Josue 4:10 - Ang Pulong sa Dios

¹⁰ Padayon nga nagtindog taliwala sa Jordan ang mga pari nga nagdayong sa Kasabotan sa Ginoo hangtod nga natuman ang tanang gisugo sa Ginoo kang Josue, nga katumanan usab sa gisugo ni Moises kang Josue.

Ang Biblia 2011

¹⁰ Kay ang mga pari nga nagdala sa sudlanan nagtindog sa tungatunga sa Jordan, hangtod nga natapos ang tanang butang nga gisugo sa Ginoo kang Josue nga ipasulti ngadto sa mga tawo sumala sa tanang gisugo ni Moises kang Josue. Ug ang mga tawo midali pagtabok.

Maayong Balita Biblia

¹⁰ Nagbarog sa taliwala sa Jordan ang mga pari hangtod nga nabuhat sa katawhan ang tanan nga gisugo sa Ginoo kang Josue pinaagi kang Moises. Unya midali pagtabok ang katawhan.

Ang Bag-ong Maayong Balita Biblia

¹⁰ Nagbarog sa taliwala sa Jordan ang mga pari hangtod nga nabuhat sa katawhan ang tanan nga gisugo sa Ginoo kang Josue pinaagi kang Moises. Unya midali pagtabok ang katawhan.

Josue 4:10 Cross References

Salmo 119:60

Gituman ko dayon ang imong mga sugo.

Exodo 12:39

Giluto nila ang minasang harina nga walay patubo nga ilang dala gikan sa Ehipto. Wala nila kini mabutangi ug patubo kay gipadali-dali sila ug pahawa sa mga Ehiptohanon ug wala na silay panahon sa pag-andam sa ilang pagkaon.

Mga Panultihon 27:1

Ayaw pagpanghambog kon unsay imong buhaton ugma, kay wala ka makahibalo kon unsay mahitabo ugma.

Ecclesiastes 9:10

Pagkugi sa tanan mong buluhaton, kay didto sa dapit sa mga patay nga imong padulngan wala nay trabaho, panghuna-huna, kaalam o kahibalo.

Isaias 28:16

Busa mao kini ang giingon sa Ginoong Dios: “Pamati! Magbutang akog bato nga patukoranan sa Zion: usa ka bato nga kasaligan, lig-on ug bililhon. Ang motuo kaniya dili gayod mapakyas.

2 Mga Taga-Corinto 6:2

Kay nag-ingon ang Dios, “Sa husto nga panahon gipatalinghogan ka nako, ug sa panahon sa kaluwasan gitabangan ka nako.” Busa paminaw kamo! Karon gayod ang husto nga panahon nga luwason kita sa Dios.

Deuteronomio 31:9

Gisulat ni Moises kini nga mga sugo ug gihatag ngadto sa mga pari nga kaliwat ni Levi, nga mao ang nagdala sa Sudlanan sa Kasabotan sa Ginoo, ug ngadto sa tanang tigdumala sa Israel.

Josue 24:11

“ ‘Unya mitabok kamo sa Suba sa Jordan ug nakaabot sa Jerico. Nakig-gira kaninyo ang mga taga-Jerico, ingon man ang mga Amorihanon, Perisihanon, Canaanhon, Hitihanon, Gergasihanon, Hibihanon, ug ang mga Jebusihanon. Apan gipadaog ko kamo batok kanila.

Josue 3:13

Sa dihang motunob na sa tubig ang mga pari nga nagdayong sa Sudlanan sa Ginoo nga naggahom sa tibuok kalibotan, mohunong pagdagayday ang tubig sa Suba sa Jordan. Ang tubig nga gikan sa ibabaw mopundo sa usa ka dapit.”

Josue 4:11

Sa dihang nakatabok na ang tanan, gitabok usab sa mga pari ang Sudlanan sa Kasabotan sa Ginoo. Ug miuna sa mga tawo ang mga pari.

Josue 4:9

Mipahimutang usab si Josue ug 12 ka bato taliwala sa Jordan, didto gayod mismo sa dapit nga gitindogan sa mga pari nga nagdayong sa Sudlanan sa Kasabotan. Ug hangtod karon anaa pa kining mga batoha.