Josue 4:9 - Ang Pulong sa Dios

⁹ Mipahimutang usab si Josue ug 12 ka bato taliwala sa Jordan, didto gayod mismo sa dapit nga gitindogan sa mga pari nga nagdayong sa Sudlanan sa Kasabotan. Ug hangtod karon anaa pa kining mga batoha.

Ang Biblia 2011

⁹ Unya gipahimutang ni Josue ang napulo ug duha ka bato sa tungatunga sa Jordan, sa dapit nga gitindogan sa mga pari nga nagyayong sa sudlanan sa kasabotan ug kini atua didto hangtod niining adlawa.

Maayong Balita Biblia

⁹ Nagbutang usab si Josue ug 12 ka bato taliwala sa Jordan, sa dapit nga gitindogan sa mga pari nga nagdala sa Sudlanan sa Kasabotan. Atua gihapon didto kining mga batoha.

Ang Bag-ong Maayong Balita Biblia

⁹ Nagbutang usab si Josue ug 12 ka bato taliwala sa Jordan, sa dapit nga gitindogan sa mga pari nga nagdala sa Sudlanan sa Kasabotan. Atua gihapon didto kining mga batoha.

Josue 4:9 Cross References

Genesis 26:33

Ginganlan ni Isaac kadto nga atabay ug Sheba. Busa hangtod karon kadto nga dapit gitawag nga Beersheba.

Genesis 28:18

Pagkabuntag, sayo kaayong mibangon si Jacob. Gikuha niya ang bato nga iyang giunlanan ug gipatindog ingon nga usa ka handomanan. Unya gibuboan niya kini ug lana aron idedikar ngadto sa Dios.

2 Samuel 4:3

tungod kay ang mga naunang mga lumulupyo niini nangikyas didto sa Gitaim, ug hangtod karon nagpuyo sila didto ingon nga mga dumuduong.

1 Mga Hari 18:31

Nagkuha siya ug 12 ka bato nga nagrepresentar sa 12 ka tribo sa mga anak ni Jacob, ang tawo nga ginganlan sa Ginoo ug Israel.

2 Cronicas 5:9

Kini nga mga tukon labihan katag-as, nga ang mga tumoy niini nga lapaw sa Sudlanan makita gikan sa atubangan sa kinasuloran nga bahin sa Templo, apan dili kini makita sa gawas sa Balaang Dapit. Ug anaa pa kini hangtod karon.

Exodo 24:12

Unya miingon ang Ginoo kang Moises, “Tungas dinhi kanako ibabaw sa bukid ug paghulat, kay ihatag ko kanimo ang lagpad nga mga bato nga akong gisulatan sa akong mga sugo ug mga balaod alang sa mga tawo.”

Exodo 28:21

Ang kada bato kinahanglan adunay ngalan sa mga anak ni Jacob sa pagrepresentar sa 12 ka tribo sa Israel. Ang pagkakulit sa mga ngalan kinahanglan sama sa pagkulit ug silyo.

Mateo 27:8

Mao kana nga hangtod karon ang mao nga yuta gitawag nga Yuta sa Dugo.

Mateo 28:15

Busa gidawat nila ang kuwarta ug gituman nila ang giingon kanila. Busa hangtod karon mao kini ang sugilanon nga gipakaylap sa mga Judio.

Deuteronomio 34:6

Gilubong siya sa Moab, sa walog atbang sa Bet Peor, apan karon wala nay nakahibalo kon asa gayod siya gilubong.

Josue 24:26

Gisulat kini ni Josue sa Libro sa Kasugoan sa Dios. Unya nagkuha siya ug dakong bato ug gipahimutang kini ilalom sa punoan sa kahoyng terebinto duol sa balaang dapit sa Ginoo.

Josue 4:10

Padayon nga nagtindog taliwala sa Jordan ang mga pari nga nagdayong sa Kasabotan sa Ginoo hangtod nga natuman ang tanang gisugo sa Ginoo kang Josue, nga katumanan usab sa gisugo ni Moises kang Josue.

Mga Maghuhukom 1:26

Miadto kadtong tawhana sa yuta sa mga Hitihanon ug didto nagtukod siya ug usa ka lungsod nga gitawag niyag Luz. Mao pa gihapon ang ngalan niini hangtod karon.

1 Samuel 30:25

Sukad niadto, gihimo na kini ni David nga tulomanon ug lagda alang sa mga Israelinhon ug ginatuman pa kini hangtod karong panahona.

1 Samuel 7:12

Unya mikuha si Samuel ug bato ug gibutang sa tunga-tunga sa Mizpa ug Shen. Ginganlan niya kinig Ebenezer kay miingon siya, “Hangtod karon ginatabangan kami sa Ginoo.”