numeros 18:5

“Ikaw ang responsable sa pag-atiman sa Balaang Dapit ug sa halaran, aron dili ako masuko pag-usab sa mga Israelinhon.

Numeros 20:25

Karon Moises, dad-a si Aaron ug ang iyang anak nga si Eleazar sa Bukid sa Hor.

Numeros 5:18

Pabarogon sa pari ang babaye sa akong presensya ug kalkagon niya ang buhok sa babaye ug ibutang sa kamot niini ang halad sa pagpasidungog sa pagsusi kon tinuod ba ang pagduda sa iyang bana. Unya kuptan sa pari ang banga nga adunay pait nga tubig nga nagdala ug mga tunglo.

Deuteronomio 33:9

Nagpakita sila ug mas dako nga pag-unong kanimo kaysa ilang mga ginikanan, mga igsoon, ug mga kabataan. Gituman nila ang imong pulong, ug gitipigan nila ang imong kasabotan.

Josue 22:18

Karon, nakaako pa kamo sa pagtalikod sa Ginoo! Kon mosupak pa kamo kaniya karong adlawa, ugma masuko gayod siya sa tibuok katilingban sa Israel.

Josue 22:20

Nalimtan na ba ninyo ang gibuhat ni Acan nga anak ni Zera? Sa dihang gilapas niya ang sugo bahin sa mga butang nga gihalad na sa hingpit ngadto sa Ginoo, gisilotan uban kaniya ang tibuok katilingban sa Israel. Dili lang siya ang namatay tungod sa iyang sala.”

Josue 7:1

Apan gilapas gayod sa mga Israelinhon ang sugo sa Ginoo nga dili manguha sa bisan unsa nga gihalad na sa hingpit sa Ginoo. Nanguha si Acan sa mga butang nga dili angay kuhaon, busa nasuko pag-ayo ang Ginoo kanila. Kini si Acan anak ni Carmi. Si Carmi anak ni Zabdi. Si Zabdi anak ni Zera. Kini sila sakop sa tribo ni Juda.

Josue 7:11

Nakasala ang Israel! Gilapas nila ang akong kasabotan. Nanguha sila sa mga butang nga gihalad na sa hingpit kanako. Gikawat nila kini, namakak sila bahin niini, ug giipon nila kini sa ilang mga kabtangan.