Jonas 1:5 - Ang Pulong sa Dios

⁵ Busa nangahadlok ang mga tripulante, ug ang matag-usa kanila nagpakitabang sa ilang mga dios. Gipanglabay nila ang mga karga sa dagat aron mogaan ang barko. Nakanaog na kaniadto si Jonas sa ubos nga bahin sa barko ug naghigda didto hangtod nga nahinanok siya pag-ayo.

Ang Biblia 2011

⁵ Unya ang mga tripulante nangahadlok ug ang matag usa nagpakitabang sa iyang dios ug ilang gisalibay sa dagat ang uban nilang mga karga sa barko aron sa pagpagaan niini alang kanila. Apan si Jonas misulod ngadto sa sulod nga bahin sa barko ug siya mihigda ug nahinanok sa pagkatulog.

Maayong Balita Biblia

⁵ Nalisang ang tanang tripulante ug ang tagsatagsa kanila nagpakitabang sa iyang dios. Ug aron dili kaayo mamiligro ang barko, ilang gipangtambog sa dagat ang mga karga. Apan si Jonas nahinanok didto sa usa ka suok sa ilalom sa barko.

Ang Bag-ong Maayong Balita Biblia

⁵ Nalisang ang tanang tripulante ug ang tagsatagsa kanila nagpakitabang sa iyang dios. Ug aron dili kaayo mamiligro ang barko, ilang gipangtambog sa dagat ang mga karga. Apan si Jonas nahinanok didto sa usa ka suok sa ilalom sa barko.

Jonas 1:5 Cross References

1 Mga Hari 18:26

Busa gikuha sa mga propeta ni Baal ang torong baka nga gidala kanila, ug giandam nila kini. Unya nag-ampo sila kang Baal gikan sa buntag hangtod sa udto. Misinggit sila, “O Baal, tubaga kami!” Nagsayaw-sayaw sila libot sa halaran nga ilang gihimo. Apan walay mitubag.

Job 2:4

Mitubag si Satanas, “Dawaton sa tawo nga mawala ang tanan kaniya basta buhi lang siya.

Salmo 107:25

Sa iyang pagmando, mihangin ug kusog ug nanagko ang mga balod,

Salmo 148:8

mga kilat, ulan nga ice, snow, mga panganod, makusog nga hangin nga nagtuman sa iyang sugo,

Ecclesiastes 3:6

adunay panahon sa pagpangita ug adunay panahon sa pag-undang sa pagpangita, adunay panahon sa pagtipig ug adunay panahon sa paglabay,

Isaias 45:20

Miingon usab ang  Ginoo, “Pagpundok kamo ug duol kanako, kamong mga nakalingkawas gikan sa pagsakop sa mga nasod. Wala gayoy kahibalo ang mga nagdala-dala sa ilang mga dios-dios nga kahoy. Nagpangamuyo sila niining mga dios-dios nga dili makaluwas kanila.

Jeremias 2:28

Hain na ang mga dios nga inyong gihimo alang sa inyong kaugalingon? Paduola sila kon tinuod nga maluwas nila kamo sa inyong kalisod. Pagkadaghan sa inyong mga dios, sama kadaghan sa mga lungsod sa Juda.

Oseas 7:14

Dili kinasing-kasing ang ilang pagsangpit kanako. Nagminatay hinuon sila ug hilak diha sa ilang mga katre sa pagpangayo ngadto sa mga dios-dios ug mga lugas ug bino. Gisamaran nila ang ilang mga lawas, ug nagpalayo sila kanako.

Jonas 1:14

Busa nanawag sila sa Ginoo, “O Ginoo, nagpakiluoy kami kanimo, ayaw kami siloti tungod sa among himuon kang Jonas. Ayaw kami paningli sa pagpatay sa usa ka inosenteng tawo tungod kay nasayod kami nga kining nahitabo imong pagbuot.”

Jonas 1:16

Tungod niini, nahadlok gayod pag-ayo sa Ginoo ang mga tawo. Busa naghatag sila ug mga halad ug naghimo ug panaad kaniya.

Jonas 1:6

Unya miadto kaniya ang kapitan sa barko ug miingon, “Nakahimo ka pa sa pagtulog? Bangon, ug pangayo ug tabang sa imong dios! Basin pa ug maluoy siya kanato, ug tabangan niya kita nga dili kita mangamatay.”

Mateo 25:5

Ug tungod kay nadugay ang pamanhonon nagduka ug nakatulog silang tanan.

Mateo 26:43

Pagkahuman mibalik siya pag-usab sa iyang mga tinun-an ug naabtan gihapon niya sila nga nangatulog. Kay katulgon kaayo sila.

Mateo 26:45

Unya mibalik siya didto sa iyang mga tinun-an ug miingon, “Nangatulog pa ba gihapon kamo ug nagpahulay? Tan-awa ninyo! Mao na kini ang panahon nga ang Anak sa Tawo itugyan ngadto sa mga makasasala.

Mga Buhat 27:38

Sa dihang nakakaon na ang tanan ug nabusog na, gihulog nila sa dagat ang mga dalang trigo aron mogaan-gaan ang barko.

Mga Maghuhukom 16:19

Gipakatulog ni Delilah si Samson diha sa iyang paa. Sa dihang nakatulog na kini, mitawag siya ug usa ka tawo aron putlon ang pito ka pilakd sa buhok ni Samson. Niining paagiha, nawad-an ug kusog si Samson ug gipadakop siya ni Delilah.

1 Samuel 24:3

Nakaabot si Saulo sa toril sa mga karnero nga anaa mahimutang sa daplin sa dalan, ug adunay langub didto. Misulod si Saulo sa langub aron magtuman sa sugo sa lawas. Didto diay sa kinasuloran nga bahin sa langub nagtago si David ug ang iyang mga tawo.