Levitico 10:12 - Ang Pulong sa Dios

¹² Miingon si Moises kang Aaron ug sa iyang duha ka anak nga nahibilin nga sila si Eleazar ug Itamar, “Kuhaa ninyo ang halad sa pagpasidungog sa Ginoo gikan sa nahibiling mga halad pinaagi sa kalayo. Lutoa ninyo kini nga walay patubo ug kaona ninyo diha sa tapad sa halaran, kay balaan kaayo kini nga halad.

Ang Biblia 2011

¹² Ug si Moises miingon kang Aaron ug kang Eleasar ug kang Itamar nga mga anak niya nga nahibilin, “Pagkuha kamo ug halad nga pagkaon nga nahibilin sa mga halad sa Ginoo pinaagi sa kalayo ug kaona ninyo kini nga walay patubo duol sa halaran kay kini butang nga labing balaan.

Maayong Balita Biblia

¹² Ug si Moises miingon kang Aaron ug kang Eleazar ug kang Itamar nga mao na lamang ang buhi sa mga anak nga lalaki ni Aaron, “Kuhaa ang halad nga pagkaon nga nasalin sa mga halad nga gisunog alang sa Ginoo. Kan-a ninyo kini nga walay patubo tupad sa halaran kay kining halara balaan kaayo.

Ang Bag-ong Maayong Balita Biblia

¹² Ug si Moises miingon kang Aaron ug kang Eleazar ug kang Itamar nga mao na lamang ang buhi sa mga anak nga lalaki ni Aaron, “Kuhaa ang halad nga pagkaon nga nasalin sa mga halad nga gisunog alang sa Ginoo. Kan-a ninyo kini nga walay patubo tupad sa halaran kay kining halara balaan kaayo.

Levitico 10:12 Cross References

2 Cronicas 31:14

Si Kore nga anak ni Imna nga Levita, nga tigbalantay sa sidlakan nga pultahan sa Templo, mao ang gitugyanan sa kinabubut-on nga mga halad ngadto sa Dios, ug sa mga butang nga gigahin ngadto sa Ginoo, ug sa pag-apod-apod niini.

Exodo 29:2

Pagkuha usab ug maayong klasi sa harina ug pagluto ug pan nga walay patubo. Ang imong lutuon, pan nga walay sagol ug mantika, pan nga baga nga sinagolan ug mantika, ug pan nga nipis nga pinahiran ug mantika.

Exodo 29:33

Sila lang ang mahimong mokaon niini nga karne ug pan nga gihalad aron mahinloan sila gikan sa ilang sala sa dihang giordinahan sila. Walay laing makakaon niini uban kanila kay kini nga mga pagkaon sagrado.

Exodo 6:23

Gipangasawa ni Aaron si Elisheba, nga anak ni Aminadab ug igsoon ni Nashon. Ang ilang mga anak mao sila si Nadab, Abihu, Eleazar, ug Itamar.

Ezequiel 44:29

Ang ilang kalan-on maggikan sa mga halad sa pagpasidungog kanako, mga halad sa paghinlo, ug mga halad isip bayad sa sala. Ug ang mga butang nga gitugyan na sa hingpit alang kanako mapanag-iyahan nila.

Levitico 10:13

Kaona ninyo kini diha lang sa balaang dapit, kay mao kini ang inyong bahin gikan sa mga halad pinaagi sa kalayo. Mao kini ang gisugo sa Ginoo kanako.

Levitico 24:9

Kini nga mga pan alang sa mga pari nga kaliwat ni Aaron. Kan-on nila kini didto sa balaang dapit sa Tolda, tungod kay balaan kaayo kini nga bahin sa mga halad alang sa Ginoo, ug alang gayod kini kanila hangtod sa kahangtoran.”

Levitico 7:9

Sama usab sa tanang halad sa pagpasidungog sa Ginoo, nga giluto sa pugon o giluto sa kaldero o sa kalaha, iya na usab kini sa pari nga naghalad niini.

Numeros 3:2

Ang mga anak ni Aaron mao sila si Nadab (ang kamagulangan), Abihu, Eleazar, ug Itamar. Gidihogan ug giordinahan sila nga mag-alagad ingon nga mga pari.