Juan 19:7 - Ang Pulong sa Dios

⁷ Mitubag ang mga kadagkoan sa mga Judio, “Aduna kami kasugoan, ug sumala sa among kasugoan, kini nga tawo angayan nga patyon, kay nag-ingon siya nga Anak kuno siya sa Dios.”

Ang Biblia 2011

⁷ Ang mga Judio mitubag kaniya, “Kami adunay balaod, ug sumala sa maong balaod kinahanglan siyang patyon kay siya naghimo sa iyang kaugalingon nga Anak sa Dios.”

Maayong Balita Biblia

⁷ Ang mga Judio mitubag, “Aduna kami balaod nga nagsugo nga angay siyang patyon, kay siya nagpaka-Anak sa Dios.”

Ang Bag-ong Maayong Balita Biblia

⁷ Ang mga Judio mitubag, “Aduna kami balaod nga nagsugo nga angay siyang patyon, kay siya nagpaka-Anak sa Dios.”

Juan 19:7 Cross References

Isaias 53:4

Sa pagkatinuod, giantos niya ang mga kasakit ug mga pag-antos nga alang unta kanato. Apan abi natog gisilotan siya sa Dios tungod sa iyang mga sala.

Marcos 15:39

Ang kapitan sa mga sundalo nga nagtindog sa atubangan sa krus nakakita sa pagkabugto sa gininhawa ni Jesus. Miingon siya, “Tinuod gayod nga kining tawhana mao ang Anak sa Dios!”

Juan 19:8

Pagkadungog niadto ni Pilato, misamot ang iyang kahadlok.

Juan 5:18

Tungod niining gisulti ni Jesus misamot ang tinguha sa kadagkoan sa mga Judio nga patyon siya, tungod kay dili lang nga gilapas niya ang kasugoan mahitungod sa Adlaw nga Igpapahulay, kondili miingon pa siya nga ang Dios mao gayod ang iyang Amahan, nga nagkahulogan nga gipakasama niya ang iyang kaugalingon sa Dios.

Mga Buhat 18:13

Miingon sila, “Kining mga tawhana nangdani sa mga tawo nga mosimba sa Dios sa pamaagi nga supak sa atong kasugoan.”

Deuteronomio 18:20

Ug kinahanglan nga patyon ang propeta nga magsulti ug mensahe ginamit ang akong ngalan nga wala ko sugoa o magsulti ginamit ang ngalan sa ubang mga dios.’