Juan 19:18 - Ang Pulong sa Dios

¹⁸ Didto ila siyang gilansang sa krus. Adunay duha usab ka tawo nga ilang gilansang dungan kang Jesus, ang usa diha sa iyang wala ug ang usa diha sa iyang tuo.

Ang Biblia 2011

¹⁸ Ug didto gilansang nila siya sa krus ug uban kaniya duha pa ka tawo, ang matag usa sa isigkakilid ug si Jesus sa taliwala nila.

Maayong Balita Biblia

¹⁸ Ug didto gilansang nila siya sa krus. May duha usab ka tawo nga gilansang nila sa krus diha sa isigkakilid ni Jesus.

Ang Bag-ong Maayong Balita Biblia

¹⁸ Ug didto gilansang nila siya sa krus. May duha usab ka tawo nga gilansang nila sa krus diha sa isigkakilid ni Jesus.

Juan 19:18 Cross References

Salmo 22:16

Gilibotan ako sa daotang mga tawo nga daw sa mga iro nga mialirong kanako. Gihambat nila ang akong mga kamot ug mga tiil.

Isaias 53:12

Busa ihatag ko kaniya ang pasidungog nga alang sa tawong bantogan ug gamhanan, kay gihatag niya ang iyang kinabuhi. Giisip siya nga usa sa mga makasasala. Nag-antos siya alang sa daghang mga makasasala ug nag-ampo siya nga pasayloon sila.”

Mateo 27:44

Ug sama usab niana ang pagbiay-biay kaniya sa mga tulisan nga gilansang uban kaniya.

Juan 18:32

(Nahitabo kini aron matuman ang giingon ni Jesus kon unsa ang matang sa kamatayon nga iyang agian.)

Juan 19:32

Busa miadto didto ang mga sundalo ug gipamali nila ang mga batiis sa duha ka tawo nga gilansang uban ni Jesus.

Mga Buhat 2:23

Nahibalo nang daan ang Dios ug nakahukom siya nga si Jesus itugyan diha kaninyo. Gipapatay ninyo siya sa mga makasasala nga tawo nga maoy naglansang kaniya sa krus.

Mga Taga-Galacia 3:13

Gitunglo kita sa Dios tungod kay dili nato matuman ang tanan nga giingon sa Kasugoan. Apan gitubos kita ni Cristo gikan niining tunglo. Siya mao ang nahimong tinunglo sa Dios alang kanato. Kay nag-ingon ang Kasulatan, “Tinunglo si bisan kinsa nga bitayon sa kahoy.”

Mga Hebreo 12:2

Isentro nato ang atong huna-huna kang Jesus nga mao ang gisandigan sa atong pagtuo sukad pa sa sinugdan hangtod sa kataposan. Giantos niya ang paglansang kaniya sa krus ug wala niya igsapayan ang kaulaw, tungod kay gihuna-huna niya ang kalipay nga madawat niya unya. Ug karon atua na siya naglingkod sa tuo nga dapit sa trono sa Dios.