Levitico 10:11 - Ang Pulong sa Dios

¹¹ Ug kinahanglan nga tudloan ninyo ang mga Israelinhon sa tanan nga patakaran nga gihatag ko kaninyo pinaagi kang Moises.”

Ang Biblia 2011

¹¹ Ug tudloan ninyo ang katawhan sa Israel sa tanang mga lagda nga gisulti kanila sa Ginoo pinaagi kang Moises.”

Maayong Balita Biblia

¹¹ Ug tudloi ninyo ang mga Israelita sa tanang balaod nga gihatag ko kanila pinaagi kang Moises.”

Ang Bag-ong Maayong Balita Biblia

¹¹ Ug tudloi ninyo ang mga Israelita sa tanang balaod nga gihatag ko kanila pinaagi kang Moises.”

Levitico 10:11 Cross References

2 Cronicas 15:3

Sa taas nga panahon nagkinabuhi ang mga Israelinhon nga walay tinuod nga Dios, walay mga pari nga nagtudlo kanila, ug walay balaod.

2 Cronicas 17:9

Gidala nila ang Libro sa Kasugoan sa Ginoo ug milibot sila sa tanang mga lungsod sa Juda ug nanudlo sa mga tawo.

2 Cronicas 30:22

Gidasig ni Haring Ezequias ang tanang Levita sa gipakita nilang kahanas sa ilang trabaho sa pag-alagad sa Ginoo. Busa nagpadayon ang ilang pagsaulog sulod sa pito ka adlaw. Gikaon nila ang ilang bahin sa mga halad, ug naghalad silag mga halad alang sa maayong relasyon, ug nagdayeg sa Ginoo, nga Dios sa ilang mga katigulangan.

Nehemias 8:2

Busa niadtong adlawa, ang unang adlaw sa ikapitong bulan, gidala ni Ezra nga pari ang Kasugoan sa atubangan sa mga tawo, mga lalaki, mga babaye, ug mga kabataan nga makasabot na. Gibasa niya kinig kusog ngadto kanila gikan sa sayong kabuntagon hangtod sa pagkaudto, didto sa plasa atubangan sa ganghaan nga gitawag ug Tubig. Ang tanang mga tawo namati gayod ug maayo sa nasulat sa Libro sa Kasugoan.

Nehemias 8:8

Gibasa nila ang Libro sa Kasugoan sa Dios ug gipasabot ang kahulogan niini, aron masabtan sa mga tawo.

Jeremias 18:18

Unya miingon ang mga tawo, “Dali, mangita kitag paagi nga mapaundang nato si Jeremias! Aduna bitaw kitay mga pari nga motudlo kanato sa kasugoan, mga maalamon nga tawo nga motambag kanato, ug mga propeta nga mosaysay kanato sa mensahe sa Dios. Busa mag-imbento kitag istorya batok kaniya ug dili na kita maminaw sa iyang gipanulti.”

Jeremias 2:8

Bisan ang mga pari wala mangita kanako. Ang mga magtutudlo sa balaod wala makaila kanako. Ang mga pangulo nagrebelde kanako. Ang mga propeta nagsulti ug mga mensahe sa ngalan ni Baal, ug nagsunod sa mga dios-dios nga walay pulos.

Malaquias 2:7

“Sa pagkatinuod, katungdanan ninyong mga pari ang pagtudlo sa mga tawo mahitungod kanako. Ug angay silang magpatudlo kaninyo kay kamo ang akong mga mensahero.

Mateo 28:20

Tudloi ninyo sila sa pagtuman sa tanan nga akong gisugo kaninyo. Hinumdomi ninyo nga kauban ninyo ako kanunay hangtod sa kataposan sa kalibotan.”

Mga Buhat 20:27

Kay wala gayod akoy gitago kaninyo mahitungod sa tibuok nga katuyoan ug plano sa Dios.

Deuteronomio 17:10

Kinahanglang dawaton ninyo ang ilang ihatag nga desisyon didto sa dapit nga pilion sa Ginoo. Tumanon gayod ninyo ang tanan nilang isulti kaninyo.

Deuteronomio 17:11

Kon unsa man ang ilang nadesisyonan sumala sa kasugoan, kinahanglan nga sundon ninyo kini. Ayaw ninyo supaka ang ilang gisulti kaninyo.

Deuteronomio 24:8

“Kon bahin sa ngilngig nga sakit sa panit, sunda ninyo pag-ayo ang mga tulomanon nga ipahimo kaninyo sa mga pari nga kaliwat ni Levi. Tumana ninyo ang akong mga sugo kanila.

Deuteronomio 33:10

Tudloan nila ang mga Israelinhon sa imong mga pamalaod ug mga sugo, ug maghalad sila ug insenso ug mga halad nga sinunog diha sa imong halaran.

1 Mga Taga-Tesalonica 4:2

Kay nasayran na man ninyo ang among pahimangno kaninyo nga naggikan kang Ginoong Jesus.