Juan 5:7 - Ang Pulong sa Dios

⁷ Mitubag ang masakiton, “Unta, sir, apan walay tawo nga modala kanako didto sa tubig kon tandogon na sa anghel. Samtang nagpadulong pa lang ako sa tubig maunhan na ako kanunay sa uban.”

Ang Biblia 2011

⁷ Ang masakiton mitubag kaniya, “Ginoo, walay tawo nga makatuslob kanako ngadto sa linaw inigkakutaw na sa tubig, ug sa diha nga moduol ako aduna nay lain nga makauna kanako sa paglusad.”

Maayong Balita Biblia

⁷ Ang masakiton mitubag, “Sir, walay makasakwat kanako ngadto sa linaw kon ang tubig makutaw na. Ug samtang manlimbasog ako sa pag-adto sa linaw, aduna nay lain nga makauna kanako didto.”

Ang Bag-ong Maayong Balita Biblia

⁷ Ang masakiton mitubag, “Sir, walay makasakwat kanako ngadto sa linaw kon ang tubig makutaw na. Ug samtang manlimbasog ako sa pag-adto sa linaw, aduna nay lain nga makauna kanako didto.”

Juan 5:7 Cross References

Salmo 142:4

Tan-awa ang akong palibot, wala gayoy nagtabang kanako. Walay gapanalipod ug nabalaka kanako.

Salmo 72:12

Kay gitabangan niya ang mga pinasagdang mga kabos ug timawa nga nangayo ug tabang kaniya.

Juan 5:2

Didto sa Jerusalem sa gitawag nga Agianan sa mga Karnero. Duol niini adunay linaw nga kaligoanan nga sa Hebreo nga pinulongan gitawag ug Betesda. Sa palibot niini adunay lima ka silonganan

Juan 5:3

diin nanghigda ang daghang mga masakiton: mga buta, mga bakol, ug mga paralitiko. [

Juan 5:4

Naghulat sila nga molihok ang tubig. Kay adunay mga higayon nga adunay anghel sa Dios nga mokanaog didto aron tandogon ang tubig. Ang makauna ug tuslob sa tubig human kini matandog sa anghel mamaayo bisan unsa pa ang iyang sakit.]

Juan 5:6

Nakita siya ni Jesus nga naghigda didto, ug nahibalo si Jesus nga ang iyang sakit ingon na niadto kadugay. Busa miingon si Jesus kaniya, “Gusto mo ba nga mamaayo?”

Roma 5:6

Huna-hunaa ra gud ninyo ang paghigugma sa Dios kanato. Sa dihang wala kitay mahimo aron makalikay sa silot, gihatag ni Cristo ang iyang kinabuhi alang kanatong mga makasasala sa panahon nga gitakda sa Dios.

1 Mga Taga-Corinto 9:24

Sa lumba, dili ba daghan man ang moapil apan usa lang kanila ang makadawat ug ganti? Busa ayoha ninyo ang inyong pagdagan aron makadawat kamo ug ganti.

Deuteronomio 32:36

Hukman sa Ginoo ang iyang katawhan; kaloy-an niya sila nga iyang mga alagad kon makita niya nga wala na silay kusog ug diyutay na lang ang nabilin kanila, ulipon man o dili ulipon.