Jonas 1:9 - Ang Pulong sa Dios

⁹ Mitubag si Jonas, “Usa ako ka Hebreohanon ug nagsimba ako sa Ginoo, nga Dios sa langit nga naghimo sa dagat ug sa yuta.”

Ang Biblia 2011

⁹ Siya miingon kanila, “Ako Hebreo ug ako mahadlokon sa Ginoo, ang Dios sa langit nga maoy nagbuhat sa dagat ug sa uga nga yuta.”

Maayong Balita Biblia

⁹ Si Jonas mitubag, “Hebreohanon ako ug si Yahweh mao ang akong Dios. Siya ang Dios sa langit nga maoy nagbuhat sa dagat ug sa yuta.”

Ang Bag-ong Maayong Balita Biblia

⁹ Si Jonas mitubag, “Hebreohanon ako ug si Yahweh mao ang akong Dios. Siya ang Dios sa langit nga maoy nagbuhat sa dagat ug sa yuta.”

Jonas 1:9 Cross References

Genesis 1:10

Gitawag niyag “yuta” ang malang dapit ug “mga dagat” ang nangatingob nga tubig. Ug nakita sa Dios nga maayo kini.

Genesis 14:13

Adunay usa ka tawo nga nakaikyas ug misugilon kang Abram nga Hebreo bahin sa nahitabo. Si Abram didto niadtong panahona nagpuyo duol sa kahoy nga tugas ni Mamre nga Amorihanon. Kini si Mamre ug ang iyang mga igsoon nga si Eshcol ug si Aner mga kadapig ni Abram.

Genesis 24:7

Ang Ginoo, nga Dios sa langit, ang nagdala kanako dinhi gikan sa panimalay sa akong amahan, ug sa dapit diin ako natawo. Ug nanumpa siya nga ihatag niya kining yuta sa Canaan sa akong mga kaliwat. Busa lakaw kay ipadala sa Ginoo ang iyang anghel nga mag-uban kanimo aron makakita ka didto ug pangasaw-onon alang sa akong anak.

Genesis 39:14

gitawag niya ang iyang mga sulugoon ug miingon, “Tan-awa ninyo kini! Gidad-an kita dinhi sa akong bana ug Hebreo aron pakaulawan kita. Misulod siya sa akong kuwarto aron paglugos kanako, apan misinggit ako.

2 Mga Hari 17:25

Sa pagsugod nilag puyo didto, wala sila magsimba sa Ginoo, busa gipadad-an sila sa Ginoo ug mga liyon ug gipamatay ang uban kanila.

2 Mga Hari 17:28

Busa ang usa sa mga pari nga gibihag mibalik sa Samaria ug mipuyo sa Betel, ug gitudloan niya ang mga tawo kon unsaon pagsimba sa Ginoo.

Esdras 1:2

Mao kini ang pahibalo ni Cyrus nga hari sa Persia: “Ang Ginoo, nga Dios sa langit naghatag kanako sa tanang gingharian dinhi sa kalibotan, ug gihatagan niya ako sa responsibilidad sa pagpatukod ug templo alang kaniya didto sa Jerusalem nga sakop sa Juda.

Esdras 5:11

Mao kini ang ilang tubag kanamo: “Mga alagad kami sa Dios sa langit ug sa kalibotan, ug gitukod namo pag-usab ang Templo nga gitukod kaniadto sa usa ka gamhanan nga hari sa Israel.

Nehemias 1:4

Pagkadungog ko niadto, milingkod ako ug mihilak. Pila ka adlaw akong nagsubo, nagpuasa, ug nag-ampo sa Dios sa langit.

Nehemias 2:4

Nangutana ang hari, “Unsa may imong gusto?” Nag-ampo ako sa Dios sa langit, ug pagkahuman mitubag ako sa hari, “Kon mahimo, Mahal nga Hari, ug kon nalipay ka kanako, gusto ko untang mopauli sa Juda, aron tukoron pag-usab ang siyudad nga gilubngan sa akong mga katigulangan.”

Nehemias 9:6

Ikaw lang ang Ginoo. Gihimo mo ang langit, ang yuta, ang dagat, ug ang tanang anaa niini. Gihatagan mo ug kinabuhi ang tanan mong binuhat, ug gisimba ka sa mga anghel sa langit.

Job 1:9

Mitubag si Satanas, “Gitahod ka lang ni Job tungod kay gipanalanginan mo man siya.

Salmo 136:26

Pasalamati ang Dios sa langit. Ang iyang gugma walay kataposan.

Exodo 1:15

Unya miingon ang hari sa Ehipto ngadto kanila ni Shefra ug Pua nga mga Hebreohanong mananabang,

Exodo 2:13

Pagkasunod adlaw, misuroy na usab siya ug nakita niya nga adunay duha ka Hebreohanon nga nag-away. Gipangutana niya ang usa nga maoy sad-an, “Nganong ginakulata mo man ang imong isigka-Hebreohanon?”

Daniel 2:44

“Sa panahon niining mga hari, ang Dios sa langit mopatukod ug usa ka gingharian nga dili gayod mapukan bisan kanus-a. Dili gayod kini mapildi o madumalahan sa uban. Laglagon hinuon niini ang tanang mga gingharian ug magpabilin kini sa walay kataposan.

Oseas 3:5

Apan sa kaulahian, modangop sila pag-usab sa Ginoo nga ilang Dios, ug sa ilang hari nga kaliwat ni David. Ug moduol sila sa Ginoo nga adunay pagtahod tungod sa iyang kaayo.

Mga Buhat 14:15

“Mga higala, nganong maghalad kamo kanamo? Kami mga tawo lamang nga sama kaninyo. Giwali namo kaninyo ang Maayong Balita aron biyaan na ninyo kining mga butang nga walay pulos ug moduol sa Dios nga buhi. Siya mao ang naghimo sa langit, sa yuta, sa dagat, ug sa tanang mga butang nga anaa kanila.

Mga Buhat 27:23

Kay kagabii ang Dios nga maoy nanag-iya kanako ug akong gialagaran nagsugo ug anghel dinhi kanako.

Mga Taga-Filipos 3:5

Niadtong walo pa lang ako ka adlaw gituli na ako. Israelinhon ako sakop ako sa tribo ni Benjamin, usa ka tinuod nga Hebreo. Kon bahin sa pagtuman sa Kasugoan, gituman ko gayod kay Pariseo ako kaniadto.

Gipadayag 11:13

Sa mao usab nga oras milinog ug kusog. Naguba ang ikanapulo nga bahin sa siyudad, ug 7,000 ka tawo ang nangamatay. Nangalisang ang mga tawo nga wala mangamatay, ug midayeg sila sa Dios sa langit.

Gipadayag 15:4

Kinsa ba Ginoo ang dili mahadlok kanimo ug dili modayeg sa imong ngalan? Ikaw lang gayod ang balaan. Ang tanang mga tawo moduol ug mosimba kanimo, tungod kay nakita nila ang imong matarong nga mga binuhatan.”

Gipadayag 16:11

Wala gihapon sila maghinulsol sa ilang daotan nga mga binuhatan, gipasipalahan pa hinuon nila ang Dios sa langit tungod sa mga kabahong ug sa kasakit nga ilang giantos.